|
استفسار عن موضوع
مسا الخير
في موضوع كتبتو قبل أربع خمس ست ساعات ما عاد اتذكر مزبوط اسمو عمر دياب أصبح سوشان سينغ بالصالون بس ماعاد لقيتو فشو المشكلة بالضبط هل انو لابس طاقية الإخفى مشان ما شوفو ولا حدا عملو شي قصة فيه الله وكيلكم لالي جاية بحدا ولا سابب حدا ولا معتدي على حدا فياريت توضحولنا سبب اختفائوا بما انكون جماعة واصلين |
الصالون هو مكان للحوار والنقاش عن القضايا التي تهم المجتمع والأفراد ومانو مكان للتسالي أو سرد الأحلام حول عمرو دياب أو إثارة النعرات الدينية أو الطائفية...غير انو في نقاش عن حول هالموضوع بمنتدى اخبار الفنانين والنجوم..
وشكراً |
أولا إذا بتقري الموضوع منيح بتلاقي انو مافي أي إثارة لأي نعرة طائفية إلا إذا في حدا سيخي بالمنتدى
ثانيا عادة ما بتحزفو المواضيع بتنقلوها وما لقيت مكان مناسب غير الصالون ثالثا الموضوع أو الحلم شو مابدك سميه كتبتو لنتناقش بموضوع الطائفية الي زايدة هالإيام رابعا ياريت يكون في شفافية أكتر ويكون في مبررات أفضل من هيك يعني موضوع النعرات الطائفية الي عم تحكي عنو أنا ما بشتغل فيه وفيكي تشوفي كل مشاركاتي خامسا والي هو الو علاقة بالشفافية ياريت تحزفو المواضيع يلي هي مزبوط بتعمل نعرات طائفية والي زايدة بجهود سيكيولار - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ياريت تشوفي طريقة الرد تبعو وطريقة السرد تبعي وشوفي مين الي عم يعمل نعرات طائفية |
اذا بتشوف انت الموضوع بتلاقيه انو غير مناسب للصالون وما بيحتوي على أي طرح أو أفكار للنقاش..أما بخصوص الحذف إذا انت صاحبو مالقيتلو قسم مناسب فحطيتو بالصالون فمافي عتب عليي أنا باعتبار مالقيتو مناسب للصالون إني احذفو...أما بخصوص إثارة النعرات فأنا ماقلتلك انو موضوعك يثير النعرات بس قلتلك عدة حالات غير مناسبة للصالون...
وبخصوص سيكولار فالروابط يلي حطيتها مانها بأقسامي ويتم التعامل مع المواضيع المذكورة والعضو المذكور وفق ضوابط الأقسام..ويلي فيني أكدلك ياه إنو تم التعامل عدة مرات مع العضو المذكور وللأسف ماعم يقتنع يغير هالاسلوب. بتمنى انو تكون وضحتلك وجهة نظري واذا مافي شي تاني ياريت تغلق الموضوع. |
أنا الي قاصده من الموضوع بالنهاية القصة الي صارت بالموضوع تبع أخبار النجوم والي صار فيها حكي كتير انو هاد صار مسلم وهاد صار مسيحي ونحنا الكسبانين لاء انتو والفكرة إذا قريتي آخر الشي بالموضوع كاتب انو لازم نكبر شوي عن هالقصص هي ويصير تفكيرنا أكبر من هيك
بس كمان عادة بتنقلوا الموضوع ما بتحزفوا نهائي وأنا بنظري الموضوع بناسبو الصالون حتى نتناقش أكتر بموضوع الطائفية الي منتشرة كتير هالايام هي لو سمحتي تنقلي للقسم المناسب بدون ما تحزفيه وشكرا |
ما قلتيلي شو قررتي بدك ترجعيه ولا بدك تخليه محزوف مو مشان شي مشان نزلو مرة تانية
:D |
الموضوع انحذف من الصالون وإذا بتلاقي شي قسم مناسب وبتحب ترجع تنزلو فما في مشكلة....ياريت تسكر الموضوع من أدوات الموضوع .
ويا هلا:D |
| الساعة بإيدك هلق يا سيدي 16:46 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون