سورية القابضة والخرافي الكويتية تباشران بأبراج سورية
 

سورية القابضة والخرافي الكويتية تباشران بأبراج سورية
(دمشق - دي برس)
أخيراً وبعد انتظار طويل دخلت آليات شركتي سورية القابضة والخرافي الكويتية الى موقعي مشروعيهما الاول مشروع أبراج سورية في منطقة البرامكة ويتضمن ابنية مكتبية ادارية مجهزة بأحدث التقنيات، وفندقاً من مستوى خمس نجوم مع فعالياته المتممة وشققاً قندقية ومركز مؤتمرات، بالاضافة الى مركز تسوق ومجموعة مطاعم ومقاهي ودور سينما ومواقف سيارات بكلفة اجمالية تقدر بـ 15 مليار ل.س، والمشروع الثاني يقع في منطقة كيوان على مساحة 6 دونمات ويتضمن فعاليات سياحية متنوعة من فئة خمس نجوم بالاضافة الى مراكز للمؤتمرات وهو الاول من نوعه من حيث الاستعمال والاستيعاب وتقدر كلفته الاجمالية بـ 217 مليون دولار امريكي.وذلك وفقاً لصحيفة البعث.

بدأت الآليات في هذين المشروعين منذ فترة بالعمل الدؤوب لإنجازهما بفترة زمنية قصيرة بعد تأخر في منح امر المباشرة وتقول مصادر وزارة السياحة بأن المشروعين سوف ينجزان ضمن الفترة الممنوحة لهما.

هالمشروع عم ينحكى فيه عالقليلة من عشر سنين، منيح اللي بلشو فيه أخيراً.

شي خرافي ها ..
رح سدق

وين هالحكي؟

طيب وين بالضبط بالبرامكة ..؟؟

مو معقول بدو يصير في عنا براج متل كل الدنية

:shock:

كراج بيروت القديم.. مقابيل وكالة سانا


ما في غيرو مطرح فاضي بالبرامكة

بالضبط شنو فندق هوليداي ان طار للشام القديمة
يعني باي باي للسوق اللي حد القلعة مدري شو اسمو

المناخلية





p.s:
الله لا يوفّق حريم ربّك يا مخلوف

اي توقعت هون و للجنوب شوي صوب الكرنك القديم ...


صحي شو صار بكراج الكرنك القديم .. طلع محلو شي ..؟

نو نو مو كراج بيروت ... :?
و كراج الكرنك صاير فوق الجسر ... :shock:

اما هني رح يعملو المشروع ضمن المنطقة الممتدة بين دار الاوبرا وجسر الرئيس يعني مواجه فندق ديديمان دمشق ... يعني تحت الجسر مو فوق :pos:

يعين هالمنطقة المتضمنة لمعرض دمشق الدولي سابقاً وشغلة تاني جنبو نسيت شو اسمها :pos:

انا شفت اكتر من لافتة للمشروع يلي عم يحكو عنو ... انو مجمع بيحتوي كل شي على اساس ... ونحو تربية افضل ونحو شو اسمو افضل .. الخ الخ الخ ... نحو مخلوف العن :jakoush:

اي ممكن .... كنت نسيان المعرض القديم

شو فاتت الجغرافيا ببعضا كأنو روقو شوي، هلأ كراج بيروت القديم مو اللي ورا وزارة السياحة المحترقة، مو هونيك صارفي كراج 4 طوابق؟؟
ولا قصدكن على كراج بيروت الأحدث يللي بالبرامكة؟؟
أرض المعرض القديم مو حطو فيها حجر الأساس لمشروع مركز استكشاف علمي للأطفال أسمو مسار؟؟ ما أن متأملة أنو ولادي يلحقو الأفتتاح قبل ما يكبرو.. ولا قولكون ما بيلحقو يخلصو ب10-12 سنة؟؟؟ :cry:

أنا اللي بعرفو إنو

أرض المعرض (رغم إنو هي اللي بيسمّوها "أرض كيوان") آخدينها لـ مشروع مسار..

من هيك ما فكّرت فيها أول شي.. وقلت ما في غير كراج بيروت

هلق إذا مقسّمينها بيناتهن.. شي تاني


ماروشكا ضيعتيني

كراج بيروت اللي بالبرامكة.. هو القديم..

هلق الأحدث طار ع السومرية


اللي ورى وزارة السياحة بالحلبوني.. نعم صار في كراج طابقي.. بس هيدا ما كان كراج لسيارات بيروت


مو؟

هاد كان كراج بيروت الأقدم، بس يمكن جيلك ما بيعرف هالشي. بس أرض كيوان مو هي أرض المعرض القديم، أرض كيوان أنا بعرف أنو نواحي بناية فرعون أو برج فرعون بأول المزة.

:i7raj: .....

انو اي اللي مواجه سانا هنيك يفترض
انا ارض المعرض الدولي مواجه الديدي مان...فلمشروع مسار
والهوليداي ان يفترض قبل القلعة طلع بوش فندق هنيك اسمو الاجنحة الملكية