أخوية

أخوية (http://www.akhawia.net/forum.php)
-   الشرق الأوسط (http://www.akhawia.net/forumdisplay.php?f=72)
-   -   عودة «المشرق» الى دمشق؟ (http://www.akhawia.net/showthread.php?t=130740)

Nasserm 19/10/2009 18:01

عودة «المشرق» الى دمشق؟
 
عودة «المشرق» الى دمشق؟


علي الحلبي - دمشق


منذ فترة، فوجئ فريق العمل في تلفزيون «المشرق» في مكتب دمشق بمداهمة سلطات الأمن لمكتبهم والطلب من الجميع الرحيل، لأنّ المكتب خُتم بالشمع الأحمر. هكذا، من دون أي تبليغ مسبق أو إشعار قانوني، أغلق المكتب الذي يعدّ النواة الأساسية للمحطة، والمحرك الفعال في إنتاج برامج القناة، والمكان الأوسع الذي يشمل الجزء الأكبر من فريق عملها. هذا المكتب اعتمد أساساً على الطاقات الشابة الجديدة التي لا تملك أي خبرة عملية، تاركاً لها حيّزاً من التجريب.

الأقاويل كانت كثيرة، والأحاديث عن السبب الحقيقي للإغلاق ملأت صفحات الجرائد والمواقع الإلكترونية، بينها ما صرّح به محمد رامي الجندي مدير الإنتاج السابق في المحطة لـ«الأخبار». يومها، قال إنّ سبب الإقفال تصرّف طبيعي يهدف إلى استكمال تراخيص من وزارة الإعلام، مضيفاً أنّ الإغلاق لن يستمر أكثر من ثلاثة أيام. لكن الأيام الثلاثة قاربت الأربعين يوماً من دون أيّ تطور يذكر، في وقت علمت فيه «الأخبار» من مصادر موثوقة أن الجندي وقّع تعهداً في أحد الفروع الأمنية السورية بأنّه لن يعمل مجدداً مع تلفزيون «المشرق»، وكذلك بلّغ أن المكتب مغلق من دون التلميح إلى أية بشائر بإعادة افتتاحه.

ومع ثبوت عدم صدقية ما رُوِّج عن وجوب استكمال تراخيص لفتح المحطّة، قيل كلام كثير عن أنّ سبب الإغلاق هو مقالات صاحب المحطة غسان عبود. إذ أطلق هذا الأخير على موقعه الإلكتروني سلسلة مواقف مستاءة من القائمين على المؤسسات الإعلامية الرسمية ومن المسؤولين السوريين.

القناة استطاعت في فترة وجيزة أن تضمن لنفسها نسبة جيّدة من المتابعة، لكنّ بعض برامجها تخطّت الخطوط الحمر: هكذا، أفسح برنامج «حكاية سوري» المجال للتحدّث عن حال الشارع ومواضيع يعرفها السوريون جيداً، فتناول الأقليات الدينية والمشروبات الروحية. ويقال إنّ البرنامج كان أحد الأسباب التي دفعت السلطات لإغلاق المحطة.

فيما نفى رئيس تحرير القناة محمد عبد الرحيم أن يكون لرجل الأعمال السوري الشهير رامي مخلوف أي يد في إقفال المحطّة. إذ يقال إنّ مخلوف أبدى رغبة في شراء جزء من المحطة. وعندما قوبل بالرفض، عاقب المحطة وأوصلها إلى ما وصلت إليه.

لكنّ محمد عبد الرحيم يؤكد أنه لو أراد مخلوف الشراكة لما صعب عليه ذلك، ولا سيما أنه يستعد لإطلاق محطة خاصة به (راجع الأخبار تاريخ 4 تموز/ يوليو 2009). وضمن شروط «البزنس»، يمكنه أن يستقطب فريق «المشرق» كله «بمجرد أن يدفع لهم علاوة بسيطة على ما يتقاضونه في محطتهم، بدءاً برئيس التحرير وانتهاءً بأصغر موظف» كما يقول عبد الرحيم. ويعرب هذا الأخير عن أسفه للطريقة التي طرد فيها بعض موظفي «المشرق» قبل الإغلاق مكتب دمشق بشكل لا يمتّ للمهنية بصلة، وبطريقة سخيفة على حد تعبيره. لكنه يختم حديثه، واعداً بتطور إيجابي كبير ومفاجئ سيحصل قريباً، من شأنه أن يعيد الأمور إلى نصابها.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -







nahla12 19/10/2009 18:25

يعني شوو رح ترجع تفتح؟؟؟
فهمونا

Nasserm 19/10/2009 19:11

اقتباس:

كاتب النص الأصلي : nahla12 (مشاركة 1349866)
يعني شوو رح ترجع تفتح؟؟؟

نهلة..
القناة ما سكّرت.. مكتبها بـ دمشق هو اللي تسكّر
..

Government 19/10/2009 19:29

طيب هلأ هادا هو السبب ورا انو بطل تطلع نشرة هنا سوريا
ولا في اسباب تانية ؟؟


بس شو بدك بالحكي قناة رائعة بتعبي الراس مع انو خف شوي كانو مستوا برامجا بعد رمضان بس بضل ممتازة قدام غيرا

Nasserm 19/10/2009 20:01

اقتباس:

كاتب النص الأصلي : Government (مشاركة 1349887)
طيب هلأ هادا هو السبب ورا انو بطل تطلع نشرة هنا سوريا
ولا في اسباب تانية ؟؟

على ما بعرف.. في أسباب تانية

حلقة عباس النوري (حكي شي عن انتمائو الطائفي)

حلقة انتقدوا فيها وزير الإعلام

بالإضافة أكيد للأسباب اللي انذكرت هون:

مقالات غسان عبود (صاحب المحطة) *

رغبة رامي مخلوف (أو اللي متلو) بإنو يكون شريك فيها
وقال غسان عبود عن اللي عم يحاربوا المحطة: "نعم فهؤلاء يمارسون على تجربة المشرق مقولة: يا فيها يا بخفيها")


------------

*

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -





rama1985 19/10/2009 20:43

قناة المشرق حققت نجاح كبير وبزمن قصير

ولو ماكانت ناجحة ماتعرضت للمدايقة

لانو الشجرة المثمرة وحدها هي يلي تقذف بالحجارة

وبما انو ايا شي ناجح بيتعرض للحرب بعالمنا العربي ف مو شي غريب

علكلن إنشالله ينحل الإشكال لأنو بحاجة لأي منبر إعلامي سوري ناجح

:D

Nay 19/10/2009 20:55

اقتباس:

كاتب النص الأصلي : Government (مشاركة 1349887)
طيب هلأ هادا هو السبب ورا انو بطل تطلع نشرة هنا سوريا
ولا في اسباب تانية ؟؟


بس شو بدك بالحكي قناة رائعة بتعبي الراس مع انو خف شوي كانو مستوا برامجا بعد رمضان بس بضل ممتازة قدام غيرا

في برنامج على المشرق اسمو بيت المونة.. شفت منو حلقة بتحكي عن الجبن وحلقة بتحكي عن القمح..
هاد البرنامج هوي من أجمل ما شفت بحياتي..
بالاضافة لبرنامج اسمو قصة مدينة.. كمان كتير كتير قوي وحلو

Government 19/10/2009 21:06

اقتباس:

كاتب النص الأصلي : Nay (مشاركة 1349914)
في برنامج على المشرق اسمو بيت المونة.. شفت منو حلقة بتحكي عن الجبن وحلقة بتحكي عن القمح..
هاد البرنامج هوي من أجمل ما شفت بحياتي..
بالاضافة لبرنامج اسمو قصة مدينة.. كمان كتير كتير قوي وحلو


اي مزبوط .. كمان في برنامج كان ينعرض قبل رمضان اسمو Am stories هادا كان شغلة كبيرة(حطو دعايتو انو بدو يرجع ينعرض بقى مابعرف ازا جديد او معاد) هو وحكاية سورية كمان .. ونشرة هنا سورية .. وكزا قصة عملوة حلوة اختفت بعد رمضان


بشكل عام قناة حلوة وعنا اضافات جديدة وبتمس المواطن السوري وبتشوق وبعيدة كتير عن البرامج المعتة والتطبيل والتزمير .. وبعكس قناة الشام والدنيا اللي مابتوقع جابو شي جديد

Nay 19/10/2009 21:24

حكاية سورية ما كتير حبيتو.. بينقصو مصداقية .. خاصة وقت الاقليات بيحكو عن حالون وعن التآلف والتأخي.. في مبالغات والاعداد مو متعوب عليه منيح..

حبيت كتير كمان ديمة ونوس.. بس ما عد شفتها ما بعرف اذا الغلط مني ولا البرنامج ما عاد طلع..

اما سهير الذهبي فما حبيتها أبدا وما حبيت برنامجها

nahla12 20/10/2009 02:10

اقتباس:

كاتب النص الأصلي : Nasserm (مشاركة 1349884)
نهلة..
القناة ما سكّرت.. مكتبها بـ دمشق هو اللي تسكّر..

طيب سؤال تاني
مكتب حلب شواخباروو سكر اكيد موو


الساعة بإيدك هلق يا سيدي 00:48 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02809 seconds with 10 queries