|
الجرافيك و التصميم خطوة بخطوة
مرحبا شباب كيفكن اليوم:D شو الأخبار المهم ......... شفت بالمنتدى كتير طلبات من شان مواضيع التصميم و الفوتوشوب و الفيكتور قلت هات لبلش بدورة بسيطة و شاملة للفوتوشوب و شوية مهارات اساسية و بعدين منصير نتوسع شوي شوي ........;) طيب شو هوي التصميم ...... التصميم هو اي عمل منقوم فيه للخروج عن المألوف و التميز بشيء ملموس معين بغية لفت النظر و دغدغة الحواس بما أنو نحن البشر فينا عواطف و عقل بيأثرو كل واحد عالتاني:hart: طيب نحن هون بشو بدنا نشتغل؟......:? اول شي رح نشوف عمنا الفوتوشوب شو عندو و بشو بيقدر يفيدنا و شو امكانياتو..... الفوتوشوب برنامج شهير من شركة ادوبي و ما بدي خوض بتفاصيل نشأتو و نسخو لأنو الكل بيعرفها طيب من وين فينا نجيب الفوتوشوب ..... بسوريا موجود بكل المحلات و بتراب المصاري و النسخة اللي رح نشتغل عليها هيي CS4 ME اخر نسخة نزلت و من أروع النسخ اللي شفتا....:o اها ........ بشو منستفيد من الفوتوشوب و شو هي امكانياتو؟:? الفوتوشوب عالم قائم بحد ذاتو ما ألو حدو ثورة من الأبداع بتنعكس بالأخر على صورة عم نشتغل عليها و هو البرنامج الأم لمعظم برامج التصميم و لا غنى عنو لأي مصمم و رح نستفيد منو بكتير شغلات منها تعديل صورنا الاخدينا و معالجتها لتظهر بشكل أحترافي الوصول لتصاميم و حركات خارجة عن المألوف و ترميم الصور القديمة و تنقيح و شغلات و شغلات كل واحد بحسب مراقوا:pos: طيب ليش ما نبدا !! رح نبدا بس الشغلة بدها شوية صبر و ممارسة و هاد اهم شي الممارسة واللي ما بيشتغل عا حالو و بيصبرر ما رح يتعلم شي المهم .... نصيحة طولو بالكن معي شوي شوي و شوفو كيف رح نتطور كلياتنا سوا بعالم التصميم و انا رح حاول ما قصر و اي استفسار انا جاهز و هالموضوع رح استمر فيه طالما انا قادر و بحسب الوقت و كل فترة رح نزل درس و عذروني اذا اصرت و انا بتقبل النقد بصدر رحب لاني كمان لسا ما وصلت لمرحلة المحترف بالفوتوشوب بالرغم من انومن اقدم صحابي:frown: اول شي هاي واجهة البرنامج و في ملف مرفقو هوي شرح الفيديو للواجهة الرئيسية و أي أستفسار أنا جاهز و بتمنى تتفاعلو مع الدروس من شان نوصل للبدنا الياه:D:D منبدا ...... الواجهة  الدرس الجاي رح نزلو اول ما خلصو سلام |
كــفو :gem: ..
رح بنزل الفيديو و اطلع عليه باقرب فرصه و ردلك خبر .. |
الدرس التاني
مرحبا كيفكن اليوم .... حاليا رح نجي للدرس التاني كتير بسيط و سهل و ما في شي;) اول شي هاي صورة شرح لصندوق العدة و ما يتفرع عنو...:gem:..... طولوا بالكن شوي عالصورة لانها كبيرة   - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - المهم ...لا تواخذونا اذا قصرنا او اذا الدرس مو مفهوم اي سؤال أنا جاهز سلام:D |
:o:o:o WOW من زمان كان بدي اتعلم عالفوتوشوب , فـ عن جد ثانكس .. متابعين معك , وجاري التحميل وبنرجع اذا في استفسار او شي .. يعطيك العافيه .. :D |
الصور ما عم تطلع بس ..
مشكور .. حبيب :D |
صباح الخير و الله شايف ما حدا عم ينزل الدروس:cry: بالرغم من انو الكل كان طالب دروس فوتوشوب على كل حال انا مستمر و ما رح أوقف  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
حبيب .. هيك حبيت قلك شغلة انو اول شي مشكور جدا عاللي عم تعملو .. ويعطيك الف عافية ..
هلا ازا بدك تضل ورا مين نزل ومين ما نزل لح تتعب وتبطل تكمل .. ف ما تاكل هم كتير هي الشغلة .. انت اشتغل على مراقك ومتل مانك حابب .. وصدقني .. ولو انك فدت واحد بس .. لح يكون بكفي .. لانو حيشفلك ياها بالدنية كلها .. اي بعدين في شغلة تانية .. مثلا بجوز انا ما يكون كل الدروس اللي انت عم تنزلها ما بعرفها او بتهمني جدا مثلا .. لزلك بجوز اني ما اختار هاد واختار هداك .. اي وهيكه .. بقا شكرا .. وكمّل .. :D |
:D عراسي معلّم .. ويعطيك الف عافية ..
واي شي بدك ياه مساعدة انا جاهز:D |
حلو معلم .. انا حملت الفيديو التاني ... يعني وعجبتني الطريقة .. وصراحةً انت ريحتني لانو بودي اعمل هيك شي من فترة لكن الوقت مو بايدي فـلـــــــذلك .. وفيك تعتبرا فزلكة هاي مثبـــــــــــــت رح شوف الفيديوهات اول باول .. وازا حسيت في شي نقص فيهن. ... بعدلك الرد وبضيف صور بالاشيا الناقصة مية وردي :D |
اقتباس:
اقتباس:
شكرا لمروركن بالفعل اثلجتو صدري متل ما بيقولو:cry: و مستني ملاحظاتكم و اي تعديل او اضافة من طرفكن بتشرفنا و الدروس مستمرة الى ما شاء الله:D |
مرحبا كيفكن اليوم:larg: درس جديد مثال عنو:D  و من هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
انا حابة اتعلم عل الفوتو شوب ورح تابع بس بدي البرنامج:oops:
وهل الدروس على اي اصدار؟؟؟ |
اقتباس:
المهم:pos: انا كتبت فوق انو الاصدار اللي عم نشتغل عليه هوي cs4:pos: و بالنسبة للبرنامج بتلاقيه بي اي محل بسويرا مختص بالكمبيوتر و فيكي تجيبي المجموعة الكاملة تبعت ادوبي cs4 بديفيدي واحد بس هالبرامج بدها كمبيوتر قوي مو اي كمبيوتر بتشتغل عليه و اهلا و سهلا فيكي لامار:D |
درس اليوم حلو ..
:D .. نصيحة عالهامش : ابو شريك رفعهن عادي .. لا تعملن رار .. ما رح تفرق كتير بالحجم .. تاني شي العالم بتصير بتقدر تشوفهن من دون ما تنزلهن .. عرفت شلون . شلون عرفت .. اي وبس |
انو عراسي يا معلم شو هالشغل المرتب ..يعطيك الف تريليون عافية ورح صير نزلهن اول بأول ابتداءا من بكرا ...:D
|
اقتباس:
انت جرب نزل واحد و فك ضغطو و شوف كيف بيصير:D اقتباس:
|
اقتباس:
بس حسيت انو ما في فرق .. بيجوز انا كنت متقل العيار .. .. سيدي .. خلي الشعب يحمّل .. شو ببلاش:p |
stamp tool
درس جديد و مهم عن الستامب تول اللي تعتبر من أهم أدوات الفوتوشوب و أروعها مثال عن امكانيات الأداة:D  رابط تحميل فيديو الدرس enjoy تحياتي:D |
| الساعة بإيدك هلق يا سيدي 03:43 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
فما فيني ارفعن بدون ضغط