|
تنديد باعتقال محام في سوريا
تنديد باعتقال محام في سوريا
 المنظمات الحقوقية السورية: الاعتقال يهدد الحق في الحرية اتهمت منظمات سورية لحقوق الإنسان السلطات السورية باعتقال المحامي والكاتب مصطفى إسماعيل. وقالت المنظمات إن الاعتقال جرى خلال استدعاء المحامي لأحد الفروع الأمنية في مدينة حلب شمال البلاد يوم السبت الماضي. والمنظمات الموقعة على البيان هي: المرصد السوري لحقوق الإنسان، والرابطة السورية للدفاع عن حقوق الإنسان، والمنظمة الوطنية لحقوق الإنسان في سوريا. وأبدت هذه المنظمات في بيان تلقته وكالة يونايتد برس إنترناشيونال اليوم الثلاثاء، قلقها الشديد إزاء هذا الإجراء الذي اعتبرته "مخالفة صريحة للمادة التاسعة من الإعلان العالمي لحقوق الإنسان". وقالت إن "الاعتقال التعسفي بصوره المختلفة أحد الظواهر الخطيرة التي تشكل التهديد الرئيسي للحق في الحرية والأمان الشخصي". كما طالبت السلطات السورية بالإفراج الفوري عن إسماعيل أو "تقديمه إلى محكمة علنية تتوافر فيها شروط المحاكمة العادلة إذا ما توفر مسوغ قانوني لذلك، وتمكينه من الحصول على المساندة القانونية والإنسانية اللازمة".  المصدر:يو بي آي |
اقتباس:
ما مسجل بتاريخن غير البعبعة والمناداة والمطالبة .. كله علفاضي خلي يعملولن شي أنفعلن أو يبلشوا ياخدوا خطوات ملموسة على أرض الواقع حاج لسع كلما منسمع خبر اعتقال منشوف بعده الليستا نفسا .. عم تكتب الجمل نفسها بس بتستبدل الاسم وصلى الله وبارك ! |
وبعدين ............ لايمتى رح تضل هالناس تروح هيك لمجرد كلمة حئ قالوها ؟؟ لايمتى؟؟؟
من كيفها الناس بتهاجر وبتترك البلد لانه رح يكون هيك مصيرها الله يفك اسره واسر كل سجين |
اقتباس:
مسا الخير .. الطرف يلي لازم ياخد خطوات على ارض الواقع هي الأحزاب السياسية مو منظمات حقوق الأنسان ..بيكفي انو للمرة الأولى بتاريخ سوريا عم يصير في كشف للأنتهاكات يلي عم يتعرضلها السوري ..و اكتر من هيك المنظمات هي عم تأدي دور كبير بجمع الجهود للضغط لأيقاف الأنتهاكات ... طيب شو الدور يلي لازم يلعبوه اكتر من هيك ....انشاء جناح عسكري للمرصد السوري ....او وحدات تدخل سريع للجنة السورية ........... |
كمان ....لازم نشكر المصطلح هاد " حقوق الأنسان " ..لأنو في كتيير من السوريين قررو انو يساهمو بالمنظمات هي ...لأنو ما كان عندون الرغبة للمشاركة السياسية الصريحة بأحزاب المعارضة ....كل واحد و الو سببو الخاص ......
|
اقتباس:
لك حتى بالحكي ما عم ينجحوا .. يعني قارن بين هلمنظمات التلاتة وبين مرصد نساء سوريا من ناحية الحملات والفعاليات الأخير عامل اكتر من حملة جمع تواقيع ولأكتر من مناسبة فوت علموقع وشوف بعينك : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - حملة لا لجرائم الشرف حملة : قل لا للعنف ضد المرأة حملة جنسيتي لي ولأطفالي عدا مواكبته للأحداث السورية متل قانون الأحوال الشخصية الأخير وكتاباته الجرئية بهلخصوص ففين الفعاليات اللي عم تطلع من جماعة حقوق الانسان والمراصد والمنظمات ؟ هات نورني عطيني كام وحدة لئلن للشباب .. ها .. عم تعملوا شي هي اذا اعتبرنا انه وظيفتن بتقتصر على الحملات والتوعية .. لا عم يعملوا حملات ولا عم يعملوا توعية بشي واذا كانت مقتنع بأنها عم تأدي دور ضغط كبير فينك تعطيني كمثال ثمرة وحدة من الضغط اللي عم يعملوه ؟ ما بعرف اذا التحركات السلمية الوطنية والانسانية متل التوعية وعملية لم التواقيع بتحتاج لجناح عسكري أو اذا كانت التحرك على أرض الواقع بيحتاج لوحدات تدخل سريعة ! اقتباس:
اللي بدي قوله أنك راضي عن هلمنظمات لأنها عم تلعب 1% من الدور اللي يفترض تعمله .. واللي عم تعمله مقتصر فقط على الجانب السياسي مع الملاحظة أنها ما عم يطلع معها نتيجة .. وجوانب الرعاية الصحية والتعليمية وتأمين الحد الأدنى للحياة الانسانية كلها مجالات نايمة فيها مع سابق واصرار وتصميم لأنها اشياء بحاجة لحركة وتغيير وهنن جماعة منقين الاسهلن .. الحكي والبعبعة |
| الساعة بإيدك هلق يا سيدي 15:59 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون