|
القمار ........
مرحبا اخوية كيفكن ؟؟؟ ...:D
انو هالموضوع الو براسي من فترة وحابة اني نزلو ونتناقش فيه ..اللي هوي القمار ... وقت اللي بدو يجي شي شب ليخطب بنت ..فبيسالوا الاهل عن اخلاقو ..واول سؤال ؟؟؟ بيلعب قمار شي ؟؟؟:? ... طب ليش هالسؤال ؟؟:? ؟ ..وليش بيعتبر من الصفات الاكتر سوءا بين شبابنا ؟؟:? عن جد ..ع طاولة القمار بتختفي كل الفروقات بين البشر .. الصغير متل الكبير والجاهل متل المثقف والامي متلو متل المتعلم ....كلن بلحظة بروح منن الحظ او بيفلت من ايدن ..فببيعوا كل شي وبيخسروا كلشي .:( .. على امل انن بدن يرجّعوا اللي فقدوه او خسروه بورقة شاءت الصدف انو ما تجي بايدين ...:( اديه خرب بيوت ... وقديه اغنياء فقروا ...واديه ذل ناس ... ودمر عيل .. فهل متعة المغامرة بتغلب متعة البيت والاحباب والاهل ؟؟؟ ..هل تساوي هذه المغامرة التضحية بالاهل ؟؟؟:? اللي بيلعب بالقمار اذا ربح ما شبع وما قنع ... واذا خسر ما استسلم ولا انهزم .... بجرب ويجرب وبين كل تجربة وتجربة .. بيخسر جزء من ارادته ..وهيك ما بيقد يسيطر على هالدوافع بجني المصاري السريعة خاصة وانو بيعرف وقت اللي بيملك المصاري بشوف الرفقة والاصحاب جنبو والكل بخدمتو ...بس هل فكر انو لو خسر مرة ..مين رح يبقى حدو ؟؟؟ ..ومين بدو يمدلو ايدو وقت اللي بدو يقع ؟؟؟؟ هللأ المجتمع بشكل عام بينبذو وما حدا بيامنلو ... لانن بيعرفوا انو ممكن يغامر باي شي منشان لعبة قمار ...:( انو انا لتتيت كتير ..:p . ..شو رايكن انتوا بالموضوع ؟؟ ..;-) شو نظرتكن .. للشب اللي بيلعب قمار .. لك لا ليش بس الشب ..دارجة موضة النسوان ..كمان:shock: .... انو شو نظرتكن للقمار بشكل عام بغض النظر مين عم يلعب ....:D وشكرا لالكن ..:D .. بس ما يطلع مكرر ....:cry: :cry: |
اقتباس:
في اكتر من نوع للقمار في عالم هيك كتير قمار وعالم قمار بس مو قد الاولانين وعالم اقل من التنين هلق في عالم بمسحو جوخ وبقولو للصبية انها قمر هدول القمار نوع رابع يعني بكونو العالم بقلولهون انهون قمار بس هني مو قمار اي وهكذا :7asheesh: |
ميرسي .. كتير حلو الموضوع .. و انا برأيي انو هي السوسة بتخرب البيوت .. و كتير خطيرة على يلي عم يلعب من كل النواحي .. بتفرقو عن اهلو و عيلتو و رفقاتو .. حتى هو بتصير نفسيتو سيئة
و لا انت شو رايك ؟؟ |
اقتباس:
يعني عطينا الزبدة والله اللي بيقرأكلامك بيحسبك انك شربان شي وعما تكتوب |
لعب القمار لمى الواحد بتاخد أيدو على اللعب مابيحسن يتركها لانو سحبت معو العادة
ومستعد للتضحية بأغلى شيئ عنده لكي يكمل اللعب |
اقتباس:
|
اقتباس:
|
اسوء عادة ممكن شخص انو يتعلمها.... لانها تجر الى الادمان ويا عيني لما بيصير واحد مدمن قمار....:(
بيبيع بيتو شغلو حياتو .... وبالنهاية بتتدمر حياتو ....:jakoush: :jakoush: وشكرا على الموضوع الحلو:D :D |
من منطلق كل شي زاد عن حدو نقص ...
يعني القمار حلو بس ما يقلب ادمان لأنو بوقتها الواحد ببيع تيابو مشان القمار .. أنا براي شخصياً يعني السؤال عند الزواج ( مو بمحلو ) يعني شو دخلهم اذا بيلعب قمار ولا لأ .. تحياتي :D |
اقتباس:
اقتباس:
مزبوط ..:D اقتباس:
|
اقتباس:
|
اقتباس:
|
اقتباس:
|
هاي
هايو مرحبا بونجور كيفكن؟ مابعرف ليش مروقة كتير اليوم.. المهم... انا كتير بكره الي بيلعب قمار(بنت او شب او رجال كبير او مرة ختيارة)...! لانه..بحسه سخيف..يعني انا بدي علق مصيري بشي مو معروف.... يعني مثلا متل الي عم يشتري سمك بمي..... |
عجبني رأي كاكابودا انو طالما الواحد بيعملو احيانا للتسلية وبس بتكون شغلة عادية بس اذا وصلت للادمان بتصير مأساة
وعموما اي ادمان بالدنيا مشكلة بس هاد مشكلتو اكبر لانو رح يأثر عالعيلة كلها ويمكن يدمرها ماديا وبعدين يدمرها لسه اكتر اذا وصلت مع المقمرجي (مابعرف اذا صح هي الكلمة:oops: ) انو يعمل شي مشكلة لحتى يجيب مصاري يقامر فيها |
اقتباس:
اقتباس:
|
اقتباس:
وهلا رمرومة .... وامراة من ورق نورتوا ....:clap: :D |
اقتباس:
ما بصير بدنا انضل بالواقع الاحلام ما بتجيب..الواقع انو اذا ما زبطت معه اليوم شو احتمل اناها تزبط بكرى...؟؟!؟؟!؟!؟!؟ اكيد ضئيل هاد اذا فيي اصلا...... |
| الساعة بإيدك هلق يا سيدي 21:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون