اتهام "الجزيرة" بتحريف النشيد الوطني الفلسطيني
 

أعلنت حركة فتح والحكومة الفلسطينية عن غضبهما إزاء إقدام قناة "الجزيرة" القطرية على المساس بقيمة وطنية من خلال "تحريف" النشيد الوطني الفلسطيني. وفوجئ الفلسطينيون أول من أمس ببدء برامج حوار مفتوح على الجزيرة، بالنشيد الوطني الفلسطيني «موطني» وقد تم تحريفه.

وبدت الصدمة أولا ظاهرة على وجه الدكتور ناصر القدوة، عضو اللجنة المركزية لحركة فتح الذي كان ضيفا بالبرنامج. ووصف على الهواء ما جرى بأنه تحريف لواحد «من أهم الأناشيد الوطنية التي نفخر بها»، موجها حديثه لمقدم البرنامج، «كنت أود ألا يجد هذا الأمر طريقه إلى قناة الجزيرة».


والنشيد الوطني الفلسطيني الأصلي هو (فدائي فدائي)، ولم يصدر مرسوم بتغييره، لكن منذ وقعت منظمة التحرير الفلسطينية اتفاقية سلام مع إسرائيل، اعتمدت إلى حد كبير على نشيد "موطني موطني".

وكانت نسخة هزلية وزعت على «يوتيوب»، تستبدل كلمات موطني، قد بثتها الجزيرة، في مقدمة برنامج يجمع بين القدوة وأسامة حمدان، ممثل حماس في بيروت، أثارت غضب السلطة وفتح. واستنكرت وزارة الإعلام الفلسطينية بشدة «قيام قناة الجزيرة الفضائية، بالمساس بقيمة وطنية، من خلال بث تحريض مؤسف على النشيد الوطني الفلسطيني». ودعت الوزارة في بيان لها أمس «الجزيرة» إلى "اعتماد الموضوعية والتوازن، واعتماد نهج إعلامي مسؤول وحيادي، وإنهاء نهجها الحالي الذي يعمل على إثارة الخلافات وتعميقها في الساحة الفلسطينية".

وقال أحد المواطنين من مدينة نابلس في الضفة الغربية، إنه سيتوجه للقضاء لرفع قضية ضد قناة الجزيرة الفضائية، بسبب «الترويج للنسخة المحرفة للنشيد الوطني الفلسطيني».

وقال المواطن غياث جازي من نابلس، والذي يعمل مذيعا في إذاعة جامعة النجاح، إنه سيقوم بالاستعانة بذوي الخبرة من رجال القانون لكي يتوجه للقضاء لمحاسبة كل من يقوم بالترويج لهذا التحريف أو يردد عباراته. واعتبر أن ترديد هذا النشيد المحرف ترك أثرا نفسيا وعاطفيا سلبيا لدى عدد كبير من شعوب الأمة العربية وبالأخص الفلسطينيون، الذين ينحدر مؤلف النشيد الأصلي إبراهيم طوقان من مدينتهم نابلس، وللعراقيين أيضا الذين كان يمثل وحتى وقت طويل نشيدهم الوطني العراقي.


الشرق الأوسط

النشيد بحلته الجديدة موجود على اليوتيوب

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و كلماته :

رغم اني مابطيق حماس بس هال اب ديت للنشيد بيضبط تماما للواقع الفلسطيني الحالي مع الاعتذار لطوقان

يا سيدي لو كان طوقان عايش لكان كتب أكتر من هيك........أصلا منيح اللي مات قبل ما يشوف شو صار بموطنو

ليش ليعبرّو عن الواقع بنشيد وطني ..... هاد نشيد الوطن العربي كمان أنا متل ما بعرف .... يعني مو بس
جرحو مشاعر الفلسطينين .... برأي العرب كمان .... كان فيهون بيعبروا بطريقة تانية ..... صعبة كتير ... كتير
صعب تسمع هيك شي ...

والله يازعيم انا شايفه انك امتعتنا بمشاركتك بواحد من اهم المواضيع المطروحه سياسيا لكن مع الاسف الشديد انا شايفه انك بطرحك لهذا الموضوع مابتحاول تلفت نظرنا اله انت بالعكس بتحاول انك تساهم بنشر هذا التحريف المغرض للنشيد وتايده بطريقه عشوائيه دون امعان النظر بمدى اهمية تاثيرها السلبي لدى الاخرين

اي ممتاز ما العرب مو شاطين غير بالأناشيد و الشعارات

بوركت خلافاتكم

والله قناة القصديرة ماعاد عندها شيء الو قدسية ابدا:jakoush:
وصارت منبر اثارة الفتن والتطرف والتخلف والدفع بالمتابع الى الانتحار والياس
صحيح اوضاعنا عامة واوضاع الفلسطينين خاصة اسوا حتى من نشيد موطني المحرف
بس بالله قولولي شو استفاد اللي كاتبو او اللي قراه غير مرارة واحباط على احباط
اللي بعرفو ان الشعر ومختلف الفنون اضافة لتعرية المستور والمسكوت عنه من اخطاء واضافة لنشر الوعي عندها دور يظهر انها ناسيتو تماما
وهو استنهاض الهمم هيك كان دور الاناشيد خلال الثورات اللي بعرفهم
كان في شيء اسمو جهاد بالقلم
وللا قلكم يالله خلينا هيك مو قادرين نحنا غير على السخرية وتخريب القليل القليل اللي تبقى وبرافو علينا

طيب بشو زاعج واقعيتهم مجرد نشيد وطني ؟؟
اللي بعرفو انو حب الوطن والامل هم اللي بيحركو الواحد ويخلوه يفكر يعمل شيء
وانو بعمرو ما حدى يائس مكتئب ومحبط
ما عمل شيء نافع لا لالو ولا غيرو
ادا كانت المتسلطين علينا بيستخدمو المسكنات والمهدئات والمخدرات على جروحنا الغميقة
ضروري نحن حتى ما نكون متلهم نحط على جروحنا احماض قوية؟؟؟

العار انو الواحد بيتحسس بس اذا انمسو الشعارات و المبادئ من دون ما يتحسس من أهانة لل أرض اللي عم تتدنس كل يوم

بالفعل شيء مخزي

طبعا ماني ضد النقد وخصوصي النقد البناء
وما بظن تتوقعي مني قلك اني كتير فخورة بوضع فلسطين الحالي
بس انا ضد انو تستخدم ثوابت وطنية الكل متفق عليها كوسيلة استخفاف وخصوصي من قناة فضائية وصحافيين مفروض يعرفو كيف وامتى وليش بتنقال كل كلمة
سواء ان كان نشيد او متل ما صار وقت الحملة الانتخابية عندنا وقت شالو العلم الوطني وحطو بدالو خرقة سوداء للدلالة على العزاء والخراب
مشاكل فلسطين رح تنحل ادا قعدنا نبكي ونندب ونسب بعضنا
ادا اي يالله نكتب ديوان الرثاء

وطن بحالو اتحرف وضاع اجت على نشيد
سيدي كلو ماشي

اتهام الجزيرة بـ "تحريف" النشيد الوطني :lol:
ما أساساً الشعب اللي "حرفّه " ولاّ شو؟! ..

و طبعا إسا رح يصير النشيد الوطني مقدس ممنوع المساس فيه لأنو رجال السلطة مقدسين وممنوع حدا يتخنفس يحكي عن مهازلهن بهـالوطن !!