|
ثلاثـة ثلاثـة ثلاثـة
ثلاثـة ثلاثـة ثلاثـة ثلاثـة مَواعيد مُهمة فاتتـكَ في حَـياتك حَتى الآن ثلاثـة قرارات مُهمة ندمْتَ على اتخاذِها في حَـياتك حتى الآن ثـلاث شـَخصيات مُهمة في أخوية أعجبتَ حتى الآن مَع ذكر التعليل وَ بـِ اختصار |
1
ثلاثـة مَواعيد مُهمة فاتتـكَ في حَـياتك حَتى الآن موعد امتحان موعد قطار (سفر لاجتماع مهم ) موعد فتاة جميلة جداااا راحت علي نومة مع اني فقت قبل بساعتين بس المشكلة اني هي بغير محافظة وما كان في موبايلات :cry: ثلاثـة قرارات مُهمة ندمْتَ على اتخاذِها في حَـياتك حتى الآن قرار الغاء سفر للعمل بالخارج قرار إلغاء صفقة بضاعة بكميات هائلة واسهار رائعة :cry: قرار إلغاء فتح مشروع ثـلاث شـَخصيات مُهمة في أخوية أعجبتَ حتى الآن اممم موجه بحر :sosweet: سوريانا سوا ربينا سمسم وكتييييييييييير شو تلاتة بدها 300 |
اهم مواعيدي كانت مع لقاء النفوس وليس لقاء الاجساد....
لذلك... لم يفتني اي منها... لم ولن اندم على قرار اتخذتة... ففي كل تجربة بعد قرار... ارى نصف الكأس الممتلئة... من اكثر الشخصيات التي اعجبتني قي اخوية... انت ايها اللا منتمي... في كل مرة اقرأ فيها احدى مواضيعك, اشعر كأني اقرأ في اعمق اعماقي... عجيب انت... كيف لك ان تستطيع التغلغل الى هذة الاعماق... فتكشفها وتفضحها... وتبقى انت هناك بلا مبالاة تراقب ثورتي على نفسي!!! باشق مجروح... لشدة ثقافتة وحدة بصرة... فأنا ارى بالرجال امثالة سلسلة ضرورية تضم حلقات الحضارة... وشم الجمال... لابداعها, فكتاباتها تجعلني اغوص في اعماق بئر كينونتي..... |
اقتباس:
:frown::cry::pos: |
اقتباس:
|
اقتباس:
وراح ضل عاملة حالي مش فهمانة... ويا ريت انت بتفهمني... شو يلي مزعلك بالزبط؟؟؟:p بعدين انت بتعرف انو في اشيا انا ما بسترجي احكيها... من خوفي لبنفسجة تقوسني...:lol: |
والله بالنسبة للمواعيد فعنجد هي وحدة من عقد حياتي لاني انا الي ع طول بنطر وبحياتي ماتاخرت ع موعد
اما بالنسبة للقرارات فاول قرار هو خطبتي الأولى لانو كان عمري بس 14 سنة تاني قرار هو لما سمعت نصيحة حدا ونفذتها بدون مافكر تالت قرار لما وثقت ثقة عمياء بحبي الاول اما الشخصيات فاول شخص هو nabilyamin لانه غير نظرتي للحياة تاني شخص هو القلب الدافئ لانه مواضيعه وارائه بتشبه الى حد ما طريقة تفكيري تالت شخص هو سوريانا |
ثلاثـة ثلاثـة ثلاثـة ثلاثـة مَواعيد مُهمة فاتتـكَ في حَـياتك حَتى الآن مافي لأن لما يكون موعد مهم بجهز حالي من قبل بكم يوم وبستنفر:lol: ثلاثـة قرارات مُهمة ندمْتَ على اتخاذِها في حَـياتك حتى الآن التعامل مع أشخاص ما بيستحقوا شو ماكان نوع التعامل ( ثقة - عطاء ...الخ.. بس.. ثـلاث شـَخصيات مُهمة في أخوية أعجبتَ حتى الآن كتار yass لأنو شخص راقي ومثقف وموضوع يوالحوار معو والنقاش جدا فعال لو كان مو متل رأيك ما بيهاجمك:D reemi مرحة ..وبتصغيلك لما بتحكي..متل أمك يعني:p butterfly مبدعة مثقفة عفوية.. مايا*بحسها رقيقة كتير وحساسة طفولة بتحط ايها عالوجع تمام.. أفكارها جريئة لسا في بس حاجة عيب:oops: :p :D:D |
كل المواعيد عم تروح علي مشان هيك ماعاد اعطي اعي اهمية لمواعيدي
بصراحة بصراحة من بعد ما قريت رواية ذاكرة الجسد - فوضى الحواس - عابر سرير ماعاد في اي شي بالدنيا بخليني اندم على شي لأنو "الندم هو الخطأ الثاني الذي يرتكبه الانسان". بالنسبة للشخصيات بأخوية حبيتكن كلكن "انا مكولكة شوي" بس اكتر شي القلب الدافئ مالك الحلبي "وينو ماعاد بين" ووووووالمحارب العتيق |
ثلاثـة مَواعيد مُهمة فاتتـكَ في حَـياتك حَتى الآن موعد قطار لما كنت رايح على الامتحان موعد ولاد اختي التنين موعد مقابلة مع شركة محترمة ثلاثـة قرارات مُهمة ندمْتَ على اتخاذِها في حَـياتك حتى الآن اني اخترت كون ملتزم بزماني اني اخترت اهتم لكلام الناس كمان بزماني اني اخترت اصدقاء كلن غلط كمان بزماني ثـلاث شـَخصيات مُهمة في أخوية أعجبتَ حتى الآن مافهمت شو يعني شخصيات مهمة بس رح عد الي اعجبت فيهن yass ظل جيفارا غابرييل وباشق مجروح بس لازم تزيد العدد شوي ولو :D |
اقتباس:
:D |
اقتباس:
1- التاخر عن احدى الامتحانات الدراسية وهلق مهدد مستقبلي بسبب التاخر المذكور . 2- تاخرت عن العودة للمنزل وما قدرت اطلع ودع اختي من المطار وبعدني ندمان عن اللحظة لهلق . 3- بعده على الطريق اقتباس:
التخلي عن شي اسمه موسيقا في سبيل شي اسمه رياضة عطيت للصداقة قيمة اكتر مما بتستاهل الشي الي لهلق بيزعجبني اني كنت كتير سطحي وساذج وبحياتي مافي غير هاد القرار ندمان عنه حتى بكتير من الاوقات ما بكون ندمان وبقول ( هيك احسن لي ) بالمجمل انا كتير بحس حالي راضي عن حياتي الحالية ومافي اي ندم او استياء وقلت لك من قبل لو انعادت حياتي مرة تانية حيكون التحدي اني استطيع اعيش بشكل افضل من الحياة الحالية . اقتباس:
باشق مجروح لأن بحسه انسان جيد ومتعقل جدا ومن النماذج اللي لازم يحتزا فيها ياس انسان صاحب قضية وما بيتخلى عنها متل ما عمنشوف مشان معتقلي الاخوية اضافة لمواقفه في الامور الجتماعية والسياسية المميزة والحكيمة بنفس الوقت ابو ريتا بيقدر بكل بساطة يخليني اضحك بالوقت اللي بكون فيه كتير متدايق ومعصب بيكفي اني شوف احد ردوده حتى يقلب مزاجي اللامنتمي فكر متعمق ومتقدم وبالنسبة إلى بعترف اني كتير اوقات بحاجة لجهد اضافي وتعمق حتى اقدر افهم شو بيقصد وحتى اللحظة ما بقدر اتوقع تصرفاته وطريقة تفكيره وكتابته وبحسبها اكبر من اني اقدر استوعبها . |
| الساعة بإيدك هلق يا سيدي 11:07 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون