|
تبادل الاسرى بين (صدق الوعد) و (المكاسب)..
بطلته البهية بالصدق والوفاء بالعهد . شامخاًَ برأسه . بعيداً عن دجل السياسيين وكذبهم المتواصل . الصراحة والمباشرة والوضوح هي اهم ما يميز سيد المقاومة. من جديد يثبت السيد ان السيف يثبت قوته وصلابته وشرعيته .. مبارك لكل الاسرى العائدين الى الوطن .. نقول لألم العدو و ذله ووجوه اسياده القذرة بالدمار والقتل والاحقاد .. هل عرفتم الفرق بين عدالة القضية وبين زيف الادعاءات والعدوان ؟ .. تحية للمقاومة اللبنانية على هذا الانجاز التاريخي الجديد الذي يؤكد ان قذائف شباب المقاومة هي أملنا ورهاننا الوحيد. الانجاز .. انتصار لمنطق المقاومة ولغة السلاح وصوته المدوي .. فلا مفاوضات ستنجح يوماً في وقف احتلال . ولا لغة الحوار ستحمي وطناً من طمع طامع وجنون مستعمر. المكسب .. الحزب الذي احتل بيروت و استعمل سلاحه في الداخل طاعنا كل ما قيل عن مصداقية تعهداته يحاول الان استعادة ماء وجهه وثقته مع الشعب بابرام صفقة فق وقت حرج سياسياً. بين المفهومين ما هو موقفك ؟ كيف تنظر الى هذه الصفقة .؟ هل هي مجرد مكاسب سياسية واعادة ثقة لحزب الله على الارض وخصوصا ان المجاهد سمير قنطار من الطائفة الدرزية ؟ ام هي وعد يثبت اليوم صدقه ومقاومة لا تتخلى عم مبادئها ؟ |
الله اعلم المستقبل كفيل بانو يجاوب ع هالاسئلة ..
شكرا عالموضوع |
هي وعد يثبت صدقه و مقاومة لا تتخلى عن مبادئها
الف تحية لسيد المقاومة وانشالله من شوف كل الاسرا ببلدن ومع اهلن |
مقدمة: أبارك هذا التحرير أولاً من منطلق إنساني.. و أتمنى أن يطلق سراح كل الأسرى أينما كانوا و مهما كانت إنتمائتهم من أسرى حرب أو أسرى رأي و حرية تعبير..
حتى نكون موضوعيين لابد لنا من الفصل بين حزب الله كحركة مقاومة وطنية في وجه إسرائيل و بين حزب الله الحركة "السياسية" و التي تمارس نشاطها على الأرض اللبنانية.. من الناحية الأولى فلا يوجد إنسان وطني على وجه الأرض من الممكن أن لا يعترف بحق الحزب بمقاومة إسرائيل و سعيه لتحرير أرضه و أسراه.. و وجب علينا جميعاً الإعتراف بصدقية و شرف هذه المقاومة من خلال مواجهاتها المتتالية مع إسرائيل و على كافة الصعد.. أما من الناحية الثانية فحزب الله كحركة "سياسية" داخلية وقع في المحظور عددة مرات و ذلك بسبب تحالفه الإستراتيجي مع الحكومتين السورية و الإيرانية و ذلك مع العلم أن جميع الأطراف في لبنان مرتبطه بمحاور إقليمية أو دولية.. حتى وصل الحزب إلى تدخله العسكري الأخير في بيروت مما أفقد الحزب بعض مصداقيته من ناحية موضوع عدم