|
بخصوص الكتابة بالسقيفة
أنو ما بخفيكون ... أنا عاجبني وضع السقيفة بهالأيام فيها مواضيع راقية ..و بنفس الوقت المواضيع الخفيفة فيها شي ..مو فاضية بالمرة لهيك حابب غيّر قوانين الكتابة بالقسم .. لتكون أسلس .. بحيث نتعاون كلنا سوى ليضل القسم مرتب هلأ أول شي .. يا ريت عند إدراج موضوع معين .. يكون عن جد في موضوع .. أي فكرة قد ما كانت بسيطة .. بس يكون في فكرة تاني شي ... يا ريت ننتبه للمواضيع الموجودة ( عالأقل بآخر كم صفحة ) لحتى ما نوقع بالتكرار تالت شي ... يا ريت يكون الرد ألو علاقة بفكرة الموضوع .. مو يعني يصير نقاش كتير جدّي ( أكيد رح يكون في هامش حرية بالكتابة غير باقي الاقسام ) بس كمان ما تنقلب المواضيع كلها دردشة رابع شي ....تسكير أو نقل أو حذف أي موضوع ...بيرجع لتقدير مشرف و منسقين القسم خامس شي .... نكش المواضيع بدون سبب ( يعني إضافة شي مهم للموضوع ) يعتبر مخالفة بالأخير ( و الدباجة المعهودة ) يا ريت تساعدونا من خلال استخدامكون لزر المشاركة العاطلة دمتم و دامت سقيفتنا :ss: |
| الساعة بإيدك هلق يا سيدي 06:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون