|
البريستيج
رسالة حزن و اسى و شوق من قسم المسابقات الى المشرفين و المنسقين الكرام ابعتت معي انا شخصيا انو يا ايها البرتقاليون و الخضر ليش ما عم تزينو قسم المسابقات بأخوية بحضوركون ليش نبذتوه و كانو مكان مشبوه و من العار الدخول اليه و الله مو شغلة معيبة المشاركة فيه هو قسم أخوي متلو متل المنبر خايفين على بريستيجكون ( طبعا مو الكل ) ما رح ينتزع بريستيجكون و لا رح تنزل قيمتكون اذا شاركتو فيه بيقلولك مشغولين !!! دقيقتين تشارك فيهن الاعضاء العابهن ما رح يعطلوك عن ادارة هيئة الامم المتحدة بعرف يا ياسين انو عندك اشغال و مسؤوليات ما بتحملها جبال بس شاركنا ما بتخسر شي اعتبرني عم اعزمك , عم اطلب منك ( عن لسان قسم المسابقات ) و نفس الكلام لريم و مرام و مرسيل و احمد و ساندرا و الكل .............. بتمنى ما تكونو انزعجتو من رسالتي و ما حدا تحسس التوقيع : مسابقات :cry: |
بضم صوتي لصوتك خلودة
واكيد رح نكون سعداء ازا فتتو وشاركتونا |
اقتباس:
|
أنا كمان برستيجي ما بيسمحلي :lol: بس طول بالك خيو , قسم الألعاب ماشي وعين الله عليه وَ أكتر شي ماشي : " شو رأيك بالعضو اللي قبلك وَ شو رأيك بصورة اللي قبلك وَ شو رأيك بتوقيع اللي قبلك " اي بربي عاملين حركة مو طبيعية بنوب :lol: شو رأيك أنت ؟ |
اقتباس:
و أنا بضم صوتي لصوتك .... ياسيـــــــــــــــــــــ ــــــــن قسم المسابقات مشتقلك  |
مالك عليي يمين انو اليوم كنت بالجكارة بريم فايت على عد للخمسه ورفوس يلي قبلك... وعلى رأيك بالعضو يلي قبلك.. بشرفي اجيت بدي اكتب رد قام فصل النت....
ففهمتا اشارة من الله مشان هيك غيرت رأيي :larg: |
:o:o
لك فادي انا كنت فايتة بعدك تماما ونفس الشي صار معي سبحان الله صحي وينو هاد قسم المسابقات ولا مرة فتت عليه:p |
رسالة حزن و اسى و شوق من قسم المسابقات الى الاعضــاء الكرام ابعتت معي انا شخصيا انو يا ايها الـزمـلا ليش ما عم تزينو قسم الـفـن + العـلـوم + المـجـتمـع + الاقـتصـاد + الصـحـه .. بأخوية بحضوركون ليش نبذتوه و كانو مكان مشبوه و من العار الدخول اليه و الله مو شغلة معيبة المشاركة فيه هو قسم أخوي متلو متل المنبر خايفين على بريستيجكون ( طبعا مو الكل ) ما رح ينتزع بريستيجكون و لا رح تنزل قيمتكون اذا شاركتو فيه بيقلولك مشغولين !!! دقيقتين تشارك فيهن ما رح يعطلوك عن ادارة هيئة الامم المتحدة بس شاركنا ما بتخسر شي بتمنى ما تكونو انزعجتو من رسالتي و ما حدا تحسس التوقيع : اخـويـه |
اقتباس:
|
اقتباس:
|
اقتباس:
متل الفول و اللحمة التنين فيهن بروتين :lol: |
اقتباس:
تانيا ما بيمر يوم و ما شي خمسين مشاركة بالموسيقى و المجتمع تاني شي الاقسام يلي ذكرتيهن ما الها علاقة بموضوع البريستيج لأنها اقسام مهمة و المشاركة فيها ما حدا بيعتبرها تضييع وقت بينما المسابقات كتير ناس بيعتبرو انو اذا دخلو عالمسابقات معناها ضيعو وقتهن بشي تافه اتوقعت رد ساخر من هالنوع :pos: |
هلئ فيما يخص قسم المسابقات , فالقصّه طبعا مش قصّه برستيج لانو اخويه وحده , فكرتها وحده ,و تخصص اقسامها بيجي من باب سـهوله التصفح و الترتيب ليس الّا .. و لكن بحثا في موضوع قسم المسابقات تحديدا فاتوقع عدم مشاركه المشرفين\ منسـقين \ و الأعضاء اللي اذا صح التعبير أوعى شوي , سواء بالعمر الاخوي او العمر الحقيقي .. فهوّ راجع لعدم الرضى العام عن طبيعه و نوعيه المسـابقات اللي عم تندرج بالقسم مؤخرا ..
المـُتطلع اليه و المرجو من قسم المسابقات بأنو يكون باب للمسابقات الفكريه مش العدديّه اي يعني المسابقات اللي بتحتاج لجهد فكري للوصول لحلولها و المسابقات اللي بتطلب صفنات و سرحات و اللي بصير تسابق على مين يحلها اوّل .. و ليس على المسابقات اللي بتعتمد على العد لمجرّد العد .. هاد النوع من المسابقات مافيه فائده و لا فيه تشغيل للمخ, قد يترائى بانو مسلي للوهله الاولى و لكنه داخل ضمن النمطيه و الاستهلاك اضافه للامر الاهم الا و هو انو ما فيه صبغه اخويه .. يعني انت اذا خطرلك تلعب وحده من هالعب -تاعون عد و ادبك عالاوّل - فانت مش رح تطر تاخد تكسي و تحط ببال انك قد تتخانق مع الشوفير لانو مش مشغل العداد و بعدين تدفعلو 50 ليره و انت عم تضحك و تلعب , بس تقول معلش و تتحمل و تطرق هالمشوار الي من اخر الدني كرمال تجي عاخويه بالذات لتلاقي هالمسابقه الفلانيه او حل هالمسأله الفلانيه, لانو ببساطه لو بدك وحده من المسابقات العدديه فقط ففيك تعدي على المنتدى اللي جنب بيتكون و تقلّو بدّي تلات مسابقات من ابو العد للعشره و اربح معنا بتلاقيه طلعلك شي خمس ست صفحات - اذا ما اكتر - كلهم من هالنوع .. هالـشي بخلي هيك نوع من المسابقات مش كتير مـُشجع من قبل الاداره عامه و كتير من الاعضاء اللي ما بشاركو فيها .. لذلك هي مش قصّه ترفع او برستيج و شوفه حال انما هي متل ما انت ما بنشوفك عنّا بقسم الرسم و التصوير :sly: لانو يمكن ما بيجذبك او بيقنعك هالشي كتـير او ما بتحس حالك قادر تشجعه كذلك الام بالنسبه لطبيعه المسابقات الموجوده حاليا بقسم المسابقات .. ما فيننا كـبشر يعني بصوره عامه نشجع او نشارك بشي مش راضين عنه اساسا .. اقتباس:
|
اقتباس:
يعني من فترة لما شفنا مسابقة يمان ... الكل شاركو فيها .. و الكل كان يحاول يحلها قبل غيرو |
الله يعينهون المشرفين والمنسقين على هالعيشه وعلى هالسيط ..يعني الواحد منا ما بيلحق يفوت يحذف كم مشاركه وبنقل كم موضوع ويرد عالتبليغات والرسائل الخاصه ويعمل طله ع اقسامو ويشتغل شو في شي عالق ويحط كم رد بالاداري بتكون طلعت روحو وخلص وقتو ..بيجي بدو يلاقي شي موضوع يرد عليه مشان يقول انو بعدني عم شارك باقسام اخوية التانيه .. بيدور بالمواضوع اكيد ما بتكون الاولويه لمواضيع العد لانو هوي اصلا جايي بيعرف يعد يعني ما فايت اخوية يتعلم ... هديك اليوم فتت عالمسابقات كنت ناويه شارك لقيت موضوع "شو رايك بالعضو الي قبلك" اطلعت هيك لقيت اني ما بعرف العضو صاحب اخر مشاركه ولا بعرف الي قبلو ولا حتى الي قبل الي قبلو قلت طلعي يا بنت وارجعي فوتي بعدين بيكون اجا حد تعرفيه اي وهيك ما لقيت بعدين ..
من فتره كان في مسابقه ليمان وكان في حزازير وسودوكو ..حسب ذاكرتي انو كل شي في مشرفين ومنسقين داومو بالمسابقات هديك الايام ..! |
اقتباس:
و انت قلتي انو دخلتي ما عرفتي حدا منوب ( يلي هنن شلة التسالي كما يطلق عليهون ) فيا ترى ليش ما عرفتي حدا لأنو هجرتي القسم و عاد قربتي عليه منوب مو ؟ انا معك انو مواضيع العد ما بتنطاق بس انا بالزمنات عملت مسابقة اجمل تعريف اكيد ما اسمعتي عنها و هي انو انا بعطي كلمة عربية و الاعضاء بيخترعو تعريف لهالكلمة و النتيجة انو ولا منسق او مشرف دخل عالموضوع مع انو مو موضوع عد و موضوع حلو كتير بس خلص طلع صيت عالمسابقات انو يضم مواضيع تافهة |
سيادة المستشار بوي فريند هيدا قسم المسابقات من انجح الاقسام في منتدى اخويه مهضوم وبيساعد الاعضاء خاصة الجدد على التفاعل السريع وتسكير الحواجز النفسية بيناتهن........وازا حدا ما بحب يشارك منشان البريستيج بحب قللك انه هيدا المصطلح_بريستيج"تحطم من وقت يللي كل هالشخصيات المتحفظة على مستوى عربي راحت في الوحل........بريستيج على شو بالله؟؟؟؟على الصبايا يللي بنجرو بالشوارع في العراق؟ولا على الشباب يللي بيتهزأوا على الطالعة والنازله على الحواجز بفلسطين؟؟؟ولا على الطلاب يللي بينضربو بالعصي في كل بلد عربي لما يطلعو بمظاهرت من شان الحرية والخبز النضيف؟؟؟؟؟؟؟؟
سيدي سيبك من بتوع البريستيج والفكر الجدلي المتحرر الغارق في اللاوعي....ومن المتحفظين جدا والمتحسسسين من المشاركات البرئبة لشباب وصبايا بيعيشو يومهن نكد وهم وغم بسبب حالة االكبت العام.........لك المسابقات والسقيفة صمام امان بيتفرغ فيه احباط جيل كامل من ميراث ذل وتبعية وامتهان للكرامة...مو ضروروي كل الشعب يعرف باخ ورونالدو وصموئيل بيكيت ودافنشي ونيتشه وارنولد شوانزنجر....والله يا سيادة المستشار شبعنا تنظير وحوارات ثنائية وذيول وتبعيات ....وما عاد في شي اسمه بريستيج.........كلنا مهزوزين ومهزومين..........يسقط الحرف...والمجد للاحتراق! |
اقتباس:
تانيا شو دخل العراق و فلسطين و الحروب بموضوعنا :shock: |
| الساعة بإيدك هلق يا سيدي 13:46 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون