لطلبات الأعضاء في قسم التصميم والجرافكس
 

مرحبا للجميع ..

ببساطة .. توضع هنا طلبات التصاميم الخاصة .. "شعارات , صفحات, أسماء , استفسارات .. الخ "
و أي طلب خارج هذا الموضوع " عذراً " سيحذف ..

وبالنسبة للأعضاء الي عم يلبوا الطلبات .. يرجى ذكر اسم الطلب + صاحب المشاركة او الطلب... مشان ما يصير خربطة

مع التحيات
:D

طلب من احلى اعضاء
 

مرحبا كيف الاحوال:yahoo:؟؟

اسمعوا اخوال عمام وولاد وبنات انا بدي صورة متحركة اتكون رومنسية وحلوة دورت كتير بس ما في شي عجبني لانو بالصعب يعجبني شي;) فكرت وقلت اكيد اخواني بالمنتدى بيساعدوني لانهم معروف عنهم اكرم من حاتم:p
وانا املي فيكم كبير قد الدني يعني يلا ساعدوني حسب طلبي
ومشكوريين سلف :ss:

بلييييييييييز ساعدوني
 

أبغى طريقة تركيب صورتين على بعض بدون لا يتغير الحجم صرت أعاني من هالمشكله تطلع لي وحده أكبر من الثانيه...
بللللللللللللللللليز هيلب مي

رد على :
المشاركة : بلييييييييييز ساعدوني
العضو : hmew
--------------------------------------------------------------------يا زلمة كل صورة ع حسب حجمها ازا بدك تخلي الصور متل بعض
روح لـ Image size واختار الحجم اللي بيناسبك و زات الشي مع الصورة التانية
بس بجد ما فهمت قصة التركيب هي:shock:

تم نقل الطلبات الموجود بالقسم إلى الموضوع + تعديل الردود بما يتناسب مع طبيعة الموضوع

بتمنى من الجميع الالتزام... وعراصي الكوول :gem:

مممممـ ، بدنا بمعيّت الشباب .. تنقوا لنا شي صورة حتى نعمل عليها تصميم وتكون ع ذوقكن يعني
شي صورة لبشــار الأسـد ، أو شي صورة هيك تكون معبرة ، و أنـا جاهز :D

ممكن أشترك معاكون بعمل التصاميم ؟؟

شباب صبايا بدي تصميم عن غزة ...
وبدي يكون مكتوب فيو كلنا غزة بالعربي والانجليزي اذا ممكن ...
وشكرا سلف :D

شو ماعجبوكون ؟؟

انه هوي نص طلب مو طلب ( مشان ما نتحمل منية طلب كامل :p )

القصة بأن محسوبكم قرفان رب سما اللي خلق الهيدر تبع مدونته
لأنه :
1- معجق
2 - قرباطي وألوانه شغل كاباريات
3 - الكتابة فيه أكتر من الصورة حتى

لذلك طب غم قرفت منه وما عدت طيقه بالمرة يا اخي قرفته قرفته ما عدت اقدر ادخل على مدونتي بسببه :jakoush:

وبعد جهد جهيد وبحبشة بكلشي اسمه صور علنت ما طلعنا بصورة حلوة كنتيجة خرج نحطها بالهيدر
فاقتنعنا أخيراً ان العطل مو من دوا الغسيل انما من الغسالة نفسها ( حضرتي الغسالة يعني )

لذولك قلت لحالي بركدا الشعب الأخوي الصامد بيطلع معه شي صورة او فكرة معبرة ليحلشنا ياها ضمن الاطار هاد

فوش هون

.................................................. .لك هون هون

طب هون
تسليت عليك :p
لك شبنا ما بتلقى مزح :frown:

فقوش هون


( هلق قصة الاطار ما بتقدروا تلعبوا فيها لأنه مصمم بحيث يتناسب مع جسم المدونة :larg: )
فكل اللعبة وكل التصميم بده يصير ضمن الاطار الأبيض الداخلي ومعكن كامل الحرية بالتحرك

بالمناسبة اسم المدونة ( وطن النور والظلمة- syriel ) مشان اذا بهمكن تعرفوا يعني لتعرفوا تمشوا على ضو وانتوا عم تصمموا :cry:
القلب داعليكن :cry:

رغم انك عنجد نرفزتني بقصة الفقشة بس ما عليه رح حاول ساعدك
لاني عم حاول حمل الفوطوشوب الاصدار الاخير:pos: بس لازملي شوي وقت مشان هيك بدك تصبر شوي عني بس ازا اجاك عرض تاني اقبل ازا بدك ع راحتك شريك ;)
لذولك قلي خاي شو بدك تحديدا يكون التصميم يعني اعطيني الفكرة الاساسيي ازا بدك ياه يكون وطني او يعبر ع شخصيتك:?هلأ انا اجت ببالي فكرة بس ابعرف ازا رح تعجبك او لوء :pos:
لذلك خبرنا شوي عن شو اللي بدك ياه اكزاكتلي
ونحن بالخدمة :deal:

ياقمر في موقع للتحميل بس سجلي فيو

شامل نت

ولو بدك بعطيكي الرابط :D

فيو كل الأصدارات

خدي وقتك خيتو خدي وقتك
انا صار وصلني اكتر من تصميم من اكتر من شخص لذولك رح اتدلل ونقي الأحلى بحسب تصويت الجمهور :larg:
فاذا عندك ضغوطات ما تعذبي حالك كتير
واذا ما عندك .. انت كريمة ونحن منستاهل :clap:
وهي وردة الك ولكل مين اهتم بالموضوع وساعدني :D