|
الشعب الإيراني يحرج قياداته ويذهب بتصريحاتهم بالهواء
دئب القادة الايرانيون ليل نهار على التصريحات النارية في لغة التخاطب مع اسرائيل وامريكا اضافة للكيل بألف مكيال للدول العربية والاسلامية وغيرها ممن يدورون في فلكهما . فبالامس القريب كان الرئيس محمود أحمدي نجاد يهدد بنسف ومحو اسرائيل من على الخريطة متغطرساً بالترسانة العسكرية التي يمتلكها نظام بلده . كذلك الحال بالنسبة لبقية القادة فالاب الروحي والمرشد الاعلى ( مدعي ولاية أمر المسلمين ) السيد علي الخامنئي هو الآخر لم يفوّت أي فرصة أو يترك أي مناسبة تمر الا ويرسل سيلاً من التهديدات واللعنات لإسرائيل وامريكا ودولاً أخرى واصفاً اياها بالدول المتخاذلة وعدم القيام بواجبها الشرعي تجاه نصرة الشعب الفلسطيني وما أحداث غزة ببعيدة . فقد افتى بالجهاد واعتبر من يقتل في سبيل نصرة الشعب الفلسطيني شهيداً !! , وهو الامر الذي تفاعل معه الشعب الايراني المسكين اذ لم يفوت هذه المرة الفرصة بعد هذه التصريحات فتوجهت الجماهير الايرانية إلى المطارات تريد نقلها إلى غزة للجهاد في سبيل الله ونصرة للشعب الفلسطيني في غزة . هنا انكشف زيف الشعارات المرفوعة والمطالبات التي يطلبها القادة الايرانيون من غيرهم , حيث لا يستطيون تلبيتها لجماهيرهم من جلهتهم , حيث قام المرشد الايراني بمنعهم متعللاً بعدم استطاعة فعل شيء في هذا المجال . والملفت في الامر ومنذ احداث غزة والعدوان الاسرائيلي المستمر والمتواصل عليها نرى غياب الرئيس الايراني نجاد عن الساحة وعدم ظهوره لوسائل الاعلام بشكل يثير الريبة وهو الذي لا يفتئ يعرض بإسرائيل في خطاباته ويتوعدها بالنسف من على الخريطة . |
اقتباس:
شوف لقلك من ناحية المبدأ مظبوط انو النظام الايراني عم يعمل متل غيرو , استغلال القضية الفلسطينية لتمرير مصالح تانية وهالشي تقريبا الكل عملوا او لسا عم يعملوا بس بالمثال اللي انت طرحتو ماكان تماما منطقي , كيف ممكن يعني هالشباب اللي عم يتطوعوا يركبوا طيارات ويروحوا على غزة؟؟ مين بدو يدخلن , حسني مبارك؟؟ وبعدين مين قال انو مشكلة غرة بالمتطوعين ,مشكلتها بالحصار و تامين السلاح لاستمرار المواجهة |
بغض النظر عن رأيي بالسلطة و الفكر الايراني بشكل عام أو اذا أنا مع أو ضد
بس انو انتي قاعد ببيتك و عم تنق انو ما عم يعمل شي انتي شلون عرفتتت؟؟؟؟نبوة ؟؟؟ بيجوز يكون عم يشتغل أكتر من الله و لا لازم يكون قاعد قدام الكاميرات و عم يشوبر 24 ساعة حتى نقول انو ما عم يقصر الزلمي ؟؟؟ بلااااع |
هلق تركت كل حكوماتنا الشريفة ورحت لتعتب علي بلد بيبعد الاف الكيلو مترات عن ساحة المعركة !!
طيب ياسيدي نط من عندك وطلع علي الحدود وروح قاتل ...بس نحنا شعب جبان خرج بس الحكي والبقبقة كنا بنسمع كتير قبل حرب تموز ان الشباب بدن يقاتلو الصهيانة صارت الحرب وكنا بنطلب من الرفاق ان معليش اطلعو ياعمي ساعدونا بالهلال الاحمر لنوقف مع النازحين من بلدن ,كان كل واحد بيطلع حجة شكل رغم ان القصة مافيها لاموت ولا حمل سلاح ثم كلما دق الكوز بالجرة بتجيبو بسيرة ايران حلو عن هالبلد ياعمي :jakoush: |
اقتباس:
|
اقتباس:
لك روحي بلاه هالخطاب الطائفي العنصري الفوقوي..لانو مارح يجبلك الا كره الناس لا أكتر و لاأقل., انا مالي مع ايران ..بس ضد مفهومك و تغكيرك حاول تفزل بغير هالمسلّة غلى فكرة انا هلاء متأكد انك متل ماقلت "لاتعلم" |
ايران دولة متلها متل غيرها تبحث عن مصالحها الشخصية . مصلحتها الشخصية واهدافها تتقاطع احياناً مع مصالحنا واحياناً لأ . فيعني بستغرب من انتقاد الموقف الايراني والكلام عن الخطر الايراني طول الوقت . كل شي واضح للعيان . واميركا دايماً بحاجة لبعبع تخوف فيه دول الخليج . |
اقتباس:
ابو نجبوا ليه زعلت مو قصدي احنا ناخذ ونعطي في الحكي اعتبرها مزحه :p |
اقتباس:
|
اقتباس:
واذا كان كلامك مزح فاسمحلي قلّك انو مزحك..تقيل و 100:D |
ما بعرف الاخ الي كاتب هل الموضوع اذا مقتنع بهل الكلام الي عم يحكيه.....هههههههههه.....يعني بصراحة من السذاجة المطلقة انو واحد يفكر بهيك طريقة .......يا سيدي رح فهمك .......من جهة اهالي غزة والمقاومة مو بحاجة حدا يحارب معهم ...يعني مليوةن ونص واحد لسا بدنا نجيب مليون معهم ....تفكير غير سليم
اهالي غزة بدهم عوامل مساعدة متل فتح معبر ....خطوط تمرير اسلحة وذخائر منشان المواجهة ....دعم مادي وغذائي ... هدا الي بدهم ياه.....لك يا سيدي الكريم اذا الادوية والخدمات الطبية والاغذية ما عم توصل لغزة الا بشق الانفس.....كيف بدك تجيب مليون شخص من ايران او من غيرها .....حتى لو سمحت ايران لعناصرها بالذهاب ....يعني برايك ما رح يكونو عبىء على اهالي غزة .....ولا مفكر انو احمدي نجاد والمرشد علي الخامنئي تفكيرهم متل تفكيرك......هي الترهات الي عم تروجوها ....بطلت موضتها بهل الايام ....روح شوف حكوماتك العربية خليها تفتح المعابر .....وخليها لشوف تمرر اسلحة لاهالي غزة ....بعدين مين مفكر بصدق كلامك والمقاومة الفلسطينية نفسها بتشيد بموقف ايران وبمساعداتها ولا لتكون انتي المنسق السري بينهم ونحنا ما منعرف.... |
| الساعة بإيدك هلق يا سيدي 03:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون