|
brave heart2
اول شي معليش لا يزعلو مني المشرفين لأنو حطيت الموضوع هون
بالمنبر بس بأعتبار المرحوم كان هون موقعو بالاكتر وباعتبار تعودو عليي المشرفين انو مضيع جحشة خالتي بالمنتدى المهم سلاما لبقايا ذكرياتنا من brave heart2 والسؤال انو حدا يفهمني شو صار معو بالضبط يمكن انا انقطعت فترة عن المنتدى بس على الاقل اعرف ليش ما عاد جبتو اي سيرة عنو حتى انو بتذكر وقت الحادثة سكرتو كل المواضيع عنو طيب ليش ودمتم لأخوية عنوان التواجد |
تحيّه لروح راضي بدايه ,
اذا بدّك تفهم شو صار معه بالضبط و كيف توفى فالاداره ما هيّ الجهه اللي بتقدر تفسرلك تماما بحيث انّو نحنا ايضا وصلنا الخبر من أشـخاص مـقربين أكتر مننا لراضي اضافه لانو هي المعلومات مش من ضمن شغل الاداره فبالتالي الاداره غير معنيه لتعطيك هيك معلومات تعتبر شخصيه عن احد الاعضاء, لذلك اذا حابب تعرف أكتر من انو توفى فيـفضل تسأل أحد الاشـخاص اللي كانو على تواصل معه بشـكل أكبر و بيقدرو يخبروك .. أيضا نحنا كأداره و كأخويه مافينا نجيب سـيرته لمجرد نجيب سيرته, يعني ما صار منـاسبه اجى حديث او ذكر لراضي و حاولنا الابتعاد عنه . راضي كان عضو بأخويه و توفى , أخويه بعدها و رح بتضل عطول تذكر اللي قدمه فيها و بعدها محتفظه فيه و رح تضل على طول مواضيعه و مشاركاته موجوده بالمكان اللي تركهم فيه, و متل ما تركهم الفرق بقى انّو صار في مع كل موضوع و مشاركه غصّه النا كأشـخاص, لكن هالشي ما بيعني انو نضل عم نحكي بالقصّه كل الوقت , صار في موضوع عن وفاته بالمنبر وقت حـصولها و تم أغلاقه بعد اسـبوع لانو متل أيّ عزاء بـصير رح بينتهي بعد فتره و الحي ابقى من الميت .. الله يرحمه و يصبّر أهله دائما .. تحياتي الك و لسؤالك عنه و يا ريت لو تمت الاجابه عليه تقوم بتسكيره من أدوات الموضوع >> أغلاق .. |
شكرا للرد الوافي والشافي والكافي
وهي رح نسكر الموضوع بس لازم قريبا نعملو موضوع لذكراه ودمتم لاخوية عنوان الذكرا |
| الساعة بإيدك هلق يا سيدي 20:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون