|
انتهاك الخصوصية بالرسائل الخاصة...الشقفة يلي بيقت من الثقة بالموقع طارت
انتهاك الخصوصية بالرسائل الخاصة...الشقفة يلي بيقت من الثقة بالموقع طارت اولاً انا اتفاجأت وقت استوردت الرسائل الخاصة الموجودة بالموقع بالحالة الجديدة و لقيت فيها كل الرسائل القديمة
يعني وقت انا كنت احذف الرسائل الخاصة عملياً هي ما كانت تنحذف من الموقع و هي كانت تضل بمكان ما في منتاول الادارة و هاد الشي نحنا مو منبهين عليه ابداً و إلا من وين عم تطلع الرسائل القديمة !!! يلي عمرها من عمر وجودي داخل المنتدى الموضوع التاني انو هي المشكلة ما انحلت حتى بعد الحلة الجديدة للمنتدى !!!! و اليوم اقدرت اتصفح المنتدى من غوغل ....بعد ما حطيت عنوان للبحث بنفس موضوع قديم لي بيجوز الصفحة موجودة بغوغل و مخزنة بس اني اقدر اتصفح الموقع من خلالها ....غريبة !!!! وقت فتت ع الرسائل الخاصة وجدت كل الرسائل القديمة !!!!!!!!!!!!!!!:aah: و يلي انا حذفتها وقت صار المنتدى بالحلة الجديدة بعد ما استوردتها انا بسمي هاد الشي انتهاك للخصوصية كان المفروض من ادارة الموقع تنبه الاعضاء لهل الموضوع !!!!!!!!!!!! كيف عم تضل الرسائل القديمة موجودة داخل الموقع و اديش هاد الكلام يعتبر انتهاك للخصوصية ....و خصوصاً انه انه مخزن بمكان ما لا نعرفه ؟؟؟؟ انا بناشد كل الاعضاء انو لا يستخدموا الرسائل الخاصة بعد اليوم لانوا ادارة الموقع عم تنتهك الخصوصية داخل المنتدى و لا حتى يستخدموا ارسال ايميل للعضو في موضوع تاني هو انو الموقع لازم مايعطي ايميلي لاي شخص .....بس بكل بساطة فيك تفوت ع صفحة العضو حالياً و تاخد ايميلوا و هاد الشي مرفوض شو بدكون اعمل ايميل وهمي خاص بالمنتدى !!!!!!!!!!!!!!!!!! و اذا كنت عم تستخدم ايميل مقدم من مؤسسة الاتصالات !!!!!!!! فأي شخص صار قادر على معرفة الهوية الحقيقية للشخص !!!!!!!!!!!! و هاد الشي بيأثر على الحرية الموجودة داخل المنتدى إلا اذا كانت الادارة متعاونة مع شي فرع امني !!!!!!!!!!!!!!!!!!!!!!!!!! و حابة تخلص من وجع الراس و تخلي كلشي ع المكشوف شو منشان الحرية ؟؟؟؟؟ شو منشان الخصوصية ؟؟؟؟؟؟؟؟ ليش يا ادارة موضوع خصوصية الاعضاء موضوع تافه بالنسبة الك !!!!!!!!!! هاد الرابط يلي اتصفحت منو اخوية بالحلة القديمة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و اي شخص يكبس ع الرسائل الخاصة ..........لا لا احذف كل الرسائل يلي عندك او استوردها لجهازك بعدين اكبس ع الرسائل الخاصة ....و شوف شلون موجودة !!!!!!! ع الرابط القديم للأسف الشقفة الصغيرة يلي بيقيت من الثقة .......طارت |
له له له
مو خبرية هي !!!! :notok: :notok: :notok: لسه مبارح كنت عم اتقاتل مع شريكتي بالسكن:aah: :aah: :aah: لانها تدخلت بخصوصياتي وان كانت عملتها بشكل غير مقصود ومع ذلك كنت رح زتها برة الغرفة عن جد صارت القصة هيك كبيرة كتييييييييييييير بالاخوية يعني اقل ماتحترم الخصوصية :frown: |
مبروك لحرية التعبير ومبروك لاختراق خصوصية الرسائل الخاصة.
تحياتي |
اول شغلة مرحبا كيفكون شو اخباركون
بالنسبة لشغلة الرسائل الخاصة اي منتدى اي نسخة شغلة الرسائل الخاصة مفتوحة قدام المشرف العام المشرف العام فقط يعني الاسم اللي اتسجل فيه بالمنتدى اول الشي هيي وعم تتركب النسخة ما بعرف انو اسم سجلو فيه بالمنتدى اول الشي بس متل ما الك ما بعرف مين بموضوع تاني انو المنتدى انتقل لموقع تاني والقديم هوي شي تاني وما الو علاقة فيها فاكيد بس تحذف الرسائل من هون ما رح تنحذف من هداك لان هيك هداك صار منتدى تاني ومشان شغلة الايميل فيك تلغي خاصية انو الاعضاء يبعتولك ايميل من المنتدى وما عاد بيظهر ايميلك وثاااااااانكيو كمان فوق هاد |
الى كل الاغبياء
اقتباس:
مرحبا سيد willi بما نك كتير فهمان ....و زيادة عن اللزوم حتى ....بحب خبرك انو ايميلك هو : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هاد الايميل لازم ما حدا يشوفوا هي وحدة ! الرسائل المحذوفة من آذار .... و انحذف بعدها الوف من الرسائل ....و انا وجدتها كلها تقريباً الرسائل بالحالة الطبيعية لا يتم حذفها من الموقع بل تبقى بمكان غير معروف بالنسبة لنا اما انو المشرف العام عندو اطلاع على الرسائل ....فهي اول سمعة !!!!!!!!!!!!!!!!!!! ليش اسمها رسائل خاصة !!!!!!!!!!!!!!!!!!!!!!!!!!!!!!!!!1 و ليش ما تم التنبيه قبل الان ( اذا كان كلامك صحيح ) هلا منشان الامور التقنية يلي عم تتفزلك و تزكرها ......فطبعاً عندي اطلاع عليها و حافظها بصم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!! انا عم احكي عن موضوع فوق تخيلك يا استاذ ووفر علينا فزلكتك |
الموضوع بأختصار :
الرسائل القديمة لا يتم حذفها من الموقع ....؟ ليش ؟ ووين عم تضل ؟ و ليش اذا بفوت ع ملف اي عضو بقدر اعرف ايميلوا من : " تحميل الصورة " جربها !!!!!! و كل واحد يحمل الرسائل يلي عندو طبعاً هاد الكلام للأعضاء القدامى !!! و لاحظوا كيف انو رسائل محذوفة من قرن موجودة !!!!!!!!!!!! |
مرحبا سيد willi
بما نك كتير فهمان ....و زيادة عن اللزوم حتى ....بحب خبرك انو ايميلك هو : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ________________________________________________ اي حبي انا سامح للاعضاء بالمنتدى يشوفو ايميلي _________________________________________ الرسائل المحذوفة من آذار .... و انحذف بعدها الوف من الرسائل ....و انا وجدتها كلها تقريباً الرسائل بالحالة الطبيعية لا يتم حذفها من الموقع بل تبقى بمكان غير معروف بالنسبة لنا ______________________________________________ الرسائل الخاصة متلها متل اي رد او موضوع بتكتبو بالمنتدى واذا بدك تحذف الرد او الموضوع بضل مبين للمشرف العام او حتى المشرفين واذا حذف المشرف العام الرسائل الخاصة رح يطلع مليون واحد ويقلو انو ما بصير هيك وليش حذفتهون وبأي حق حذفتهون (صارت بموقع كنت مسجل فيه) واذا بدك المشرف العام يحذف الرسائل القديمة فبهالحالة بدو يشوف شو الرسائل اللي انت عندك ياها مشان يحذفلك الرسائل اللي ما عندك ياها من الموقع وطبعا اذا بدو يعمل هيك لكل الاعضاء بتاخد معو ايام واسابيع او بدو يحذف كل الرسائل القديمة من الموقع بهالحالة الاعضاء اللي حافظين الرسائل القديمة بدهون يعترضو __________________________________________________ ______ هلا منشان الامور التقنية يلي عم تتفزلك و تزكرها ......فطبعاً عندي اطلاع عليها و حافظها بصم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!! انا عم احكي عن موضوع فوق تخيلك يا استاذ ووفر علينا فزلكتك__________________________________________________ ______ طيب عيوني لو بتفهم بالامور التقنية وحافظها بصم ما بتسأل هالاسئلة طيب ما رح اتفزلك عليك خليك هيك احسن |
عاديه
شو هالشغله الكبيرة .......... انت لا تحكي بالسياسه ولا تسب عالرئيس .. وكلو بعدها يهون
|
و ليش اذا بفوت ع ملف اي عضو
بقدر اعرف ايميلوا من : " تحميل الصورة " جربها !!!!!! ________________________ لا اذا هيك بيختلف الحكي بس هاي كمان خاصية من عندك ادخل على لوحة التحكم تبعك وروح على تفضيلات& اعدادات وفي اول خيار السماح بتحميل الفي كارد شيتك شيل عنو اشارت الصح وبيمشي الحال وارجع جرب وشوف لا تتسرع:kiss: شلوني معك بالفزلكة؟؟ |
يعني انا ما شايف انها مشكلة وعلى كلن الها حل..........:D
|
| الساعة بإيدك هلق يا سيدي 21:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون