أخوية

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   سنة جديدة مليئة بالحب والحب والحب والحب (http://www.akhawia.net/showthread.php?t=132304)

whiterose 17/12/2009 11:57

سنة جديدة مليئة بالحب والحب والحب والحب
 
السلام عليكم
بيسعدني نزل موضوع بأخوية بعد هالفترة الانقطاعية
جرت العادة أنا واصدقائي
يلي كل واحد راح بديرة
واتفرطعنا فرطعة
متل عقد لولو انقطع وكل حبة اخدت مسار خاص فيها

انو بسهرة راس السنة نكتب على ورقة صغيرة شو هي
امنياتنا للسنة الجديدة ونحطها بعلبة او اي شيء ونسكرها ونخبيها
وبالسهرة الجديدةللسنة يلي بعدها نفتحها ونقرأ
ونشوف شو حققنا من يلي منحلم فيه
كانت احلامنا متل اي احلام الشباب
اتخرج من الجامعة
اتزوج البنت يلي بحبها
تتزوج الشب يلي بتحبه
سافر اشتغل برا
لاقي شغل
وهيك امنيات ممكن نلاقيها عادية بينما هي بقلوبهم اغلى امنيات
كانت امنياتي كلها متعلقة بقلبي لأني كنت شوف الدني كلها قلب وبس
وماكنت محصورة بالحب وبس , محصورة بحبي لاهلي ورفقاتي وكل مين بحبو وبيحبني

كل واحد يكتب شو امنياته للسنة الجديدة لو كانوا اكتر من امنية
ومننكش الموضوع إن الله راد بعد سنة من هالتاريخ ومنشوف أديش عطتنا السنة الجديدة ونحنا شو أخدنا منها

لو كنت لسه بينكم مننكشوا سوا ومنفرح ان شالله لبعض انو حققنا الكتير
ولو ماكنت لسه بينكم انكشوه انتم واذكروني وادعوا لي بالخير دائما
فأنا لطالما كنت أرمي بينكم هموم سلمتني اياها الأيام كـــ هدية
وأرمي بينكم دموعاً طرحتها ارضا عندما ضحكت معكم يوما
أو حتى تشاجرت معكم يوما
تحية لكل الاعضاء والمشرفين الحديثين والقدماء :D

jovia 17/12/2009 13:22

نشالله هابي نيو يير عليكي وايت روز بس بصراحة ما فهمت شو المطلوب من كل للي قريتو:sosweet:

ازا كان عالاميات فاهم امية انو الله يحسن خاتمتي عالوجه يلي بيرضاه :D

بنفسجة 17/12/2009 14:48

طريقة كتابتك مؤثرة ياصديقة
انا مابعرف شو امنيتي للسنة الجديدة
بس يمكن على الصعيد العام السلام والاستقرار وتنخفض هالاسعار وما يضل بيت زعلان
على الصعيد الشخصي بتمنى الاستقرار ويمشي شغلي متل ماني مخططة
ويخليلي اهلي وكل احبابي واصحابي
واذا طلع براسي شي تاني برجع بكتب:D

firdaous 18/12/2009 00:25

شكرا وايت روز ...

بتمنى القدس تتحرر مع اني بعرف انو ما تنال المطالب بالتمني لكن تؤخذ الدنيا غلابا

و ما استعصى على قوم منال اذا الاقدام كان لهم ركابا

بس بنتمنى...:cry:


و بتمنى انو كل الشبيبة هون تضلها سعيدة و مبسوطة

و بتمنى السعادة و النجاح لاهلي بالخصوص امي و بيي

و بتمنى انو هو يضلو دايما سعيد و يتوفق

و بتمنى انو انا اتوفق و حقق اللي بدي اياه

و بتمنى تحققي اللي بدك اياه

:D

يمان Rooooonaldo 19/12/2009 12:40

كون رجعت .. للحياة من جديد .. :D

MadMax 19/12/2009 14:01

اقتباس:

كاتب النص الأصلي : whiterose (مشاركة 1366852)
مليئة بالحب والحب والحب والحب

روحي .... الله يهنيكي



و تضلي عشقانة على طول

Dndoshy 19/12/2009 15:23

بتمنّى تحققوا كل أمانيكم كلكم كلكم

:akh:

وردة حماة 23/12/2009 15:02

اول شي بتمنى الله يقومني بالسلامة وانا عمبولد
ويهديلي ولادي ويخفف صريخن
ويصيرو يسمعو الكلمة من اول مرة
ويزيد راتب جوزي الضعف لنشتري بيت بسوريا ونخلص من هالشنططة والتعتير بالغربة
هلكنا والله
الغربة مررررة


الساعة بإيدك هلق يا سيدي 02:00 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.02360 seconds with 10 queries