|
تعاطي الإعلام مع المحرقة اليهودية
هوليوود ...
قبل فترة نزلت فلم تبع كيت ونسلت اسمو The Reader وبلشت أحضر وكانت بداية الفلم عادية وشوي شوي بلش الوضع يلف حوالين المحرقة و النازية و التعويضات والجمعيات المالية اللي بتعوض اليهود او بالاحرى الصهيونية ودولة اسرائيل الى الآن .... النكشة بالموضوع .... أنو الواحد ما بأمن يحضر فلم يعني كتير أفلام نزلتها وحضرتها وطلعت بالآخر بتدعم الصهيونية و الماسونية وهيك شغلات ويمكن هاد اشي بثبت انو هوليوود تابعة للأعلام الصهيوني الاسرائيلي الضخم جداً واللي ما بوقف بوجهو الى الان اي اعلام لا عربي ولا غيرو ... لا جزيري اخونجي ولا عربي سعودي ولا زفت الطين .... احنا داقين ببعض واسرئيل داقة فينا .... وعجقة المهم ... بهاد الفلم بالآخر بتوصل ألألمان يتبرعو للجمعيات الاسرائيلية تبعت ما يسمى بالمحرقة ... شو رأيكم بموضوع المحرقة اللي بتستفيد منو اسرائيل ل هلأ ... والاعلام ؟؟؟؟ :larg: ... |
والله ازا بيهمك تعرف رايي:p لو انو العرب اقوياء كانو طالبو بعدة محارق ابادية في شتى انحاء الدول العربية التي مارستها اسرائيل او امريكا او غيرون على حد سواء .... للاسف المحرقة يلي لهلا عم بيعيشو من وراها كانت بايدون هني اتفقو مع هتلير على انو يجمع اباؤن واجدادون ويحرقهم هتلر مرة وحدة وبدي حطلك من اهم الاقوال الماثورة لهتلر هي:
" كان بأمكانى أحراق كل اليهود فى العالم لكنى تركت أقلية منهم ليعرف العالم لماذا أحرقتهم " |
تم تعديل عنوان الموضوع حتى يكون معبر عن المحتوى :D
|
اقتباس:
يا عمي هاد الاعلام هو اللي بعلي وبوطي وبنشر الثقافة وكل شي ... وبالنسبة لمقولة هتلر ... يا ستي معظم العرب ما قرأو كتاب كفاحي بس الكل حافظ هالمقولة الغانمة وبكتبها ع الايميل والفيس بوك وعلى حيطان البيت وكأنو بيكأد على المحرقة .... :D ... وردة |
اقتباس:
|
اقتباس:
بتقول بان الدولة الاسرائيلية عن طريق جمعيتها الحقوقية الناشطة بتحصل لحد اليوم على مبالغ مالية معينة من الحكومة الالمانية الحالي .. وبصراحة انصدمت كتير لهلفكرة |
والله أنا يعني بتعاطف مع المحرقة وبحس إنو إي في ظلم حصل ولا إنسانية وعنف .. كونو في " يهود " اليوم ، هني أعدائنا .. ما بينفي أنو وقع ظلم ضدن وبصراحة يعني استغلال القضية حلال ع الشاطر نحنا لو عرفنا نستغل قضية فلسطين إعلاميا ، يمكن ما كنا خسرناها بهالشكل :D |
وأنا شفت فلم اسمو The Pianist عم يحكي عن معانات اليهود ببولندا ومعسكرات الإعتقال ومن هالحكي هاد, أنا من وجهة نظري في مبالغة كبيرة بنقل الموضوع واليهود عم يهولوا القصة كتير وأعداد الي ماتوا مبالغ فيها كتير كمان
وطبعاً هنن شاطرين كتير بهالشي هاد والدليل شايفينوا بعيونّا يعني حاليّاً حتى لو الحق عليهن مليون بالمية بطالعوا حاهون مساكين ومظلومين اقتباس:
ما بعرف بأي سنة بالتحديد افتتحو ببرلين شي اسمو هولوكوست ميموريال بغوغلة بتلاقي صوروا, على وش الأرض لواح نفس تبع القبور وعاملين أمواج وشغلة لبكة وتحت الأرض عبارة عن متحف صور واسماء يلي ماتو على أساس تكلفة المشروع هاد ويلي دفعتو الحكومة طبعا 25 مليون يورو |
بالوقت يلي اسرائيل بترتكب كل أنواع المجازر بالشعب الفلسطيني بتطالع نفسها المظلومة والمهددة وهي شاليط كمثال انطبلت الدنيا بشاليط و11ألف أسير فلسطيني نحنا الناطقين بالعربية مو حفظانيين اسم ولا واحد منهم ولا مدة اعتقالهم ومع كل هاد منطلع ع التلفزيونات منتوعد ومنهدد ولابسين أقنعة مرعبة ع أساس الحرب النفسية وصورة الإنسان المقنع بالكوفية أو بالجراب الاسود مرتبطة عند المواطن الغربي بالإرهابي يعني صفت بهل الحالة الحرب النفسية علينا مو معنا وللأسف مستمرين.
|
اقتباس:
هاد الفيلم لرومان بولانسكي, و هو يمكن الفيلم الأكثر موضوعية في تاريخ أفلام الهولوكوست, و بيحكي عن حقيقتين تاريخيتين "ما بينحكى عنهون كتير": الأولى: كان في فرع من الـ SS مختص بترحيل اليهود و نقلهم إلى معسكرات الإبادة, و عناصر هالفرع كانو كلهون يهود (بالفيلم لما ابن الصايغ أبو شوارب بيحاول يجنّد أدريان برودي للعمل فيها). الثانية: يهود بولونيا استنجدو باليهود الأميركيين (اللي كانو أغنياء جداً و من وقتا جماعة ضغط بالولايات المتحدة) قبل اجتياح بولونيا من قبل هتلر بيطلبو منهون يمولو عملية ترحيل إلى الولايات المتحدة و بريطانيا و يهود أميركا عملو طناش, و اليوم يهود أميركا هنن اللي عم يستفيدو من قضية وفاة أخوتهون اللي طنشوهون و ما أنجدوهون هاي أمور عجبني انو بولانسكي يحطهون بالفيلم و يحافظ على مصداقيتو كأحد أفضل مخرجي التاريخ اقتباس:
مزبوط هالكلام, ألمانيا إلى الآن ملزمة تدفع تعويض سنوي لدولة إسرائيل, بس ما بعرف بالضبط شو المبلغ, و يفترض انو المبلغ يتم صرفو على معونات اجتماعية لبقايا الناجين من الهولوكوست باسرائيل و بغيرها (يعني يهودي من الناجين من المحرقة عايش بالأرجنتين مثلاً بيوصلو متل راتب شهري من هالمبلغ بإدارة الوكالةاليهودية) ------------- بخصوص موضوع المحرقة, انا ما بفهم الإصرار العربي و الإسلامي على إنكارها إلا في إطار قصر النظر الممزوج بالعنصرية, و موقف الإنكار هاد بيفيد اسرائيل أكتر من أي شي تاني.. يعني مثلاً في واحد من معارفي عايش بدولة عربية غير سوريا حالياً مهووس بهتلر, و أقوال هتلر و صور هتلر و كل شي يخص هتلر, و بيحبو لأنو "قتل يهود" و يحكي كتير الجملة القذرة تبعيت هتلر اللي بيقول فيها انو كان بإمكانو يبيد اليهود كلهون بس ترك كم واحد ليشوف العالم بالمستقبل ليش أبادهم.. كل هالحكي و بنفس الوقت هو بينكر المحرقة و يقول انو هاد تزوير للتاريخ... طيب انت بتحب هتلر لأنو قتل يهود ع حد تعبيرك, و بنفس الوقت تقول انو لأ كذب هو ما قتل يهود... أي احترنا معك ارسي على بر !:lol: بعتقد انو غلط التوجه العروبي تبع اعتبار انكار المحرقة قضيتنا... انو شو دخلنا, ناقصنا قضايا لحتى ننط و نعمل محامي دفاع عن كل واحد بينكر المحرقة و بنعتبرو حبيبنا؟؟ المحرقة صارت, مافي شك بهالشي, و ما ماتو فيها يهود بس.. ماتو فيها 17 مليون سلافي و غجري بالإضافة إلى شيوعيين و اشتراكيين و غيره, و ما بعرف اذا ستة مليون يهودي أو أقل أو أكثر بس هاد مو شغلنا, و ما بفهم ليش هالاصرار على إنكارها أو إنقاص إجراميتها بحق التاريخ ! لك ليش في كتير عرب بيحبو هتلر؟ اذا العرب لألو بقذارة اليهود.. العرب ساميين و هو بيكره الساميين, و هتلر لو عايش اليوم كان عمل محرقة بالمهاجرين المسلمين بدل اليهود, بس صدفت انو بهداك الوقت كانو اليهود حواليه. اليهودية مش عدوتنا, في كتير يهود بالدول العربية تقلّعو تقليع من البلدان العربية و ما كان بدهون يهاجرو, في كتير يهود طلعو من الدول العربية و هنن يبكو و راحو ع أميركا الشمالية و الجنوبية و لليوم محافظين على عادات البلاد اللي طلعو منها... لك في يهود بقلب الشام.. بتعرفو هالشي؟ و حاخامهون "الحمرا يمكن كنيتو" كان شخصية محبوبة بالوسط الدمشقي مشكلتنا مع الصهيونية, مش مع اليهود, في صهاينة عرب, و ع أساس مسلمين, و أوفياء لإسرائيل أكتر من كتير يهود بالعالم أجمع مالون باسرائيل لا ناقة و لا جمل, و لا تقولولي أكثرية و أقلية انو و الله اليهود المناح قلال, ما خرج نعمل هيك حسابات و احصائيات منوب... :D |