إستخدام سلاح الحزب في الداخل.. لكن للتاريخ و الحق و الضمير وجب عليي قول كلمة في حزب الله و بغض النظر عن التطورات الأخيرة على الصعيد الإقليمي و الداخلي اللبناني و التي أنا شخصياً من أشد المعارضين لها. ومع تحفظي الشديد على ارتباطه بالنظام السوري الحالي... وجب علي قول أن حزب الله كحركة مقاومة وطنية هي من أشرف المقاومات في التاريخ الحديث.. |
شكرا عزيزي على تسليط تبادل الأسرى بين حزب الله والكيان الصهيوني.وأما بنسبة الى جواب سؤالك.هو بنضري ج\ وعد يثبت اليوم صدقة ومقاومة لا تتخلى عن مبادئها. ولكم جزيل الشكر. |
اقتباس:
|
اقتباس:
|
هلق كرمال المكاسب السياسية فيو الحزب كان من زمان ياخد مكاسب سياسية
يعني استراتيجة الحزب لاتقوم على هكذا مكاسب يعني لا شعبيتو رح تزيد ولا رح تنقص ولا المعارضين الو رح يبطلو معارضين لان مش هي اول مرة بيصير هيك صفقة تبادل ولو بدو يستفيد الحزب منها سياسيا كان استفاد من سابقاتها اما عن الوعد فيا جماعة والله هالحزب ما بيقول كلمة الا بمحلها ولما بيقول انو الاسرى رح يرجعو فهاد يعني انو رح يرجعو ما بعرف اذا كان سر هالقوة فرضها منطق السلاح فقط بحس انو في شي تاني فرض هالقوة غير السلاح يمكن يكون الصدق بالحديث وعدم المراوغة او الكذب ويمكن الايمان بالقضية يلي عم يحارب هالحزب من اجلها مع اختلافي مع منطق الاحزاب الدينية لكن لا اخفي ولعي الشديد بهذا الحزب واحترامي الشديد له لمصداقيته منقطعة النظير ولا يسعني الا ان ارفع القبعة احتراما لرجل بقي رجلا في زمن عاد الرجال فيه عملة نادرة الوجود |
أنا بقول إنو التاريخ شاهد على صدق و وفاء الحزب في مسألة المقاومة و تحرير الأرض بغض النظر عن كل ما يقال من مكاسب سياسية و الى آخروووو
و متل ما بتعرفوا و متل ما أكد السيد حسن إنو لو كان الحزب طامع بالسيطرة على الدولة....لقام بانقلاب بليلة وحدة -ما فيها ضو قمر- و رمى فريق السلطة بالبحر...يعني مسألة السيطرة و حكم البلد مرفوضة رغم سهولتها و منشان مسألة إنو والله الحزب استخدم السلاح نحو الداخل....فأنا بقول الأحداث الأخيرة بينت حقيقة الوضع بإنو جميع الأطراف عندا سلاح بمختلف الأشكال و وقتها أكد السيد حسن إنو سلاح الحزب رح يُستخدم ضد كل مين ايحارب الحزب داخل لبنان..... أو حتى خارج لبنان بعد عملية اغتيال مغنية من قبل أطراف عربية و أجنبية . |
بالرغم من اني مبدئيا ضد كل تنظيم بيعتمد الدين مرجعية لعملو السياسي بس حزب الله اثبت انو الوطنية من اهم اهدافو . ما فيي قول غير تحية لكل المقاومين السابقين والحاليين .
|
اقتباس:
اقتباس:
خطوة ممتازة ونجاح ونصر شديد من نصر الله و يستمر السيد حسن نصر الله بتحطيم قلوب الاسرائيليين و خصومه اللبنانيين الذين تظاهروا بمشاركة حزب الله فرحه بتحرير الأسرى |
اقتباس:
|
يا غالي
هالشي واضح للقريب و للبعيد يعني لو بدهم يفرحوا بجد كانوا أيدوا الحزب بالحرب الأخيرة ما كانوا وقفوا ضدو .. ولا نسيت أنو هنن الي بهدلوا الحزب و حملوه مليون كلمة لأنو أسر الجنديين الي حرروا مقابلهم الكتير و الكتير من الشهدا والاسرا يعني حركاتهم كلها مكشوفة و ما بتمرق على حدا عمرون ما سألوا عن أسير أو شهيد أو شي تاني هلق حن قلبهم و صاروا بدهم يشاركوهم و يحتفلوا ويفرحوا كل هالحركات يا غالي حتى ما يكون هالنصر لحزب الله فقط و إنما للبنانيين كلهم على اساس انو هالشي مو نصر لحزب الله وأنما نصر عام الطرف اللبناني طرف الي بيسمي نفسه أكترية و هو أقلية أتفه من أنو يعرف شو يعني نصر و شو يعني عروبة و شو يعني عدو اسرائيلي |
اقتباس:
اقتباس:
|
شوف ... لعبة الساسة الكبار نحن ما ألنا فيها
يعني كل واحد منهم عم يلعب متل ما بدو و بيحالف و بيحارب بحسب أهدافو و مقومات اللعبة الي عم يلعب فيها بس الشي الي عم احكي أنا عنو هو واقع الشارع و الحقيقة الي شايفينها بعيونا كلنا مافينا نغمض عن شي كلنا منعرف أنو حقيقة مقابل نكون على الحياد من رأيو .. أنا لما بحكي على طرف الموالي بأنو خاين و عدو .. كل الناس شافت ولمست هالشي و كان حقيقة واضحة بعدة مواقف منها الحرب الأخيرة و نهر البارد و المواقف مع الامريكان و لا كل هدون مو من ضمن الحسابات ؟ |
شوف انت لكن لما بدك توصف أي طرف بالخيانة بدك ما تنسا إنو هالطرف عندو جمهوره و عندو أنصاره.. يعني مي كل واحد ماعجبو التاني صار خاين و عدو..
ولما بدك تحكي بواقعية بدك ماتنسى نص الشعب اللبناني يلي مع الطرف يلي انت مو عاجبك.. و بالنسبة للعبة السياسة يلي نحنا ما دخلنا فيها.. بيكون ما دخلنا فيها لما يكونو عم يلعبو طابه مع بعض. مو لما يكون عم يلعبو بمصالح الشعب و بحياتوه.. بالأخير برجع بقلك احترم يلي مصالحو و رأيه بيخالفك.. لأنو هاد الخطاب الخشبي تبع كل واحد مابيعجبنا نخونو و نحقرو بطل صدقني.. لانو هاد الطرف من وجهة نظرو كمان بيجوز عم يشتغل لمصلحة بلدو.. و ماتنسا انو هالأطراف كانو المقاومين السياسيين بيوم من الأيام بوجهة نظر الطرف يلي انت متبني أفكاره.. |
برجع و بقلك أنا ماعم احكي من وجهة نظر أي فريق سياسي كان
خليني كون أنا على الحياد و شايف الاحادث قدامي و أكيد رح أحكم بالي قلتلك ياه أنا ما عم احكي من أي منظور غير الواقع الي شايفو الطرف التاني اللبناني مو ما بيشكل نص اللبنانيين متل ما بتحاول بعض اجهزة الأعلام توصيلها للمشاهد و هي بدورها بتخون و بتهاجم الطرف الأول المتمثل بالمعارضة اللبنانية و الي بدعمها سوريا و إيران كل واحد ألو وجهة نظرو و بيعبر عنها بالطريقة الي بيشوفها مناسبة .. مو شرط تكون صحيحة بس هيك رأيو ... |
حزير شو الطرف يلي انت عم تحكي عليه رح امشي معك و قلك انو مو نص الشعب.. يا أخي و لاربعو.. بدي الك عشره بالميه من الشعب.. بس بيضل الو تمثيل شعبي.. مابيصير تحقرو و تخونو بهالطريقه.. مو حقك و لا حقي و لاحق الملائكة انو تخون الناس على كيفها.. واذا انت عم تقول انو كل واحد الو وجهة نظرو فاحترم وجهة نظرهن لهالفئه و اسمعها و ماتتفهن و تخونون بهالبساطه.
|
| الساعة بإيدك هلق يا سيدي 12:47 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون