أخوية - ضوابط قسم التصميم والجرافيكس والحركات الشيك

سلام للكل

.

اول شي اهلا وسهلا بكل واحد ووحدة بهالقسم هاد
وهون حابين قبل ما تشاركو ... نحطلكن هيك شوية خطوط حمرا عريضة بخصوص هالقسم " التصميم والجرافيكس والحركات الشيك" ..

حتى نرتقي بهدفنا هون ونستفيد من كل ذرة ابداع موجودة بكل واحد فينا .. ونقدر نوظفها بمكانها الصحيح

سياسة هالقسم بتتلخص بعدة نقط رح ازكرها وحدة وحدة وبتمنى من الكل يلتزم فيها .. ان كان بطرح موضوع ... او رد على موضوع
وحتى أخلي المسؤولية الكاملة عن الادارة بحال " الحذف المفاجئ"
لأي موضوع أو رد

( بحيث انو ... لو خالفت نقطة من هالنقط .. لن يتم المراسلة بخصوص الحزف.. كونك انت خالفت هالشروط )

.
.

( أولاً )

كل تصميم يستوجب وقت طرحو يكون (عنوان للموضوع / التصميم) بشكل مبسط .. مفهوم .. و بيعكس تصميمو..
يعني المواضيع ذات العناوين متل : "عطوني رايكن بهالتصميم .. تصميمي الجديد .. اخر تصميم .. تصميم خيلة .. إلخ".. مرفوضة

.

(ثانيا)
كل تصميم بيتم إدراجو بهالقسم ... بيستوجب على المصمم .. ادراج صورة مصغرة بقياس
200 * 200
بكسل
كـ حد أدنى
و

600*600
بكسل
كـ حد أقصى
.

(ثالثاً)
بحال الرد على موضوع بقسم " التصميم والجرافيكس والحركات الشيك" ردك حصريا لازم يكون بيخص التصميم نفسو .. لمناقشة حالة فيه .. نقد بناء.. ألخ ... يعني نقط بتهم التصميم

ازا ... وعلى فرض اجا ردك متل: "تصميم حلووو، مشكووور .. وغيرها من الألفاظ اللي بتقتل هدف الموضوع"
لا تتفاجأ بحذف ردك ..

منعتزر مسبقاً عن الإعلان عن حذفا تماماً لأنها ما بتخدم سياسة القسم..

.

(رابعاً)
عدم وضع أكثر من تصميم بالقسم بيوم واحد حتى يتسنى الرد والنقد لكل تصميم على حدة..
ومشان ياخذ كل تصميم حقو من النقد البناء..

.

(خامساً)
ممنوع وضع (مسابقات، منافسات..) من قبل اي عضو الا بعد التنسيق مع المشرف المسؤول عن القسم
مشان يتم التنسيق وعرض الموضوع بطريقة لائقة.. وتظهر حبية التعاون بين المصممين والإدارة..

(سادساً)
*نشر التصميم بأخوية لا يلزم أخوية بحفظ حقوق أحد و لا يلزمها في حال كان هاد التصميم مسروق أو "مقتبس"

.

( سابعاً )
*لما تحط تصميمك بموقع تحميل يفضل يتحمل أيضا بأخوية "ازا أمكن مرفقات " حاكم يعني بتعرف الزمن غدار...وازا ما قدرت تحملن عالمرفقات .. يرجى تراسل المشرف المسؤول عن القسم

.
هازا ومنتمنى أنو يلتزم كل مصمم بهالسياسة..
حفاظاً على رونق القسم

.
.

لوجود أي خلافات أو أي صعوبات بأي بند من هالبنود اللي سبق ذكها..
يرجى مراسلة مشرفي الأقسام أو إدارة المنتدى ..بقسم البريد بهازا الخصوص..

.
ودمتم
:D