أخوية

أخوية (http://www.akhawia.net/forum.php)
-   رسم و تصوير (http://www.akhawia.net/forumdisplay.php?f=60)
-   -   نتـائج مسـابقة التصوير (http://www.akhawia.net/showthread.php?t=126688)

The morning 31/07/2009 16:05

نتـائج مسـابقة التصوير
 
سلامات .. مجددا ً ..

بعد ما وصلنا لآخر مرحـلة من مـسابقة التصوير لعام 2009 ضمن حملـة حزيران لدعم العدالة ..

بحب قبل ما يتم الأعلان عن النتائج قول كلمتين صـغار :

أولا ً و دائما ً الحرية لكل معتقلي الرأي بسوريا ..
.. و الحرية لكـريم ..
أمـّا بعد فبحب أشـكر كل اللي شـاركوا سـواء بالمسـابقة ، المؤهلين العشرة و تفمهم و تعاملهم مع الاعتراضات على لوحاتهم بوعي و احترام و لـكل مين سـاهم بالتصويت بـوجـه هو شـافه حق ..

أيـضا ً لكل الناس اللي حبت تتسـلّق على نجاح هالمسـابقة بحب قلهم شـكرا ً كمان ..
و المسـابقة بعدني بـشوفها نـاجحة و بفـتخر انها من انجازاتي بأخـوية .. و أيـضا ً بقول انه الخـطأ ما بـعمره بيقدر يبرر خـطأ بعده يعني في حال انت شفتنا غلطنا بشي فكان فينك انك أنت ما تغلط بحقنا ..

لـجنة التـحكيم .. سـعيده كنت جدّا ً بالعمل مـعكم :D

أخـيرا ً بحب قول اذا كان صار و حسيت اننا غلطنا بشـي كلجنه تحكيم مجتمعه فحاول ما تـواخـذنا و تحاول تتقبل أنو نحنا كان عنا وجهه نـظر حيال أمر ما و اذا ما قدرت تفهم وجهه نظرنا و بعدك معتبرنا غلطانين فكمان ما تواخذنا لأنو أخطائنا كبـشر هي غذاء أيـامنا ..

أيضا ً بحب نوّه لأنو بعض الأسـماء ما تم احتساب اصـواتها نظرا ً لعدم مطابقتها لشروط التصويت بذكر منها :

قرصان الادقيه : أقل من 50 مشاركة فاعله
marioma alghzayala : صوتت للكل بذات الصوت
أمل ما في : مسجل بعد تاريخ اعلان المسابقة ..



** هامش ** كـنت ذكرت انو رح بتم اعلان مفاجأه مع النتائج لكن تأخر الأعلان عنها ( مع الأسف) نظرا ً لانها غير جاهزه .. كامل الاعتذار .. لكن من منبري هذا بوعد الجميع تكون الثلاثاء جاهزه ..


و دمتم و دامت أخوية

شـكرا ً

The morning

:akh:

The morning 31/07/2009 16:17

بالمرتبة الأولى : شوط يا قمر ست ٌ و خمسون صـوت :gem:

المرتبه الثانيه : قرصان الأدرياتك أربع و خمسون صوت :adal:

المرتبه الثالثه : Yass ثلاثة و أربعون صـوت :larg:

__________

أمـّا باقي المراتب لأشبـاع الفضول فكانت على الشكل التالي :

المرتبة الرابعه : SelavI & zen

المرتبة الخامسة : Jimy ..

المرتبة السادسة : TheLight

المرتبه السابعه : THE_unforgiven

المرتبة الثامنه : قـمح

المرتبه التاسعة : kosayka2


شـكرا ًمجددا ً

:akh:

Sarita 31/07/2009 16:40

اقتباس:

بالمرتبة الأولى : شوط يا قمر ست ٌ و خمسون صـوت

المرتبه الثانيه : قرصان الأدرياتك أربع و خمسون صوت

المرتبه الثالثه : Yass ثلاثة و أربعون صـوت :larg:

حيو الف مبروك للفايزين
من القلب طالعة :clap:

وبالنسبة للبقيي بعتبر الكل فايز لانو وصولون لهلمرحلة دليل ع هالشي :D

وناطرين المفاجأة من هالمنبر شوش
:larg:

jano. 31/07/2009 16:43

مبروك لـ شوط ياقمر وقرصان الأدرياتيك وياس الحصول على المراتب الأولى...
كلّ الصور كانت حلوة ومعبرة.. فمبروك لكل الي شاركو ولكل الي وصلو للمرحلة الأخيرة وطبعاً ماننسى صورة أبو طوني كمان رغم انسحابو...

وشكراً لمنظمي المسابقة.. زيدولنا من هالفعاليات...

والحريّة لمعتقلي الرأي.

THE_unforgiven 31/07/2009 17:43

تحية إلك خصوصي مورنينغ .. وللجنة المنظمة وللمصوتين والمشاركين ..
فكرة المسابقة كتير حلوي .. وصور المتسابقين أحلى ...
مبروك لكل اللي فازت صورن ... اكيد صورن رائعة .. والشي الاكيد انو الصور البقية مابتقل روعة ..
بس أكيد بكل مسابقة .. في فائز وفي خاسر .. ولهيك اسمها مسابقة ..
.
.
تحية للكل ... مشكورين .. :D
والحريّة لمعتقلي الرأي.

..Jimy 31/07/2009 17:54

اقتباس:

كاتب النص الأصلي : The morning (مشاركة 1307893)
بالمرتبة الأولى : شوط يا قمر ست ٌ و خمسون صـوت :gem:

المرتبه الثانيه : قرصان الأدرياتك أربع و خمسون صوت :adal:

المرتبه الثالثه : Yass ثلاثة و أربعون صـوت :larg:

__________

أمـّا باقي المراتب لأشبـاع الفضول فكانت على الشكل التالي :

المرتبة الرابعه : SelavI & zen

المرتبة الخامسة : Jimy ..

المرتبة السادسة : TheLight

المرتبه السابعه : THE_unforgiven

المرتبة الثامنه : قـمح

المرتبه التاسعة : kosayka2


شـكرا ًمجددا ً

:akh:

شايفين صورتي كانت الخامسي وطلع ترتيبها الخامسي:larg:..دقة :lol:..

ومبرك لشوط الحمصي..ولـ قرصان ولـ ياس وللجميع :D..


---------
من اجل اشباع الفضول ايضا حازت صورة ابوطوني المنسحبة على 53 صوت :gem: بالرغم من انسحابه قبل نهاية التصويت..

Dndoshy 31/07/2009 17:56

الف مبروك للفائزين..شوط يا قمر,قرصان الأدرياتك,Yass..ولكل المتسابقين..:D
وميغسي للجنة الحكم عالمسابقة الحلوة:D
والله يفك اسرو لكريم هوي والشباب البقية
:D( :tears: )

أإأبو العبد 31/07/2009 18:08

لو نقلتو الصور لهون كان الموضوع اظرف

على كلن مبروك للجميع:D

قرصان الأدرياتيك 31/07/2009 18:15

طيّب اللهُ نهارَكم بكلّ طيبٍ وعطر...

حابب أتشكّر منظّم المسابقة وجميع المتسابقين والمشاركين بالتعليق أو بالتصويت، وشكراً للجنة التحكيم لعملها واختيارها بغضّ النظر عن الاختيار ومعاييره... بظنّ أنّو المشاركة بحد ذاتها هي اقتسام ومانها لربح أو خسارة لأن الحياة برمتها وبكل ما فيها هي ربح، وإذا في خسارة فهي من أجل ربح شيء آخر! شكر خاصّ ليللي صوّتوا لصورتي برغم اختلاف أسباب التصويت.

كمان حابب أبدي أسفي لخروج الشاب المغوار، والمصور السائح، حديث سعدو في الأزقة، ورسوله الأبدى والأفعل أبو طوني... صورتو رائعة وكانت تستحق تنال درجة مميزة... كانت بطريقها للفوز بجدارة!

بالإضافة إلى أنّو صورتي المتواضعة مع أني التقطتها بالموبايل لافتقاري لأدوات مناسبة مانها من كهف متل ما بتبيّن، أخذتها من فتحة صغيرة بجدار صخريّ ما بتتجاوز أبعادها 30 بـ 20 سم بتطلّ على وادي بشرّي يللي تغنّى فيه جبران وحبّو أكتر من محبتو لأي شيء آخر! وصعب كنت أتحكّم بالصّورة أولاً لسوء الآلة (الموبايل 2 ميجابيكسل) وتانياً بسبب الفتحة الصغيرة وعمقها شوي ما خلاني أتحكم بالتقاطها.

وعندي تعليق صغير على مشاركة ذا مورنينغ: ذكرتِ أنّو في أصوات ما تمّ احتسابها لمخالفة شروط التصويت وقلتِ "بذكر منها" وهالشي بيعني أنّو الأسماء المطروحة هي منها ومانها كلها، ليش في غيرها ما انحسب... ؟ برأيي إذا في غيرها مو محسوب الأفضل نذكرها كلها، أما إذا كنتِ بتعني أنّو هي كل الأصوات غير المحسوبة فالأفضل تقولين "والأصوات هي"...

مع التحيّة والشكر للجميع :D.

امل ب 31/07/2009 19:42

مبروك للفايزين
كل الصور حلوة وكلن بيستاهلو يفوزو

Nay 31/07/2009 20:27

مبروك للشباب..
رغم انو وبرأيي الشخصي ومو بس برأيي كمان برأي مجموعة من الاشخاص المختصين والمحترفين اللي ورجيتهون الصور المرشحة للمسابقة ..كانت صورة ابو طوني بلا منازع هيي الصورة الاجمل والاكثر تعبيراً عن روح الموضوع.. كنت بتمنى تربح صورة ابو طوني بس معليش المرات الجايي.. ومرة تانية مبروك للفايزين..


سوا ربينا 31/07/2009 20:57

مبروك للشباب التلاتة وللكل .. ويعطيكي العافية شوش انتي وكل لجنة التحكيم وكل شخص ساهم وشارك بهالمسابقة .. ...:D

..AHMAD 31/07/2009 20:58

مبروك للجميع ....


وبالنهاية الفائز الأكبر هوي نحنا بالإبداع اللي تقدم واستمتعنا فيه هون من أول فائز ، لآخر واحد ما تم ترشيحو

والشي اللي تقدم ما كان متوقع ابداً

تُشكرون جميعاً

:akh:

Sun Shine Art 31/07/2009 21:02

مبروك ..للكل ...مع اني كنت بتمنى ابو طوني يكون موجود

مبروك للجميع :D

رجل من ورق 31/07/2009 21:12

مبروك للكل

bacteria 31/07/2009 21:22

مبرووووووووووووك :D

مشاعر 31/07/2009 21:26

مبروك

:D

شوط يا قمر - قرصان الأدرياتيك - yass

مع أطيب تمنياتي لكل من شارك المزيد من الرؤية الإبداعية في التصوير

zen 01/08/2009 00:38

انو انا بالمرتبة الرابعة
والله ما كنت متوقع
انو شكراااااااا
لكل اللي صوت
ولكل اللي بارك
و مبرووك للتلاتة الأوائل


الساعة بإيدك هلق يا سيدي 18:29 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03225 seconds with 10 queries