|
عم دور على واسطة يا شباب
السلام عليكم ورحمة الله وبركاته
لدي صديق في سوريا يخدم عسكرية ولكنه هرب من خدمته وابحث عن واسطة في سوريا تستطيع ارجاعه الى الجيش دون عقوبات من لديه اي خبرة بهذا المجال ارجوا مراسلتي واعلامي كم ستكون التكلفة ولكم جزيل الشكر هذا رقمي 00966554772702 او ايميل - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
بدك واسطة .... و هووووووووون :shock::shock: :? اي حلو ليش لا اي حدا يهرب من العسكرية بيتلاقي لو واسطات و بيرجع:shock:
|
اي حجة هون عم دور ,, لكن يا حسرتي وين بدي دور وانا عايش برى الشام,, وبعدين لا تنسي انو اسم الموقع اخوية سورية يعني الواحد اذا ما دور بين اخواته وين بدو يدور
لك عتال بالشام ما بعرف طول عمري متغرب عموما يا ريت اذا في حدا من الئبضايات يفيدني تحياتي |
اقتباس:
|
هلأ بحذفو .....
ولا بدمجو مع شي موضوع تحشيش ..؟ |
اقتباس:
و ما بظن انو ابضايات الاخوية بدون يفيدوك بشي:? الناس هون بتعتقل و بتتعذب منشان سوريا و منشان الحرية و كل يوم بتموت شوي و انت عم دور عواسطة ترد فيها صاحبك يلي هرب من العسكرية من غير عقوبات :shock: عجايب... تحياتي |
اقتباس:
ما بعرف اذا كنتي فعلا سورية او عايشة بسورية ولا لاء لكن لو فعلا في عنا حرية ولو ما كان عنا محسوبيات وواسطات ورشاوي ( علنية ) لو ما كانت سورية مستعمرة من بعض المرتزقة يلي هنن منها وفيها كنا يمكن حكينا عن الحرية للاسف الشديد اني عايش ببلد بيقولو عنها انو اهلها ( بدو ) وفعلا هنن ( بدو ) بس للاسف الشديد نحنا لسة ما (بدينا ) تعالي شوفي البدو شلون عايشين ,, بعدين تعالي قولي حرية بعدين اي جيش يلي بدك نخدوم ؟ بالله عليكي مو 70% من الجيش السوري مفيش وما بيعرف يحمل سلاح ؟ و30 % بالمية يلي صفيانين يروحوا يتدربوا على شوية سكاكين وشباري احسن من اسلحتنا الي هراها الصدى للاسف سورية عم تنتج ( فطاحل ) بس هالفطاحل اخرها يا على مقلاية فلافل يا بـ نوفتيه وتحياتي لل ( حرية ) |
اي مضبوط انا مو سورية و لا عايشة بسوريا و ماب عرف الكثير عن سوريا بس يلي بعرفو انو هالشي مو بسوريا و بس بالبلاد العربية كلها و انا مغربية و ما بظن انو في بلد منتشر فيها هيك فساد أكثر من المغرب بس اذا كل واحد فينا قال هيك شي و قال الكل عم بيمشي حالو بالرشاوي و بالوسطات ليش لا أنا ؟؟ فعمرنا ما رح نتخلص من هالبلا و اذا كل واحد فينا قام بمباردة انو يرفض هيك شي حتى لو لوحدو على الأقل بيكون بيساهم بشي مشان بلدو حتى لو مو عايش فيا.... و بتقول انو 70 بالمية من الجيش السوري ما بيعرف يحمل سلاح لانو كلن كانو مثل صديقك هاد و اذا انت بتدور لو عواسطة مشان يرجع من غير عقوبة فانت بتشجع على قضية انو يزداد عدد جنود الجيش السوري يلي ما بيعرفو يحملو سلاح
|
اقتباس:
:shock::shock::shock: |
شو في:dunno:
|
في ابن خال عمي ابن جد رفيئي مساعد أول بي شرطة حرس حدود بيمشي حالو شي؟؟!!:shock:
|
اقتباس:
|
اقتباس:
مدري ليش حااسس انو الشباب كلها عايشة بالمدينة الفاضلة ,, |
اقتباس:
لاء مالنا عايشين بالمدينة الفاضلة, بس عم قول هيك بيني وبين حالي ايمتى بدنا نخلص من سما الرشاوي وايمتى بدنا نصير نمشي عالنظام بعرف إنها مو سهلة بس كمان مو صعبة وبعدين هاد زلمة هربان من الجيش شو بدو يزبط فيها |
| الساعة بإيدك هلق يا سيدي 22:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون