|
شركة كهرباء دمشق تعلن عن برنامج التقنين !
اقتباس:
قلتولي تضطر .... :pos: تفضلوا هي برنامج التقنين .. تبع شركة الكهرباء :frown: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - طبعاً التقنين هالسنة مو متل السنة الماضية يعني .. 4 ساعات بدال الـ ساعتين :pos: شوفولي هالجملة الأخيرة يلي كاتبينها بعد البرنامج كمان :lol: هاد منشان العدل ... وكل مواطن ياخد حصتو من التقنين كمان :gem: اقتباس:
وعلى قولة ياس (جميع الحقوق محفوظة :p) : و عـــــمـــــار يا بـــلـــد :pos: |
وعنا كمان:tears:..بيقطعو الكهربا شي تلت ساعات الصبح أما المسا فحسب المود( :devil: )
بس انتو العاصمة..مو ما لازم تنقطع الكهربا بالخالص عندكن:?.. طيب بس أنو ليش بيعملو تقنين مدام مياخدو حق الكهربا..واذا ما في مولدات يعملو مولدات..بكل الأحوال هني الربحانين:pos::jakoush: |
العمش .. الله يستر ما على نقلة المركز الرئيسي للمخابرات .. يطقعو الكهربا .. عنا .. شنو ما عاد الو هالاهمية الكبيرة .. ولي على اختا من اجازة لح تكون :cry: وبعز رمضان ! ..
|
يمون بالمالكي عم تنقطع فمارح تنقطع بالميدان يعني:p
|
اقتباس:
عم قلّك .. خطنا جاية عالرئيسي .. الرئيسي .. بس عالنقلة الجديدة اللي صارت ربك بيعلم :frown: |
كنت ناوية اسكن بالميدان غيرت أعلي اذا هيكه
بتعرفلنا وين الخط الرئيسي:larg: |
بس اليوم تسالي ماطفوا عنا غير ساعتين او ساعة ونص
المهم هي بالعادة بتنطفى بال2 الضهر فانو صارت تنتين الضهر ومانطفت فانو جدي استنى استنى مانطفت المهم والله ماكزب خبر شال هالتلفون ودق لشركة الكهربا قلن اش مشانكن مانطفت الكهربا اليوم .. قالولو طول بالك الا ماتنطفي شي شوي والله الساعة ستة طفوا شي ساعة ماطولو شغل شباب يعني :lol: |
ماممكن يطلع معهم أعلان عن أنتهاء الأزمة وللأبد .:jakoush:
|
طول بالك يا مان
والله ما في شي بيستاهل تسم بدنك منشانو طنش عش تنتعش قال تق:larg:نين قال مو عيب هالحكي
|
اقتباس:
المشكلة عميقطعوها باوقات بتخ************************ لابعد الحدود يعني عنا بالشغل بالمزة نزلة الأكرم عميقطعوها من ال 1 للـ 3 ( حبكة رب الشغل ) ومن الـ 7 للـ 9 ... كمان حبكة رب الشغل :shock: |
ااااااااااخ
من الساعة العاشرة .. للساعة 12 ومن الساعة 4 للساعة 6 يللللللعن حظي .. لك انا ما مشان شي .. بس بيفيقوني |
بيقطوعها عنا من ال1 لل3
وقت مأساواي جدا |
عم اسمع من ناس بيشتغلو بمؤسسة الكهربا انو الشبكة بكاملها كان لازم تتبدل من عشر سنين.. وانو هلأ شبكة الكهربا بسوريا معرضة للانهيار بأي لحظة..
|
اي والله مو بعيدة ابدا تنهار بس يعني سؤال هي مو منهارة اصلا:shock:
انا بتذكر مرة انقطعت الكهربا بالمالكي انا كنت مارر من هونيك لما جابو مولدات كهربا تشغلن الكهربا من شان ما ينزعجو المسذولين هنيك حرام:pos: شغل و تعب طول النهار بعدين يقطعو الكهربا عليهن ايمتى بدنا نحتفل بأخر يوم انقطعت الكهربا عنا فيه:cry: |
طيب ليش هالشغلة بس بلصيف؟؟
ليش بالشتاء مابيقطعوها سؤال يطرح نفسو يذل نفسو؟ |
اقتباس:
الله وكيلكن ما عاد في بيت حتى لو أهلو من أفقر ما يكون الا وصار عندون مولدات كهربا بالبيوت.. |
اقتباس:
خيو حمص الشقيقة هي:lol: معذورين :p |
انا عندي عقاب رسمي
من 3 العصر لل6 المسا |
| الساعة بإيدك هلق يا سيدي 06:46 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