اقتباس:
هنن عرفو يدافعو عن ضحاياهون وعرفو يستفيدو من مأساتون اما نحنا لأ.. وكتير منشوف بالتاريخ مآسي غير المحرقة وابشع وأفظع الحروب الطائفية الي صارت بعد الاسلام والتصفيات اللي صارت على اساس الدين .. مجازر الارمن وتهجير شعوب بأكملها من اوطانهم وتصفيتهم .. الفلسطينيين وما يحصل معهم من عقود طويلة كل هي لمآسي وغيرا كتييييير افظع برأيي من المحرقة بس ما عرفو ضحاياه يسترجعو حقون حتى ولو باعتذار |
اقتباس:
|
في أرغومنت يتم استخدامو بكثرة حول خلط الهولوكوست بالقضية الفلسطينية و انو عم يعملو هون أو هنيك, و بشوف انو هاد خلط غير عقلاني أبداً, و لعدة اسباب منها:
- الهولوكوست لا علاقة له بقيام دولة اسرائيل, و حجة قيام دولة اسرائيل لم تكن الهولوكوست, فكرة دولة قومية لليهود هي فكرة موجودة قبل الهولوكوست بخمسين سنة, و الهجرة اليهودية على فلسطين بدأت قبل الهولوكوست بثلاثين سنة على الأقل, فيعني مالا علاقة تاريخياً هاي بهديك. - اللي مات بالهولوكوست ما هاجر ع اسرائيل و لا حتى مس شعرة فلسطينية, فمش ذنبو اذا واحد باسم قضيتو عمل العمايل حتى ينال منا اللعنات. - استغلال الحركة الصهيونية للهوكوست كطريقة لصنع هالة حول القضية تجعلها شبه مقدسة لا يعني بطلان وجود الهولوكوست, و مهاجمة الاستخدام الدنئ عن طريق انكار الهولوكوست هو دفاع خاطئ جدا جدا جدا... الفكرة بسيطة, عمي انتو اليهود انعمل فيكون العمايل, أوكي, بس أول شي مش نحنا اللي دبّحناكون, و تاني شي كونكم ضحايا مفترضين لا يعني انو يحقلكون تعملو فينا العمايل باسم انكون ضحايا... لو نستخدم الدفاع السابق ذكره كان الدفاع الصهيوني تآكل من زمان, لكن بدل ما نحكي عن قضيتنا و عن أرضنا و نرفض انو حدا يظلمنا باسم انو مظلوم رحنا ننفي الهولوكوست, و هالشي بدل ما يضعف الصهيونية بيقوّيها لأنو بيساعدها جدا جدا جدا باستمرار ظهورها بدور الضحية.. عجب شي يوم نتعلّم؟ |
اليهود من ورا هالمحرقة عملو مليون محرقة بالبشر ..
ياريت ينهفو بشي محرقة تانية .. الله يرحمك يا هتلر شو كنت عبقري ... هاموش : ................. بالنسبة للفلم هوي قصة حب .. حلو مشبو شي ..:oops: |
اقتباس:
والله يا عيني عليك , حكيت اللي كنت بدي احكي يعني العرب فهلا صدق اللي قال انن مدافعين فاشلين عن قضية عادلة, الاعلام الاسرائيلي و الاعلام الغربي الدائر في فلكو بركز كتير على قضية انكار العرب للمحرقة وانو العرب بدن يبيدوا اليهود متل كان هتلر بدو يعمل من كم يوم شفت على قناة المانية برنامج وثائقي عن اسباب معاداة السامية بالعالم العربي, طبعا شي بيفزز العصب لانو مليان مغالطات تاريخية و معمول حسب وجهة النظر الصهيونية, واكتر شي ركزوا علي هو صورة الحج امين الحسيني لما التقى هتلر وحاولوا يصوروا امين الحسيني على انو زعيم العرب كلن بهداك الوقت وطبعا دعموا البرنامج بمقاطع لشيوخ دين و صحافيين و مقابلات من الجزيرة و المنار وغيرها و الكل كان عم يحكي عن انكار المحرقة و اتهام اليهود بكل المصايب اللي عم تصير بالعالم وطبعا العرب الافاضل كتيير عم يسهلو على اللوبي المؤيد لاسرائيل شغلن لانو متل ما قلت بدل التركيز على الفصل بين قضية المحرقة وقضية فلسطين كامشين هالكلمة اللي قالها واحد مختل عقليا اسمو هتلر وعم ننطرب فيها ونرددها كل يوم بس الي تعليق صغير على قضية العلاقة بين اسرائيل والمانيا, يعني الشغلة مو مقتصرة على دفع تعويضات وانما الشغلة هي ابتزاز مرضي بحياتي ما شفت متلو يعني بدول اوربية تانية ممكن تشوف في جرأة بانتقاد اسرائيل مثلا باسبانيا مؤخرا في صحيفة دخلت بمعركة اعلامية مع السفير الاسرائيلي, ببريطانيا عملوا مرة مقاطعة اكاديمية ضد الجامعات الاسرائيلية بالمانيا ممنوع على اي صحفي او كاتب اوسياسي ينتقد اي شي بتعملو اسرائيل , لانو في اختراع اسمو المجلس المركزي ليهود المانيا وهدا بكفي يتهم اي شخصية بمعاداة السامية حتى يقضي عليها مهنيا. وسائل الاعلام يوميا في برامج وثائقية عن المحرقة , ولاني مدمن برامج وثائقية صرت حافظ احداثها بصم وحتى مجرد محاولة الفصل بين قضية المحرقة و قيام اسرائيل و اللي عم ترتكبوا بحق الفلسطينيين حاليا يعتبر بالمانيا معاداة للسامية. |
يعني بدي بلش بجملة حكاها عادل امام بفيلمو السفارة بالعمارة كان رفع قضية ع سفارة وبعدين سحبها فبقول لصاحبو عن الناس مرة بيعملوني بطل ومرة بيعملوني خاين وانا لا بطل ولا خاينوهاد اللي بيصير معنا احنا العرب بنحكم عواطفنا يعني محرقة يهودية بننسى الكلمة الاولى وبناخد التانية وبنمجد هتلر مع انو كان عنصري لبني جنسو ولو يجي الماني وريث لأفكار هتلر ويمشي ع دربو رح التاريخ يحكي بالمحرقة العربية او التركية
ومتل ما حكى ياسيين انو في فرق بين اليهودية والصهيونية بس قليل جدا بيعرفو او بيعترفو بهيك فروق انا بس برأيي انو اليهود بالغو بالعدد غير هيك ما عندي اي انكار للمحرقة ولي بفكر انها كزبة بكون بضحك ع حالو بذكر كانو يقولولنا واحنا صغار انو هتلر حرق اليهود وعمل منهم صابون كنا ننبسط كتير ! |
وردة كبيرة للجميع .... :D
فعلاً اليهود بيعرفوا يستغلوا كل شي حتى لو كان صغير ... وحتى لو كان ضدهم !!! يعني بالهجوم الأخير على غزة وصلتني صور على الايميل فيها صور للاسرائليين وهم منبطحين على الأرض وصور معارض للصواريخ تبعت "المقاومة" وهي في الشارع والرعب المسيطر .... طبعاً هي الصور العرب نفسهم بنشروها كمان .... العرب بنشروها على اساس انو مقاومة وقوة وأنو احنا ما شا الله مرعبين اسرائيل وبالغرب تنشر على اساس الارهاب الفلسطيني !!!! يعني احنا بكتير من الاحيان بعفويتنا وبعواطفنا "الجياشة" بنساعدهم !!! يعني المحرقة حدثت واسرائيل عرفت تستغلها ومش بس بلحظتها وكمان على المدى البعيد ... واسرائيل بالمشروع الصهيوني ومع الماسونية وقدرتها على الاختراق والتخطيط لقدام قدرت تسيطر على العالم متل الشطرنج بتقتلي جندي بقتلك حصان ولا قلعة .... وقتل عن قتل بفرق ... وما حد بسترجي يعني بتزكر مرة ارئيل شارون طلب من اصحاب رؤوس الاموال في فرنسا العودة الى دولة اسرائيل ... قامت الدنيا بفرنسا خوفاً على الاقتصاد وجاك شيراك كان بدو يبوس **** .... :D |
"المحرقة" ساهمت لحد كبير بوجود اسرائيل .. فضلا عن استثمارها لاحقا بغير مجالات ..
اليهود و"المحرقة" شغالة استفادوا منها بموضوع الهجرة لفلسطين .. ويقال انو اغلب الي صارت فيون المحرقة هني اليهود الي ما كانوا مفكرين بالهجرة ..;) لهيك أنا ماكتير بستنضف الي ساواه فيون هتلر, لأنو بالنتيجة -مو بالصدفة- خدمن لولد ولدن! ايييه .. عكلن أنا حضرتو للفيلم ومااستغربت الي فيه, التاريخ بيكتبوا المنتصر لأنه! |
| الساعة بإيدك هلق يا سيدي 05:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون