|
الأزمة المحيّرة!..
الأزمة الاقتصادية جميعنا سمعنا بها في الآونة الأخيرة التي امتدت الى جميع أنحاء العالم..
حيث بدأت نتائجها تظهر في بدايات عام ألفين وتسعة اذا ابتدأت الأزمة من فترة ليست بطويلة فقد حدث تضخّم للكتلة المالية الموجودة في البنوك الأمريكية وكحال جميع البنوك فإنها تقوم باستثمار هذه الأموال بشكل كبير عن طريق القروض حيث قامت البنوك بتقديم تسهيلات كبيرة بالنسبة للقروض(من فوائد ومدّة زمنيّة) وعلى إثرها استقدمت هذه التسهيلات عدد كبير جدا من الأفراد الّذين قامو بسحب قروض من هذه البنوك وقامو باستثمارها في البنوك نفسها التي تمّ أخذها منه لأنهم رأو في هذا الشكل من الإستثمار ربحا كبيراً وبالتّالي ارتفعت أسعار هذه الأسهم بشكل تدريجي وسريع وكبير وكأي شيء لا بدّا أن ينفجر بعد ضغطٍ كبير جداً مما أدّى إلى هبوطها بشكل كارثي(بسبب الطلب الكبير جداّ) وبالتّالي حدثت الإفلاسات البنكية وامتدّت الأزمة الى جميع الدول التي لها علاقات مع الولايات المتحدة الأمريكية...................وهنا السوأل: ماذا حدث للأموال الكبيرة جدّاً بعد هذا الإنهيار؟إلى أين ذهبت؟إلى من ذهبت؟ :D |
بتصدّق ..انا هالشي خطر على بالي ...انو وين بتروح هالمصاري ...
ولما بتسمع انو مثلاً صندوق النقد الدولي منح قرض بكذا مليار لدولة ما ..كيف بيعطيها ؟ بعد الاستفسار من بعض المختصّين ..وعلى قد قهمي للموضوع ...انو لما بنسمع الحكومة ضخّت أموال أو منحت مساعدات أو قروض مابتكون على شكل أموال جاهزة كاش يعني .... انما على شكل سندات و أصول و مشاريع و بضائع و مواد خام الخ وايضاً بالنسبة لازمة القروض ....اللي فهمتو انو بأوربا و أمريكا كل شي بينباع و بينشرى بيكون عالكرديت ..... ياريت اللي بيشوف في خطأ بالتفسير أو عندو معلومات أكتر يتوسّع بهالموضوع .... |
اقتباس:
والمصاري ما كانت موجودة لحتّى تنفقد...مو أنا ما بعرف عن الموضوع أكتر من يلي قلتو...ما بعتقد فيني فيدك بالتفسير |
اقتباس:
حكت بوقتها انو الناس بأمريكا وبأوروبا بيصرفو من مدخرات وهمية.. بيكون عندون سيارة من أموال ما بيملكوها وبيت كمان من أموال ما بيملكوها.. وهادا الشي عم يخلي الناس تحمل اعباء مالية غير قادرة على الايفاء بها.. بمادة الاقتصاد السياسي بكلية الحقوق درست أنو الكريديت كانت حل مناسب لمشكلة التضخم النقدي.. بمعنى آخر .. الدولة لما بتحتاج سيولة مادية بتطبع مصاري وبتزتها بالسوق.. بس اذا كان النقود الموجودة بالسوق ما بتوازي الدهب الموجود بحساب الدولة بيصير شي اسمو تضخم وبتزل قيمة العملة لأنو دايما النقود الموودة بالسوق قيمتها بتعادل تماما قيمة الذهب الموجود بالبنك "بهداك الوقت وحاليا بطلت عادة وجود معادل ذهبي للمال بالبنوك المركزية للدول" هلأ الكرديت كان حل بدل ما تطبع الدولة مصاري وتتعرض لخطر التضخم النقدي عملت بطاقات اعتماد بتخلي النقود تتضاعف .. تشتغل لحساب البنك من جهة ويستفيد منها الشخص صاحب الاعتماد من جهة تانية.. وصار في اشكال كتيرة للاعتماد ضاعفت قيمة النقود مرات عديدة ودايما بشكل وهمي.. هلأ انا بحس انو عندي ثغرات كتيرة بفهمي للأزمة الاقتصادية.. ومافي عندي صورة واضحة للموضوع .. وليش دول اتأثرت ودول لأ... بتمنى نتساعد لنفهم القصة أكتر.. |
اقتباس:
صحيح قيمة العملة النقدية بترجع لكمية الذهب الموجودة بخزينة الدولة والكريدت صارت تتاخد كلى أنها كقيمة يعني أنو مثلاً أنا لو معي مليون دولار بالبنك وحامل كريدت كارد فأنا ضمنياً معي مليون دولار وبنفس الوقت ما معي ياهن..يعني صار العمل يتم بالقيمة مو بالكاش أما بالنسة لتأثر الدول بالأزمة الإقتصادية الأمريكية..كل الدول حتتأثر ولو أنو حتتفاوت التأثيرات بين دولة وأخرى بحسب التعامل بينها وبين أمريكا وحتى لو ما كان في تعامل حتتأثر لأنو الإقتصاد صار إقتصاد عالمي مو مخصوص بأي دولة لوحدها |
| الساعة بإيدك هلق يا سيدي 09:58 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون