أخوية

أخوية (http://www.akhawia.net/forum.php)
-   أخوية الإقتصاديّة العامة (http://www.akhawia.net/forumdisplay.php?f=33)
-   -   سؤال اقتصادي عن تبييض الأموال .. (http://www.akhawia.net/showthread.php?t=131298)

saman 03/11/2009 01:58

سؤال اقتصادي عن تبييض الأموال ..
 
مرحبن :D

انو بتمر قدامي هي الكلمة بالبرامج ع التلفزيون وببعض المسلسلات ... وقريت عنها مرة ... :?

بس لهلأ ما عرفت شو هيي ... او كيف طريقتها :shock:


بتمنى من شي حدا يشرحلنا عن تبييض الأموال و كيف بتصير وشو هدفها وشو خطورتها ... :pos:
ويا ريت تطرحولنا شي مثال مبسط عن تبييض الاموال بيكون جزاكم الله خيراً وجعلها في ميزان حسناتكن :p

مو لـ شي .. بس انو هيك زيادة معرفة .. بتعرفوني ... جاي ع بالي اتثـــئــف :lol:
وميرسي سلفاً :oops:

:D

يمان Rooooonaldo 03/11/2009 02:06

اي ابو المير ..

هلا انا .. ما كتير قريت عنها .. بس لح خبرك شو بعرف عنها .. هادا يا سيدي عملية تبييض الاموال هية عملية .. احتيال ولف .. على القانون .. بس بطريقة غير قانونية " بس قانونية .. ! :?" .. يعني لقلك كيف ..

هلا بني ادم مثلا .. مثلا بيشتغل بالهرويين وشيتي شيتك .. وشغل .. عـ مستوى كبير .. وفيها عملة كتير القصة .. متل شغل المافيات مثلا بإيطاليا لو بدنا ناخد مثال .. طيب .. وقت بدو يجي يخلص من كل هالمصاري بحيث انو ما يبين عليه انو فجأة مثلا .. زادت ثروتو .. بـ نسبة كبيرة جدا بيصير بيلجأ .. لشغلات ما معينة .. بيصرف فيها هالاموال .. وبالمقابل ما بيتحاسب عليها .. تعا شوف لو بدي فهمك اكتر خود مثال عن الرياضة .. " وحاليا .. من اكتر المجالات اللي صايرة خطيرة بهي الشغلة .. " .. لو بدك تروح لرئيس نادي .. مثلا ..

بيكون .. رئيس عصابة وعندو مصاري ما عرفان كيف بدو ينفدها .. لانو لح يتعرض للمسائلة لو طلعت فجأة .. فـ بيروح مثلا .. بيحط على هالنادي .. وعلى دفع مصاري مثلا بيشتري لعيبة وهيك .. وبيحط مبلغ كبير معين .. وبالمقابل اخد نفوذ اكبر وشعبية اكبر .. مع انو المصاري غير مشروعة ابدا ... بس نفدها بطريقة معينة .. وبتغطي انو المصاري منو ولا من النادي وهيك .. فـ انو الشغلة كلا عبارة عن تغطية لاموال غير مشروعة .. بطريقة نوعا ما مشروعة .. وما فيها مسائلة قانونية ..

غير هيك ما لح احكي اكتر .. .. وشوف باقي الشبيبة شو بتخبرك .. :D

MadMax 03/11/2009 03:21

تبييض الاموال .... هو اضفاء شرعية على هالأموال يللي اجت أساساً بطريقة غير شرعية

يعني على سيرة الرياضة هلأ
ممكن برلسكوني مثلاً صاحب نادي الميلان .... يشتري لاعب مهم بسعر غالي .... بس عالورق يكتب أنو اشتراه بـ 5 مليون يورور ..... بعد كم شهر و مع شوية دعايات و تلميع لهاللاعب بيبعو بـ 50 مليون
بهالحالة بكون ربح بطريقة شرعية 45 مليون

Huzun 03/11/2009 08:54

اقتباس:

كاتب النص الأصلي : يمان Rooooonaldo (مشاركة 1355588)
هلا بني ادم مثلا .. مثلا بيشتغل بالهرويين وشيتي شيتك .. وشغل .. عـ مستوى كبير .. وفيها عملة كتير القصة .. متل شغل المافيات مثلا بإيطاليا لو بدنا ناخد مثال .. طيب .. وقت بدو يجي يخلص من كل هالمصاري بحيث انو ما يبين عليه انو فجأة مثلا .. زادت ثروتو .. بـ نسبة كبيرة جدا بيصير بيلجأ .. لشغلات ما معينة .. بيصرف فيها هالاموال .. وبالمقابل ما بيتحاسب عليها .. تعا شوف لو بدي فهمك اكتر خود مثال عن الرياضة .. " وحاليا .. من اكتر المجالات اللي صايرة خطيرة بهي الشغلة .. " .. لو بدك تروح لرئيس نادي .. مثلا ..

بيكون .. رئيس عصابة وعندو مصاري ما عرفان كيف بدو ينفدها .. لانو لح يتعرض للمسائلة لو طلعت فجأة .. فـ بيروح مثلا .. بيحط على هالنادي .. وعلى دفع مصاري مثلا بيشتري لعيبة وهيك .. وبيحط مبلغ كبير معين .. وبالمقابل اخد نفوذ اكبر وشعبية اكبر .. مع انو المصاري غير مشروعة ابدا ... بس نفدها بطريقة معينة .. وبتغطي انو المصاري منو ولا من النادي وهيك .. فـ انو الشغلة كلا عبارة عن تغطية لاموال غير مشروعة .. بطريقة نوعا ما مشروعة .. وما فيها مسائلة قانونية ..



إيه إيه هاد أقرب



يعني بالمختصر فيك تقول إنك تاخد هالأموال بطريقة غير شرعية (وسخة)
وبعدين تحاول تدرجها وتنقلها لـ مشاريع وأعمال ممكن تكون اقتصادية ,,
وبالنسبة للكل هيي قانونية وشرعية (نظيفة)

وهيك إنت حولت أموال وسخة إلى أموال نظيفة ناصعة البياض :lol:





ياعيب الشوم عليك :p

saman 04/11/2009 01:56

ميرسي كتير ... يمان وابو سمرا وحزن :D
رغم مخي السميك .. بس استوعبت الفكرة :lol:
انو هيك خلينا نتثقف شوي اقتصادياً :gem:

:D

حلبي 04/11/2009 03:34

كمان بيدخل بنفس المجال و للأسف الشديد الأعمال الخيرية و منها يروج صاحبها لنفسه بأنه رجل كريم و محب للخير و يتم نقل الأموال بحجة عمل الخير و لكنها تذهب الى حسابهم الشخصي

و لو بحثت في هذا المجال لوجدت أن أغلب تجار المخدرات في أميركا الجنوبية لهم أعمال خيرية و مؤسسات خيرية تقوم بأعالة الناس و تنفذ مشريع خيرية ضخمة لا تستطيع أن تقوم بها الدولة و كل هذه الأموال من المخدرات

كما أن هناك أستغلال لأسماء المنظمات الخيرية لتحويل الأموال و نقل البضائع بدون ضرائب و بدون جمرك

و الأمثلة كثير و لا تعد و لا تحصى

و أعتقد أن مثل هذه الجرائم تدخل ضمن لأحة الجريمة المنظمة

لأن أكثر منفذيها هم من الأغنياء العمالقة في العالم


الساعة بإيدك هلق يا سيدي 16:19 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02742 seconds with 10 queries