|
PARANORMAL ACTIVITY
PARANORMAL ACTIVITY  طبعا حطيت الفلم بمشاركة سابقة بس الظاهر انو طار مع عملية الصيانة فلم رعب يعتبر من انجح الافلام و بميزانية متواضعة ما بتتجاوز ال 15000 دولار حقق ارباح خيالية جاوزت ال 100 مليون دولار للي بحب يشوف لمحة عن الفلم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - لتحميل الفلم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
منجي للتعليق عالفلم
الفلم متل ما قلنا هوي فلم رعب بس طريقتو جديدة يعني ما في غير 3 ممثلين بكل الفلم و التصوير تصوير واقعي يعني مو كاميرات احترافية مصور عا مبدأ فلم Cloverfield اللي هو من انتاج ال 2008 احداث الفلم بتدور حول روح شريرة بتتعلق بهالزوجين و ما بيقدرو يتخلصو منها و هي بتكون متعلقة بالزوجة طبعا و بيصيرو يصورو غرفة نومن بالليل ليشوفو شو تحركات هالشي كا سير احداث الفلم ممل يعني اللي بحبو الحركة و الطوشة و الما بعرف شو بالفلم ما رح يعجبون لانو الفلم بيعتمد مبدأ التشويق و قطع الأنفاس من الرعب اللي بتعيشو مع بطلي الفلم و يعني في لقطات بتخلي القلب يهبط و و يئشعر البدن من وراها نهاية الفلم مو كتير حلوة كان لازمها نهاية احسن من هي بس يمكن هني لجأو لهالنهاية من شان يضلو محافظين عا لمسة الواقع. الفلم رح يأيقظ فينا مخاوف نحن ما منفكر فيها متل انو شو بيصير نحن و نايمين و هل عنجد في شياطين و ارواح شريرة و الاصوات اللي منسمعها احيانا بالليل ببيوتنا معقول تكون لشياطين؟ او شي روح شريرة؟ :devil: كنصيحة: اللي الو مراق بفلام الرعب و بحب شغلة الارواح الشريرة و الشياطين و الجان رح يعجبو الفلم و رح يعيش بقلب الاحداث و بجوز يقتنع انو الفلم حقيقي كمان اللي ما الو مراق بفلام التشويق و قلة الاحداث المتراكبة و انعدام الطوشة و اللوشة ما بنصحو يشوف الفلم لانو رح يعتبرو فلم ممل جدا اذا كنتو رح تشوفو الفلم كا مجموعة يستحسن ما تعلقو كتير و تضلو منسجمين مع احداث الفلم من شان ما تضوجو من التعليقات و بتمنالكن مشاهدة ممتعة :D |
بالزمانات ب موضوع اليو اس بوكس اوفس نزلت مقالة لقيتها ب موقع انترنت بتحكي عن هالفلم بتشوفوها - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الفلم باينتو حلو لأنو رفيقي حكالي انو صرلو 3 ايام ما نام متل العالم و الخلق:shock: و منشوفو و منحكيلكون شالوم;) :D |
| الساعة بإيدك هلق يا سيدي 21:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون