أخوية

أخوية (http://www.akhawia.net/forum.php)
-   علوم و تكنولوجيا (http://www.akhawia.net/forumdisplay.php?f=24)
-   -   ما هو تعريف النقطة؟؟ و كم نقطة تانية لحرقصة المخ (http://www.akhawia.net/showthread.php?t=3692)

Joe 08/03/2005 01:37

ما هو تعريف النقطة؟؟ و كم نقطة تانية لحرقصة المخ
 
مرحبا شباب

من يومين خطرلي انو المثلث في الحقيقة له ست أضلاع
الثلاث أضلاع المعروفة... و مكان التقاء كل ضلع بالضلع الثاني... يلي منسميه نقطة... لو قربنا عليه كتير كتير بالمايكروسكوب... رح يصير كبير. و غالبا رح يبين متل هل صورة

و بالتالي لو لسا قربنا اكتر و اكتر... ما رح نلاقي نقطة التقاء وحدة... رح يكون في منطقة ... غالبا نقدر نقيس طولها بشي مقياس... حسب دقة الخط المرسومة فيه... يمكن بالنانو متر يمكن بالبيكومتر. بس بيضل طول و ليس نقطة

طيب شو لكن النقطة؟
هل خلية الانسان نقطة؟ كلا لأنها تحتوي اجسام أصغر مثل البروتينات. يعني البروتين هو نقطة بالنسبة للخلية؟ كمان لاء لان البروتين مؤلف من حموض أمينية
يعني مثلا الحمض الأميني صغير لدرجة نعتبره نقطة؟؟
كمان لاء لانو الحمض الاميني مؤلف من ذرات كربون و اوكسيجين و هيدروجين و غيرو
حلو كتير... يعني رح نعتبر ذرجة الهيدروجين هي النقطة يلي عم نحكي عليها؟؟
للأسف لاء... الذرو مؤلف من نواة موجبة بتحتوي على بروتونات و نيوترونات... و على الكترونات
معناها الالكترون و البروتون هني النقطة
بس كتلة الالكترون تساوي واحد على ألفين من كتلة البروتون و هادا يساوي تسع ضرب عشرة أس ناقص 31 كيلو غرام
يعني الالكترون رح يكون اصغر بكتير من البروتون و بالتالي هوي النقطة

بس المشكلة انو هاي النقطة... غير معروف شكلها او حجمها. كل يلي معروف انو قطرها اصغر من واحد ضرب عشر أس ناقص 18 متر... بس اديش بالضبط غير معروف... و لا حتى معروف كيف شكل الالكترون. و مع هيك منعرف كيف بيتحرك و بيلف و بيدور

و طبعا ما معروف على الضبط شو يعني شحنة سالبة؟؟ يعني بيقولوا عنها انها جسم... يعني matter
بس كيف بيكون الشي سالب و موجب؟؟
يعني مثلا هل يوجد فراغ محل ما الالكترون موجود و بالتالي بيعطي انطباع عن وجوده؟ و العكس مع البروتون انه في زيادة بشيء معين بحيث بيكون عكس الالكترون بالضبط؟
بس بهل حالة يعني ما عاد الالكترون شيء ملموس... بس هوي طبعا ملموس و له خواص فيزيائية

يا شباب بدي اعرف من شو مصنوع الالكترون رح جن
:o

يعني يمكن يكون مصنوع من شي مادة اصغر... بس من شو مصنوعة هاي المادة الأصغر؟

و شو يعني مادة؟

(نحنا ما عرفانين شو يعني المادة و شو يعني نحنا و الناس مقتنعة بوجود الروح :roll: :angel: )

طيب شباب... خطرلكن شي مرة تلاحظوا انو نحنا... كلنا ع بعضنا... مصنوعين من شحنات موجبة و سالبة مرتبة فوق بعض بطريقة ما؟ يعني ملزقين ببعض على شكل أجزاء و هل أجزاء بتعمل أجزاء أكبر و بعدين بتعمل الإنسان.. و بتعمل الخزانة و المحاية و التمساح و الكركدون و الماوس تبع الكمبيوتر
يعني انت و الكمبيوتر مصنوعين من نفس المادة بالضبط... ما في شي بيميزك عن الكمبيوتر و عن المحرمة بالارض ابدا اذا جيت على الحقيقة... المحرمة مصنوعة من مواد كيمياوية عضوية كلها كربونات و هيدروجينات.. و انت نفس الشي

بس ما دام انا مصنوع من الكترونات و بروتونات عم تدور حوالي بعضها... ليش ما بقدر جيب جسم تاني... متل قلم مصنوع كمان من الكترونات و برتونات و مرقو من خلال جسمي؟؟ و يطلع من الجهة التانية بكل بساطة... ؟

قول هلق نحنا بعدنا عن النقطة الأساسية يلي هيي النقطة

النقطة يلي بدي قولا... انو النقطة هي فقط موجودة بالتعريف... يعني انا كشخص بعرّف النقطة على إنها التقاء خطين مستقيمين... اكيد لو جبت مكبر و نظرت على نقطة الالتقاء المزعومة... رح تكون شكل غريب و غير منتظم... بس حسب تعريفي هاي نقطة و انتهى الموضوع

مثلا هاي العبارة صحيحة لو شو ما كانت الظروف:
"ابو سعدو حالق شعرو على الصفر أو ابو سعدو مانو حالق شعرو على الصفر"

يعني اجباري يكون أبو سعدو يا حالق على الصفر يا مانو حالق على الصفر... ما في حل تالت... لانو اذا كان الحلاق مخففلو بس على الواحد... هيك ما بيكون حالق على الصفر

بينما هاي العبارة خاطئة دائما
"ابو سعدو حالق شعرو على الصفر و ابو سعدو مانو حالق شعرو على الصفر"

حدا لاحظ الفرق؟

:pos:

Joe 08/03/2005 01:40

1 ملف مرفق .
نسيت الصورة

mhmary 08/03/2005 05:34

جو أنت الظاهر كنت عم تدرس كتير اليوم وتعبان شوي عكلن عادي الحياة صعبة

بس أذا بدك وعم تحكي جد ما عم تتخوت أنا بتوقع انو فيني جاوب على هاي الأسئلة

aliana 08/03/2005 05:47

دخيل الله عالزكا :D :sosweet:


مخ غير شكل يا مان
:D

Joe 08/03/2005 05:56

اقتباس:

كاتب النص الأصلي : mhmary
جو أنت الظاهر كنت عم تدرس كتير اليوم وتعبان شوي عكلن عادي الحياة صعبة

بس أذا بدك وعم تحكي جد ما عم تتخوت أنا بتوقع انو فيني جاوب على هاي الأسئلة

اهلااا معماري
لا و الله عم احكي جد مان
هات لشوف سمعنا

Joe 08/03/2005 05:57

اقتباس:

كاتب النص الأصلي : aliana
دخيل الله عالزكا :D :sosweet:


مخ غير شكل يا مان
:D

أهليين اليانا
عاش مين شافك :wink:

aliana 08/03/2005 06:03

اقتباس:

كاتب النص الأصلي : Joe
اقتباس:

كاتب النص الأصلي : aliana
دخيل الله عالزكا :D :sosweet:


مخ غير شكل يا مان
:D

أهليين اليانا
عاش مين شافك :wink:

:D :D :D :D



:D :D :D :D

mhmary 08/03/2005 06:52

Re: ما هو تعريف النقطة؟؟ و كم نقطة تانية لحرقصة المخ
 
اقتباس:

كاتب النص الأصلي : Joe
مرحبا شباب

من يومين خطرلي انو المثلث في الحقيقة له ست أضلاع
الثلاث أضلاع المعروفة... و مكان التقاء كل ضلع بالضلع الثاني... يلي منسميه نقطة... لو قربنا عليه كتير كتير بالمايكروسكوب... رح يصير كبير. و غالبا رح يبين متل هل صورة

و بالتالي لو لسا قربنا اكتر و اكتر... ما رح نلاقي نقطة التقاء وحدة... رح يكون في منطقة ... غالبا نقدر نقيس طولها بشي مقياس... حسب دقة الخط المرسومة فيه... يمكن بالنانو متر يمكن بالبيكومتر. بس بيضل طول و ليس نقطة

طيب شو لكن النقطة؟
هل خلية الانسان نقطة؟ كلا لأنها تحتوي اجسام أصغر مثل البروتينات. يعني البروتين هو نقطة بالنسبة للخلية؟ كمان لاء لان البروتين مؤلف من حموض أمينية
يعني مثلا الحمض الأميني صغير لدرجة نعتبره نقطة؟؟
كمان لاء لانو الحمض الاميني مؤلف من ذرات كربون و اوكسيجين و هيدروجين و غيرو
حلو كتير... يعني رح نعتبر ذرجة الهيدروجين هي النقطة يلي عم نحكي عليها؟؟
للأسف لاء... الذرو مؤلف من نواة موجبة بتحتوي على بروتونات و نيوترونات... و على الكترونات
معناها الالكترون و البروتون هني النقطة
بس كتلة الالكترون تساوي واحد على ألفين من كتلة البروتون و هادا يساوي تسع ضرب عشرة أس ناقص 31 كيلو غرام
يعني الالكترون رح يكون اصغر بكتير من البروتون و بالتالي هوي النقطة

بس المشكلة انو هاي النقطة... غير معروف شكلها او حجمها. كل يلي معروف انو قطرها اصغر من واحد ضرب عشر أس ناقص 18 متر... بس اديش بالضبط غير معروف... و لا حتى معروف كيف شكل الالكترون. و مع هيك منعرف كيف بيتحرك و بيلف و بيدور

و طبعا ما معروف على الضبط شو يعني شحنة سالبة؟؟ يعني بيقولوا عنها انها جسم... يعني matter
بس كيف بيكون الشي سالب و موجب؟؟
يعني مثلا هل يوجد فراغ محل ما الالكترون موجود و بالتالي بيعطي انطباع عن وجوده؟ و العكس مع البروتون انه في زيادة بشيء معين بحيث بيكون عكس الالكترون بالضبط؟
بس بهل حالة يعني ما عاد الالكترون شيء ملموس... بس هوي طبعا ملموس و له خواص فيزيائية

يا شباب بدي اعرف من شو مصنوع الالكترون رح جن
:o

يعني يمكن يكون مصنوع من شي مادة اصغر... بس من شو مصنوعة هاي المادة الأصغر؟

و شو يعني مادة؟

(نحنا ما عرفانين شو يعني المادة و شو يعني نحنا و الناس مقتنعة بوجود الروح :roll: :angel: )

طيب شباب... خطرلكن شي مرة تلاحظوا انو نحنا... كلنا ع بعضنا... مصنوعين من شحنات موجبة و سالبة مرتبة فوق بعض بطريقة ما؟ يعني ملزقين ببعض على شكل أجزاء و هل أجزاء بتعمل أجزاء أكبر و بعدين بتعمل الإنسان.. و بتعمل الخزانة و المحاية و التمساح و الكركدون و الماوس تبع الكمبيوتر
يعني انت و الكمبيوتر مصنوعين من نفس المادة بالضبط... ما في شي بيميزك عن الكمبيوتر و عن المحرمة بالارض ابدا اذا جيت على الحقيقة... المحرمة مصنوعة من مواد كيمياوية عضوية كلها كربونات و هيدروجينات.. و انت نفس الشي

بس ما دام انا مصنوع من الكترونات و بروتونات عم تدور حوالي بعضها... ليش ما بقدر جيب جسم تاني... متل قلم مصنوع كمان من الكترونات و برتونات و مرقو من خلال جسمي؟؟ و يطلع من الجهة التانية بكل بساطة... ؟

قول هلق نحنا بعدنا عن النقطة الأساسية يلي هيي النقطة

النقطة يلي بدي قولا... انو النقطة هي فقط موجودة بالتعريف... يعني انا كشخص بعرّف النقطة على إنها التقاء خطين مستقيمين... اكيد لو جبت مكبر و نظرت على نقطة الالتقاء المزعومة... رح تكون شكل غريب و غير منتظم... بس حسب تعريفي هاي نقطة و انتهى الموضوع

مثلا هاي العبارة صحيحة لو شو ما كانت الظروف:
"ابو سعدو حالق شعرو على الصفر أو ابو سعدو مانو حالق شعرو على الصفر"

يعني اجباري يكون أبو سعدو يا حالق على الصفر يا مانو حالق على الصفر... ما في حل تالت... لانو اذا كان الحلاق مخففلو بس على الواحد... هيك ما بيكون حالق على الصفر

بينما هاي العبارة خاطئة دائما
"ابو سعدو حالق شعرو على الصفر و ابو سعدو مانو حالق شعرو على الصفر"

حدا لاحظ الفرق؟

:pos:

1-(حسب معلوماتي النقطة هي شيء وهمي تقدر حسب الجسم يعني نقطة تلاقي مثلث الأهرام هي أكبر من نقطة تلاقي الخيمة الهندية يعني ما في شي أسمو نقطة لها حجم واحد بكل الأجسام .)
2-هل الذرة نقطة؟؟ حسب تعريفك للنقطة أذا كان التعريف أنو أصغر شيء فالذرة مانا نقطة لأنو ما في شي بالأصل اسمو أصغر شيء في شي اسمو أصغر شيء توصلو العلم بس ماممكن يكون في شيء اسمو اصغر شيء لأنو أية شيء قابل للتقسيم مهما كان صغيرا فأذا منرجع على التعريف الأول النقطة هي شيء وهمي للدلالة
3-شو يعني شحنة سالبة وكيف بيكون الجسم سالب وموجب الصراحة نسيانون بس مانون كتير صعبين موجودين بكتاب الكيمياء صف التامن
4-هل يوجد فراغ محل الألكترون؟؟ بالأصل ما في شيء أسمو فراغ شو هو الفرغ؟؟؟ الهواء ليس فراغاً هو مادة matter
5-من شو مصنوع الألكترون بتوقع أنو من المادة ألي مأخوذ منا (صح ولا لأ ماني متأكد من هاي)
6-المادة هي أي شيء مافي شيء ما اسمو مادة ما عدا الأفكار التخيلات الأحلام العواطف الأرواح.........ألخ
7-ليش مافيني جيب قلم وفوتو بأيدي وطالعو من الجهة التاني بسيطة كتير كتير لأنو كل جسم مصنوع من ذرات مختلفة وفي روابط بين هاي الذرات وهاي الروابط تنشىء عن طريق تفاعلات كيميائة هلق في أنواع لهاي الروابط(نسيانون) بس المهم أنو الروابط بين ذرات جسم الأنسان وبين ذرات القلم قوية من شان هيك من الصعب فصل الذرات ما متل الماء أو الي الروابط بسيطة وما قوية من شان هيك فينك تفوت القلم بسهولة
8- أبو سعدوا جارنا وحبيبنا :wink: :wink:

Joe 08/03/2005 07:11

Re: ما هو تعريف النقطة؟؟ و كم نقطة تانية لحرقصة المخ
 
اقتباس:

كاتب النص الأصلي : mhmary


1-(حسب معلوماتي النقطة هي شيء وهمي تقدر حسب الجسم يعني نقطة تلاقي مثلث الأهرام هي أكبر من نقطة تلاقي الخيمة الهندية يعني ما في شي أسمو نقطة لها حجم واحد بكل الأجسام .)
2-هل الذرة نقطة؟؟ حسب تعريفك للنقطة أذا كان التعريف أنو أصغر شيء فالذرة مانا نقطة لأنو ما في شي بالأصل اسمو أصغر شيء في شي اسمو أصغر شيء توصلو العلم بس ماممكن يكون في شيء اسمو اصغر شيء لأنو أية شيء قابل للتقسيم مهما كان صغيرا فأذا منرجع على التعريف الأول النقطة هي شيء وهمي للدلالة
3-شو يعني شحنة سالبة وكيف بيكون الجسم سالب وموجب الصراحة نسيانون بس مانون كتير صعبين موجودين بكتاب الكيمياء صف التامن
4-هل يوجد فراغ محل الألكترون؟؟ بالأصل ما في شيء أسمو فراغ شو هو الفرغ؟؟؟ الهواء ليس فراغاً هو مادة matter
5-من شو مصنوع الألكترون بتوقع أنو من المادة ألي مأخوذ منا (صح ولا لأ ماني متأكد من هاي)
6-المادة هي أي شيء مافي شيء ما اسمو مادة ما عدا الأفكار التخيلات الأحلام العواطف الأرواح.........ألخ
7-ليش مافيني جيب قلم وفوتو بأيدي وطالعو من الجهة التاني بسيطة كتير كتير لأنو كل جسم مصنوع من ذرات مختلفة وفي روابط بين هاي الذرات وهاي الروابط تنشىء عن طريق تفاعلات كيميائة هلق في أنواع لهاي الروابط(نسيانون) بس المهم أنو الروابط بين ذرات جسم الأنسان وبين ذرات القلم قوية من شان هيك من الصعب فصل الذرات ما متل الماء أو الي الروابط بسيطة وما قوية من شان هيك فينك تفوت القلم بسهولة
8- أبو سعدوا جارنا وحبيبنا :wink: :wink:

ع راسي مان شكرا كتير
1- انا ذكرت بالنهاية انو النقطة هي حسب تعريفك إلها. قلت إنو النقطة موجودة بس بالتعريف
2- و انا طبعا ما قلت الذرة نقطة... يعني بالعكس متل ما شفت انو قلت انو الالكترون هوي اصغر جسم نقطي (تقريبا) ... تعرف عليه العلم متل ما قلت
3- لاء مان مانون موجودين... ما بعتقد في تعريف لشو يعني الجسم السالب و الموجب. نحنا منسميهون الكترونات... بس التسماية ما يعني شرح منشأ او علة
4- الهواء غير الفراغ. الهواء طبعا مادة بس الفراغ مانو مادة... الفراغ = vac-cum (ما خلوني اكتبا فرد كلمة!!) و هوي الموجود بالفضاء
و انا ما قصدك نفس نوع الفراغ المتعارف عليه. صايرة الأسئلة هون فلسفية للواحد يفكر فيها اكتر ما انها عم تطلب جواب صريح لانو معضظمها اصلا ما إلها جواب
5- اكيد ما حدا بيعرف من شو مصنوع الالكترون. الالكترون هوي يلي بيصنع المادة مو العكس. حسب عدد البروتونات و الالكترونات بتتغير صفات المادة من دهب لنحاس لكربون لغيرو
6- اي صح هي كل شيء إلو خواص فيزيائية ما. بس مع هيك ما عرفت شو هي بالضبط؟ يعني انك توصف الشي على انه كذا و كذا غير ما تكون عرفته. اذا قلت انو الحب هوي شعور جميل و انو الحب يعني الخير... انت ما فسرت شو الحب و من وين بيجي و كيف و ليش
7- اي بعرف مان ولو... السؤال للتفكير و التأمل اكتر منه للجواب. طبيعي في أنسجة مترابطة بروابط متنوعة كتير متل ال covalent و ال ionic و غيرا. بس لما تتخيل انو جسم الانسان مكون بالنهاية من شحنات موجبة و سالبة و كلشي حواليك مكون بس من هل شي... بتستغرب شوي ما في مجال... يعني حاول تفصل حدود جسمك عن البيئة حولك... بتقول ليش طيب ما انا هلق بفرط و بندمج بكلشي حواليي... طبعا منعرف شو هوي الجواب ... بس بيضل خيال علمي غريب
8- دخلك مو هاد يلي كان بيلبس الشحاطة بالمقلوب؟ :wink:

mhmary 08/03/2005 07:18

هاها أممممممممممممممممممممم هلق فهمت كيف تكونت البشرية :lol: :lol: :lol:
يا زلمي كتير حلوين الأسئلة وشكرا كتير بكرا قبل ما نبلش درس الفيزياء برقون لأستاذ الفيزيا بنسي الساعة ألي فات فيا على الجامعة ومنروح الدرس بطريقنا :lol: :lol: :lol:
وأبو سعدو بيلبس الشحاطة بالمقلوب وبيتحمم عل العيد :lol: :lol:

آخيل 08/03/2005 08:46

ياسيدي الموضوع معبر كتير .... بس بتحسوا انو الصيف اجا ع بكير هاي السنة .... !!!!!!

Joe 09/03/2005 07:24

اقتباس:

كاتب النص الأصلي : آخيل
ياسيدي الموضوع معبر كتير .... بس بتحسوا انو الصيف اجا ع بكير هاي السنة .... !!!!!!

لاء يا زلمة شو صيف... الحرارة هون بالناقص عشرين ناقص تلاتين و تلج و برد و ريح و انا من غير شي حالق على الزيرو و قرعتي بردانة

:lol:

Joe 09/03/2005 07:29

ع فكرة شباب

مشان موضوع المثلث
على هل حالة المثلث ما بيكون إلو بس 6 أضلاع... بل 12

لأنو بما انو كل نقطة اتفقنا انها اذا قربنا عليها كتير بتصير خط مستقيم صغير.. معناها هادا الخط بيلتقي مع الضلع الأصلي بنقطة... و هاي النقطة لو قربنا عليها كتير كمان بتطلع خط مستقيم... و هيك بيطلعوا 12 ضلع
يعني عدد أضلاع المثلث = 3 * مربع عدد مرات التكبير
:confo:


:wink:

mhmary 09/03/2005 07:45

اقتباس:

كاتب النص الأصلي : Joe
ع فكرة شباب

مشان موضوع المثلث
على هل حالة المثلث ما بيكون إلو بس 6 أضلاع... بل 12

لأنو بما انو كل نقطة اتفقنا انها اذا قربنا عليها كتير بتصير خط مستقيم صغير.. معناها هادا الخط بيلتقي مع الضلع الأصلي بنقطة... و هاي النقطة لو قربنا عليها كتير كمان بتطلع خط مستقيم... و هيك بيطلعوا 12 ضلع
يعني عدد أضلاع المثلث = 3 * مربع عدد مرات التكبير
:confo:


:wink:

فيا وجهة نظر :pos: :pos:
عكلن أذا بدك تفكر بهطريقة رح يطلع عندك عدد لا منتاهي من النقاط :dr: :dr:
من شان هيك حاول أنو ما تقص عل القرعة مرة تاني لأنو خلايا الدماغ بتتأثر بالبرد :confo: :confo: بس شو يعني خلايا وهل الخلايا مادة أم شحنات سالبة :?: :?: :?:

Joe 09/03/2005 08:10

طيب مان... سمعلي هل قصة

قال هاد يا سيدي كان في حلاق بيحلق لجميع و فقط لجميع الناس يلي ما بتحلق شعرا لحالا بضيعة اسمها محلوقة
بقى يا ترى هل الحلاق بيحلق لحالو لما ما بيحلق لحالو؟؟

اذا ما كان الحلاق بيحلق لحالو, معناها هوي من يلي ما بيحلقوا شعرون لحالون... و بالتالي بيحلق لحالو لأنو هوي بيحلق لكل مين ما بيحلق شعرو لحالو

و اذا كان بيحلق شعرو لحالو, معناها هوي من يلي بيحقلوا شعرون لحالون... و بالتالي ما بيحلق شعرو لحالو لانو هوي بيحلق بس ليلي ما بيحقلوا شعرون لحالون

معناها اذا بيحلق بيكون ما بيحلق و اذا ما بيحلق بيكون بيحلق

:roll:

Joe 09/03/2005 08:14

أكيد في غلط موجود بمكان ما بهل قصة... بس وين؟



يلي بيعرف إلو حلاقة مجانية مع سيسوار تقدمة مشرف صالون الأخوية للحلاقة حبيبنا سعيد بس ينزل ع حمص :P

mhmary 09/03/2005 08:17

الله يرحم أيامك يا جو كنت شب كويس وفهمان بس البرد ما بيرحم :cry: :cry: :cry: :cry:

Joe 09/03/2005 08:27

يالله معماري... عملك فنجان قهوة متل عوايدك و صحصحلي هيك و لاقي الحل... في طريقتين بتنحل فيهم المعضلة

إلا اذا كنت مستغني عن الهدية القيمة :jakoush:
قول ها ما تستحي :jakoush:

zozo 09/03/2005 15:45

:shock: :shock: :shock: :shock: :shock:
شو عم يصير :shock: :shock:

Hus 09/03/2005 20:07

بالنسبة للقطة فنظريتك مع الأسف خاطئة ..
لانو النقطة تعريفها هي اصغر ما يمكن قياسه ..

بالنسبة للمثال الي طرحتو بالصورة الي فوق اذا بدك تحسب هيك بيطعل عندك بالخط المستقيم نفسو (لاحد اضلاع المثلث) بيتكون من شي 100 ضعل لانو الرسمة بالكمبيوتر هاي عبارة مربعات وبيتم الرسم على هال الأساس
عرفت كيف ..

بس الكلام كنظري المستقيم بحد ذاته اذا بدو يلتقي بمستقيم تاني بيتكون نقطا فعلا ..
لانو لما بدك اتكبر المظهر لازم اتصغر الأضلاع
عرفت كيف قصدي
يعني مثلا عملت مثلث من ثلاث اضلاع كل منهم بعرض 1مم
هلق الأضلاع بيلتقو بنقطة كل ضلعين يعني
بس لو كبرت المشهد 10 مرات لازم اتصغر القطر 10 مرات وهيك بيرجع بيلتقو بنقطة
وكل ما كبرت بدك لحتى تحصل على النقطة تصغر القطر بنفس نسبة التكبير
يعني حلقة مفرغة !

Joe 09/03/2005 20:19

تعريف النقطة الرياضي هو تلاقي مستقيمين. ما بظن ابدا انو تعريف النقطة هوي اصغر جسم
شوف بجوجل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


a geometric element that has position but no extension; "a point is defined by its coordinates"
و كمان في تعريف تاني
a very small circular shape; "a row of points"; "draw lines between the dots"

يعني ما في اشارة على إنها اصغر جسم
و الحقيقة حتى لو حبينا نقول إنها أصغر جسم دائري ... أصغر جسم دائري غير معروف و يمكن غير موجود.. لانو الالكترون يلي هوي اصغر جسم... غير معروف الشكل أو الأبعاد.

ع كلن هادا الكلام فوق عملي كتير... لو بدنا نحكي نظريا ... انت اشرت لنقطة ذكية كتير و هي تصغير ثخن الضلع.... بس نحنا هيك منكون عم نعدل بالمثلث و بخواصو.... بقا ما بعرف اذا مسموح هل شي لما لاء

بس ما منختلف انو النقطة موجودة فقط بالتعريف... يعني حسب التعريف هي تلاقي خطين ... غير هيك ما في نقطة عن حق و حقيق...

Kakabouda 09/03/2005 20:41

فوتتني بالحيط يا غالي يستر عليك أعلي ما بيستوعب شوي شوي الله يستر عليك ابعتلي ياهم على الايميل ..
تحياتي :D :D

SABE 09/03/2005 21:26

يعني بهالحالة أخ جو .. و إذا رجعنا على نص نظريتك الأولى و يلي نزلت الصورة عنها .. أنا بقتبس منها ... و كفيت بحوثاتي على أساسها ... و هلأ بدي طلع إكتشاف بإسمي أنا 8)
إنت قلت إنو (( و حسب ما شايفين بالصورة إنو المثلث هو مسدس بالحقيقة )) ... و أنا كفيت البحث بالموضوع و أخذت المسدس يلي انت إكتشتفتوا ..و كمان طلع مانو مسدس بل أبو 12 ضلع ... و هيك ضليت إشتغل على الموضوع و كبر و إكتشف أضلاع جديدة لليوم إكتشفت إنو الشكل طلع....

دائرة ....

:shock: :shock:

Joe 09/03/2005 21:48

لعمى اي و الله :confo:

بس ما تنسى انو الاضلاع الجديدة عم تكون اصغر بكتير من الاضلاع الفوقا بمرحلة.... لدرجة فينا نهملها و نشوف مثلث :confo:

mhmary 09/03/2005 23:50

اقتباس:

كاتب النص الأصلي : Joe
يالله معماري... عملك فنجان قهوة متل عوايدك و صحصحلي هيك و لاقي الحل... في طريقتين بتنحل فيهم المعضلة

إلا اذا كنت مستغني عن الهدية القيمة :jakoush:
قول ها ما تستحي :jakoush:

أمممممممممم قهوة لكن ومتل عوايدي معقول هالحكي :wink: :wink:

بس دكتور حسوم كلامك ماكتير مظبط يعني ما بتوقع النقطة هي اصغرشيء يمكن قياسه باتوقع انو متل ما قال جو وبعدين انت وقت عم تحكي انو لازم تكبر وتصغر ومدري شو هاي كلا شغلات بالرسم وهي تعبير عن الأشكال الحقيقية

يعني خلينا نحكي بلغة عملية مثلا لو عنا عامودين أو قلمين او أي شيئين مستقيميين نقطة تلاقيهما رح تكون النقطة الي بيلتقو فيا بس هل هن رح يلتقو بنقطة واحدة طيب من هون منطلع تعريف النقطة ومساحتا وهي الشكل ألي بيكونو ألتقاء العموديين واغلب الأحيان بكون دائرة
بس اذا كان عنا قلمين مبريين منيح رح تكون نقطة تلاقيهما مثلث بس وقت منرسم أكيد ما رح نحط نقطة التلاقي مثلث رح تكون نقطة بالمعنا المتعارف علية وهي دائرة صغيرة

آخيل 10/03/2005 12:13

اقتباس:

كاتب النص الأصلي : Joe
طيب مان... سمعلي هل قصة

قال هاد يا سيدي كان في حلاق بيحلق لجميع و فقط لجميع الناس يلي ما بتحلق شعرا لحالا بضيعة اسمها محلوقة
بقى يا ترى هل الحلاق بيحلق لحالو لما ما بيحلق لحالو؟؟

اذا ما كان الحلاق بيحلق لحالو, معناها هوي من يلي ما بيحلقوا شعرون لحالون... و بالتالي بيحلق لحالو لأنو هوي بيحلق لكل مين ما بيحلق شعرو لحالو

و اذا كان بيحلق شعرو لحالو, معناها هوي من يلي بيحقلوا شعرون لحالون... و بالتالي ما بيحلق شعرو لحالو لانو هوي بيحلق بس ليلي ما بيحقلوا شعرون لحالون

معناها اذا بيحلق بيكون ما بيحلق و اذا ما بيحلق بيكون بيحلق

:roll:

يا جماة قلتلكون الصيف جاي ع بكير السنة ... ما حد صدقني!!!

Joe 10/03/2005 17:24

يالله شباب فكروا بقصة الحلاق
هاي معضلة فلسفية حقيقية جبتا من كتاب مو مزح يالله :jakoush: :aah:

HashtNasht 11/03/2005 09:24

شبااااااااااااااااب .. :jakoush:

المثلث الو 3 اضلاع فقط لاغير....أما الاضلاع اللي عم يطلعو بالتكبير هني أخطاء برسم المثلث ...يعني تمثيل المثلث بشكل مرئي عم يكون غير دقيق.... ببساطة لا يمكن رسم المثلث بدقة .

hanny dagher 20/02/2006 08:54

Up......................

شفت الموضوع حلو وعرفنا راي الاعضاء القدامى لنشوف شو راي الاعضاء الجدد

هاتو لنشوف اعتبرو موضوع مناقشة جديدة

Kakabouda 03/05/2006 20:45

اقتباس:

كاتب النص الأصلي : SABE
يعني بهالحالة أخ جو .. و إذا رجعنا على نص نظريتك الأولى و يلي نزلت الصورة عنها .. أنا بقتبس منها ... و كفيت بحوثاتي على أساسها ... و هلأ بدي طلع إكتشاف بإسمي أنا 8)
إنت قلت إنو (( و حسب ما شايفين بالصورة إنو المثلث هو مسدس بالحقيقة )) ... و أنا كفيت البحث بالموضوع و أخذت المسدس يلي انت إكتشتفتوا ..و كمان طلع مانو مسدس بل أبو 12 ضلع ... و هيك ضليت إشتغل على الموضوع و كبر و إكتشف أضلاع جديدة لليوم إكتشفت إنو الشكل طلع....

دائرة ....

:shock: :shock:

خيو أنو بهالمناسبة عازمك على دق جرابات :?

Tears_Castle 03/05/2006 21:11

[quote]يا شباب بدي اعرف من شو مصنوع الالكترون رح جن


[quote]
والله انا سألت حالي نفس السؤال شريك ..بس مالقيت الجواب و الجواب مو موجود فعلا ..لانو متل ماقالو الشباب الالكترون هو الذي يصنع المادة و ليس العكس ...
بس من شان أضلاع المثلث ..هنن تلاتة مو ستة ...لانك عم تاخد تكبير لضلع معين ..و كيد هاد الضلع رح تكون إلو عرض معين حسب الخط يلي نرسم في و عرضوا ..و اكيد الخط مؤلف من اكترمن نقطة متجمعين مع بعضون و ممكن تكون في أكتر من نقطة جنب بعضون و انت هيك بتفكرانو في خط تاني ..و منطقيا مستحيل يكون في هيك مثلث ...و إذا كان في معناتا في اكتر من مثلث فوق بعضون ...و شكرا عالموضوع يلي بيسلي

Barleb 24/04/2007 05:11

اقتباس:

كاتب النص الأصلي : Joe (مشاركة 28443)
طيب مان... سمعلي هل قصة

قال هاد يا سيدي كان في حلاق بيحلق لجميع و فقط لجميع الناس يلي ما بتحلق شعرا لحالا بضيعة اسمها محلوقة
بقى يا ترى هل الحلاق بيحلق لحالو لما ما بيحلق لحالو؟؟

اذا ما كان الحلاق بيحلق لحالو, معناها هوي من يلي ما بيحلقوا شعرون لحالون... و بالتالي بيحلق لحالو لأنو هوي بيحلق لكل مين ما بيحلق شعرو لحالو

و اذا كان بيحلق شعرو لحالو, معناها هوي من يلي بيحقلوا شعرون لحالون... و بالتالي ما بيحلق شعرو لحالو لانو هوي بيحلق بس ليلي ما بيحقلوا شعرون لحالون

معناها اذا بيحلق بيكون ما بيحلق و اذا ما بيحلق بيكون بيحلق

:roll:

بيكون السؤال غلط .. بس ما بيصير يكون السؤال غلط .. لأنو ببساطة مافي سؤال غلط .. في جواب غلط ..

متل ما قال الحكيم بتضل تدور في حلقة مفرغة .. يعني جدل بيزنطي .. و متل ما قال sabe .. بيطلع معك المثلث دائرة ..
بس لا يا معلم .. المثلث مثلث .. و الدائر دائرة ..

هلا ضلعي المثلث بيتقاطعو بـ (مكان) او بمحل هندسي .. هاد المحل بتقدر ( تجاوزا) تسمية نقطة ..


اقتباس:

يا شباب بدي اعرف من شو مصنوع الالكترون رح جن
الألكترون ببساطة matter.. وكل شي دون استثناء كل شي مصنوع من matter ..

هلا مثلاً ..
النترون matter ..
بتكون من بروتون و الكترون .. هدول عناصر .. بس كمان هل عناصر matter ..

عـ فكرة هل عملية هي عملية أنشاء جسيم بيتا:o .. يلي هوي بدورو matter .. :shock:

abu-wdea3 10/05/2007 02:14

يقبرني ابو سعدو شو فهمان اجا الصيف قام حلق عالصفر مشان يسمح للهواء بالدخول لعقلو شنو على ما اعتقد عقلو نا قصو شويه هوا ليشتغل

قال بقلك المتل الانسان متل البني ادم بس فكر بينتج

بتعرف انو موضوعك بتستاهل عليه دكتوراه بس بشو ما بعرف شنو لساتني عم عيد البكلوريا

BL@CK 10/05/2007 04:08

و الله لبين ما قريت الموضوع ما بقي حدا لحدااا .. رايح أسوي اركيلة و ارجع .. :hashish:

راسي صار قد الطبل ..

على فكرة لا تتوقع بس أرجع أرد .. مستحيل .. و من سابع المستحيلات :o

معلم لا تأخزني .. بس مجرد التفكير بهيك مواضيع بوجعلي راسي ..


:D Joe

Raw 10/05/2007 18:24

عيوني أبو النئطة ... كأنـّـو حسـّـيت في فوتة بالحيطان ..:jakoush:

بس الموضوع طويل و رح اقرأه على مهل و راجعلك ... :pos:

يعني رياضيـّـات و نئطة و مدري شووو لازم ارجع ... :melody:

®

محمد ابراهيم 10/05/2007 18:41

اقتباس:

مرحبا شباب

من يومين خطرلي انو المثلث في الحقيقة له ست أضلاع
الثلاث أضلاع المعروفة... و مكان التقاء كل ضلع بالضلع الثاني... يلي منسميه نقطة... لو قربنا عليه كتير كتير بالمايكروسكوب... رح يصير كبير. و غالبا رح يبين متل هل صورة

و بالتالي لو لسا قربنا اكتر و اكتر... ما رح نلاقي نقطة التقاء وحدة... رح يكون في منطقة ... غالبا نقدر نقيس طولها بشي مقياس... حسب دقة الخط المرسومة فيه... يمكن بالنانو متر يمكن بالبيكومتر. بس بيضل طول و ليس نقطة

مرحبا جو
هو الموضوع فعلا قديم بس غير محسوم وابرز ما فيه رد ابو نهله ورح نرجعلو بعدين
المثلث ثلاث اضلاع فقط لا غير
اولا الضلع هو قطعه مستقيمه
والقطعه المستقيمه هي الخط الواصل بين نقطتين (يتم تدريسها لتلاميذ الصف الثالث الابتدائي ) اعمارهم 8 سنوات .
ويتضح ان اي ضلع في مثلث لابد وان يكون خط واصل بين نقطتين
وفي المثلث ثلاث نقاط فقط اذا قمنا بتوصيلهم نحصل على ثلاث قطع مستقيمه تمثل ثلاث اضلاع.

* ملحوظه تانيه
بالنسبه لموضوع التقريب انه رح نلاقي منطقة تلاقي وليس نقطة التقاء (هذا يخالف علم الهندسه والشكل لن يكون مثلث ) واذا كان الالتقاء منطقه (فهي تمثل شكلا اخر ليس بقطعه مستقيمه اي ليس بضلع ممكن دائره ممكن مربع ممكن معين او او او .... )وفقا لتعريف القطعه المستقيمه فهي خط واصل بين نقتطين ,واذا كان هذا هو ما ووصلنا اليه من نتاج التقريب فانا اقول انه اثبات اكبر على صحة ما اقول ,لان القطعه المستقيمه الجديده ستكون جزء متصل بالقطعه الاساسيه .
فاذا فرضنا ان طول الضلع مثلا 2سم (ضلع المثلث ) فانه اذا كان طول القطعه المستقيمه (الضلع الجديد نتاج التقريب) اقل رقم ممكن في الوجود فتكون القطعه الجديده خطأ بالرسم لانها ازادت طول الضلع الرئيسي .
وان كان طول الضلع (ضلع المثلث)اقل من 2سم باقل رقم ممكن ليتيح فرصه للضلع الجديد ان يكمل معه ال2 سم فان الضلع الجديد (ناتج التقريب) سيكون جزءمن الضلع الرئيسي (لانه بديهيا الضلع الرئيسي طوله لابد وان يكون 2 سم (واي خلل في هذا الطول سيعد الرسم غير دقيق)
لن اتحدث عن حالة اذا ما كان الضلع الرئيسي اكبر من 2سم باقل رقم ممكن (لانها بديهيه) اذا زاد الضلع عن 2 سم كان خطأ بالرسم مما لا شك فيه .حتى لو كانت الزياده اقل رقم ممكن.

اصلا يمكن رسم المثلث ولن يحدث ذلك اذا قمنا برسم المثلث بدقه

اقتباس:


مثلا هاي العبارة صحيحة لو شو ما كانت الظروف:
"ابو سعدو حالق شعرو على الصفر أو ابو سعدو مانو حالق شعرو على الصفر"

يعني اجباري يكون أبو سعدو يا حالق على الصفر يا مانو حالق على الصفر... ما في حل تالت... لانو اذا كان الحلاق مخففلو بس على الواحد... هيك ما بيكون حالق على الصفر

بينما هاي العبارة خاطئة دائما
"ابو سعدو حالق شعرو على الصفر و ابو سعدو مانو حالق شعرو على الصفر"

حدا لاحظ الفرق؟

لاحظت
الفرق بين (أو , و)
بالنسبه ل أو : او تعني انه اذا حدث ما قبلها فلن يحدث ما بعدها و العكس صحيح (فلابد ان يحدث احد طرفيها فقط)هذا في زمن المستقبل
بالنسبه لزمن الماضي فنقول اما ان حدث ما قبلها فقط او حدث ما بعدها فقط (ايضا لابد ان يكون قد حدث احد طرفيها فقط)
نأتي الى و : حرف عطف ويعني ترابط ما قبلها بما بعدها (فلابد ان يحدثا معا او لا يحدثا معا)
واضح ان الفرق بين (و ,او) فرق عظيم يحدث تغيرا كبيرا بالمعنى
اقتباس:

شبااااااااااااااااب ..

المثلث الو 3 اضلاع فقط لاغير....أما الاضلاع اللي عم يطلعو بالتكبير هني أخطاء برسم المثلث ...يعني تمثيل المثلث بشكل مرئي عم يكون غير دقيق.... ببساطة لا يمكن رسم المثلث بدقة .

اتفق معك واحييك بشده
وتجاوزا يتغاضى العالمون عن عدم الدقه بشرط ان يكون الشخص موقن لحقيقة عدم الدقه وعارف لطبيعة المثلثات وعلمها.

Raw 10/05/2007 22:44

رد 1
 
أوّل شي بحبّ إشكرك معلم جو، بالفعل حرئصتلي دماغي حرئصة غير شكل، يعني ماشي بالقراءة و بدّي إخلص مشان روووح مخمخ عالردّ ...!
و من هلأ عم خبركن إنـّـو الردّ رح يكون طويل كتير و يمكن ما يوسع بمشاركة وحدة، بئا اللي مستعد يكمـّـل بالقراءة ...
أوّل شي منحكي عن النئطة، و النئطة يا سيدي مفهوم رياضيّ [مو رياضي يعني Sporting لأ يعني Mathematician ] ، و رغم إنـّـو تعريفها صعب جدّاً ينفهم بالنسبة لغير المختصـّـين بس رح إذكرو يعني بجوز نستفيد منو ...
النقطة بالمفهوم التبولوجي هي عنصر من المجموعة ، أكيد من الخمس كلمات السابقة في عشر كلمات مو مفهومة ، و هدول كمان مو مشكلة كبهن ...
و التعريف الأوضح للنقطة (رياضيـّـاً طبعاً) و اللي ممكن نعتبرو التعريف الرسمي للنقطة هو التالي: في فضاء ذي n بعد مثل Rn النقطة تـُـعيـّـن بـالإحداثيـّـات (x1,x2,…,xn) و التي تسمّــى الإحداثيـّـات الديكارتيـّـة، و للتوضيح أشرحها بالنسبة لفضاء ذي بعد واحد (مستقيم) و لفضاء ذي بعدين (مستو) و فضاء ذي ثلاثة أبعاد (الفراغ)، مع الإشارة إلى أنّ كلمة فضاء تعني هنا رياضيـّـاً المنطقة التي تتمّ فيها الدراسة، أوّلاً في فضاء ذي بعد واحد أي المستقيم، هلأ كلنا منعرف مستقيم الأعداد اللي أخدناه في الصفّ الأوّل الابتدائي و اللي كان على شكل محور أفقي موجـّـه من اليمين إلى اليسار و كنـّـا نعيـّـن عليه الأعداد بالتسلسل من الصفر و نحنا طالعين، و بالمراحل التالية عرفنا الأعداد السالبة و صرنا نعيـّـن أعداد من الصفر و نحنا طالعين على اليمين و نحنا نازلين على اليسار، هلأ كلّ عدد من هدول الأعداد اسمو نئطة، << إٍسـّـا فايئ و لا نمت ؟! ... صحصح ... ئوم غسـّـل وجهك و ارجع كمـّـل >> طيـّـب هلأ ركـّـز شوي، كنّــا منعرف الأعداد ...،3،2،1،... يعني اللي سمـّـناهن الأعداد الصحيحة (Z)، بس بعدين صار عندنا أعداد بيناتهن متل 1.5 و 2.3 و إلخ يعني صار بين هالنئط اللي طلعو معنا أوّل شي نئط غيرهن ... هن اللي اسمهن الأعداد العاديّــة (Q) ، هلأ كمان رح تئلي في بين الـ 1.5 و الـ 1.6 مسافة، صح كلامك، و الحلّ مو متل ما متل ما مفكرين البعض إنـّـو بين الـ 1.5 و الـ 1.6 في عشر أرقام اللي هن 1.51،1.52،1.53،...،1.59 لأن كمان فينا نطلـّـع بين كل اتنين من هدول رقم تاني مثلاً 1.567 بين الـ 1.56 و 1.57 فالحلّ هوّ بالمجموعة الأشمل للأعداد و هيـّـه الأعداد الحقيقيـّـة (R) ، هلأ بئدر ئلك إنـّـو غطينا كلّ النئط الموجودة يعني ما بئا أصغر من هيك ، لأن صار في بين كلّ عددين عاديين عدد لا نهائي من الأعداد الحقيقيـّـة، و الأعداد الحقيقـّـة فيها أعداد غير منتهية و دوريـّـة، يعني بعبارة أخرى مغطية كلّ شي، فصار عندنا النئطة يمكن التعبير عنها بالعدد الحقيقي و نرمز لكلّ نقطة بعدد حقيقي.
في الفضاء ذي بعدين، و اللي هوّ المستوي العادي، يعني الأرض أو السئف أو الحيط أو الورئة اللي منكتب عليها (بس ما تكون مجعلكة!)، إذا رسمنا محوري الإحداثيـّـات، محور السينات (أفقي) متل المحور اللي رسمناها بالفقرة السابقة، و محور العينات (عمودي) متل المحور الأوّل بس عمودي عليه، هلأ بالمستوي صارت النقطة مو عدد حقيقي واحد ، هئ .. صارت ثنائيـّـة، << رجعت نعست .. بعرف .. هانت ! >> شو يعني ثنائيـّـة ، يعني هيك (x,y) الثنائيـّـة فيها شغلتين منسمـّـيهن مساقط ، المسقط الأوّل x و المسقط التاني y هلأ هدول التنين مع بعض بعينو نئطة من المستوي، كيف يعني متل لمـّـا عيـّـنا نئطة على المستقيم بعدد حقيقي ، هون بدنا عدد أفقي و عدد عمودي منرفع منهن أعمدة و بيلتئوا بنئطة هي هيـّـه النئطة..
و بالفراغ أبو تلات أبعاد لازم نرسم تلات محاور و بتصير النئطة (x,y,z) بتلات مساقط، و انتبه دوماً في عندنا بين كلّ نئطتين نئطة تالتة، و هي المعلومة بتحلـّـنا تلات ارباع المشكلة، يعني النئطة بهالحالة ما رح تصير لا ضلع و لا مضّــلع و لا دائرة و لا أي شي تاني ، لأن بس لئيت إمكانيـّـة لتميـّـز بين بداية و نهاية للنئطة ما عاد اسمها نئطة ، لأن هون صار عندي على الأقلّ نئطتين هنن نئطة البداية و نئطة النهاية ، و حسب ما ئلنا في نئطة تالتة بيناتهن، و منرج لنفس الدوّيـخة، بصير في عندنا بين نئطة البداية و النئطة التالتة اللي بالنصّ نئطة رابعة و هيييييييك لبين ما تموت و يجي ابنك و بعدو حفيدك و يكملو رسم نئط و ما رح يخلصو ، من عندي عم ئلك ما رح يخلصو ..!



خلصت المساحة المخصصة كملو تحت


®

Raw 10/05/2007 22:45

رد 2
 
ئلـّـك شغلة بدّي اعترف ، أكيد خطرلك إنـّـو بدّي اعترف إن الحكي كلو غلط! لأ اتطمـّـن صحّ و حياتك صحّ ون هاندرد برسنت ، بس بدّي اعترف بتعريف واضح أكتر للنئطة هلأ خطرلي، النقطة هي الشكل الهندسي الذي أبعاده صفر !
بس منرجع لنقطة التقاطع بين ضلعي المثلـّـث، اللي هيـّـه سبب المشكلة، هون بس في شغلة لازم نفهمها و هيـّـه هامـّـة كتير كتير ...
الأشكال التي نرسمها ليست إلا تمثيل لما ندرس، و ليست الحقيقة، و الأشياء التي ندرسها بعقلنا و نتخيـّـلها لا يمكن نقلها إلا الواقع بأمانة تامـّـة مهما اجتهدنا، فهذا الشكل الذي نراه بثلاث أضلاع نصطلح على أنـّـه المثلـّـث، فنظريـّـاً المثلـّـث هو خط منكسر مغلق فيه ثلاثة زوايا و ثلاثة أضلاع ، مجموع الزوايا فيه 180 درجة و الأضلاع هي عبارة عن مستقيمات، الآن لأبيـّـن لك أنـّـه من المستحيل رسم مثلـّـث يحقـّـق هذه الشروط:
أوّلاً الخطّ و المستقيم يجب أن يكون ثخنه صفر ، و هذا أوّل خطأ نرتكبه بنحن نرسم بقلم رصاص بسماكة 0.5 مم و في أحسن الأحوال بيرسمو طلاب العمارة بقلم روترينغ ألماني أصلي 0.3 مم يعني بعبارة أخرى نحن عم نرسم مستطيل عرضه 0.3 مم و طوله هو الطول اللي نحن عم نحدّده..
تاني شغلة و اللي رح تكون صدمة، مستحيــــــــــــــــــــ ــــــــل نئدر نعمل خط مستقيم ، و التوضيح التالي: ارسم خط مستقيم بين عمـّـك الكبير غرينتش و لندن، شئد طولو؟ ما بعرف بس ئصير نسبيـّـاً يعني على الأغلب ما بيتجاوز 10 كم ، عظيم هلأ ضلّ ماشي بهالخطّ باتـّـجاه الشرق لتوصـّـل لبرلين، كمان امشي شوي تانية لتوصل لوارسو، هلأ إنتي مفكـّـر حالك رسمت خطّ مستقيم، يا عزيزي يؤسفني أن أبشرك إنـّـو إنت رسمت قوس من دائرة، و إذا مو مسدئ اطلع لفوووء لفوووء كتير لبين ما تشوف الأرض صارت ئد ملعب الـ75 ألف بحلب، وئتها رح تشوف المسافة بين لندن و وارسو ئد المسافة بين الحارس و قوس منطقة الجزاء، و أكيد رح يبيـّـن معك بوضوح تامّ إنـّـو هو مو خط مستقيم هو قوس، يعني منحني !
كمان هون رح تحتجّ و تئلي بسيطة برسم خطّ بين الأرض و الشمس، و ئتها بدّي كمان ئلك اطلع لفووووووووووء لفوووووووووووء أكتر بكتير هالمرّة يعني روح لعند جيراننا بمجرة أندروميدا (المرأة المسلسة) و بتكتشف إنـّـو قوس و كلّ ما طوّلت الخطّ أكتر بدّي ابعتك لمحلّ أبعد بئا اقتنع بالحسنى ...
تالت شغلة، هي كمان رح أثبتلك ياها بالكرة الأرضيـّـة، ارسم مثلـّـث على الورئة عندك، ئيس الزوايا رح يطلعو 180 درجة، طيـّـب كبّرلي هالمثلـّـث ليصير ئد بيتكن، ئيسو كمان 180 ، طيـّـب كبرو و اعملو بين بيونس آيرس و إدلب و أوتاوه ، ئيس ، ما رح يطلع 180 درجة ، رح يطلع أكتر! و مشان توضح أكتر ، كبّ بيونس أيرس و أوتاوه، و اترك إدلب بس ما إلنا شغلة فيها، المهمّ اعمل هالمثلـّـث بين نقطة القطب الشمالي فوووء بالزنبوعة تبع الكرة الأرضيـّـة و مدينة الخرطوم و مدينة دكار اللي تنيناتهن بصيرو على الخطّ 15 شمال خط الاستواء، يعني صار مثلـّـث بين القطب و الخرطوم و دكار، و أضلاعه خطّ العرض 15 بين الخرطوم و دكار و خطّ الطول بين الخرطوم و القطب و خطّ الطول بين دكار و القطب، هلأ اللي منعرفو إنـّـو خطوط الطول و العرض متعامدة يعني الزاوية بين كلّ خطّـين 90 ، أوكي صار هلأ عندنا مجموع الزوايا كمايلي: زاوية الخرطوم 90 و زاوية دكار 90 صارو 180 لحالهن و هلأ انشالله تكون الزاوية بالقطب 1 درجة بكون صار المجموع 181 و هاد غلط!
لذلك الرسم متل ما ئال واحد من الأعضاء هو المشكلة، يعني كلّ ما كان الرسم دقيق أكتر وصلنا لصورة أقرب للتعريف النظري لما ندرس بعقلنا، و انتبه لإنـّـو ممكن نئرّب للحئيئة بس ما منئدر نوصـّـل مطلقاً و بكفـّـي إنـّـو ما فينا نرسم خط عرضه صفر لنعرف شئد صعب الوصول للمطلوب.


كمان خلصت المساحة ... كملو تحت ...


®

Raw 10/05/2007 22:46

رد 3
 
لهون بكون أدّيت مهمـّـتي على أكمل وجه بالنسبة لتعريف النئطة ...!
بس في النئاط التانية اللي حرئصتلي دماغي ..
أوّلهن الإلكترون ..
يا جماعة الإلكترون مو أصغر شي بالوجود ..
لأن الإلكترون بدورو مؤلــف من الكواركات ...!
هلأ ما حدا يسألني من شو مؤلفة الكواركات لأن إسـّـا هدول الكواركات طلعانين على الساحة جديد يعني ما لحئنا نفرطهن ..!
بس بشكل مختصر و سريع .. الكواركات تلات أنواع .. أعلى و أسفل و صفر ... هدول أسمائهن ... و أظنّ الأصل : UP – DOWN – NON و تفصيلهن : UP شحنته +2/3 و الـ DOWN شحنته -1/3 و الـ NON شحنته 0 ...
و شوفو شلون بيعملو الإلكترونات و البروتونات و النترونات ...
PROTON: UP + UP + DOWN = 2/3 + 2/3 – 1/3 = +1
ELECTRON: DOWN + DOWN + DOWN = -1/3 -1/3 -1/3 = -1
NEUTRON: UP + DOWN + DOWN = 2/3 -1/3 -1/3 = 0
هلأ في نظريـّـة (نظريـّـة الأوتار الفائقة) عم يحاولوا العلماء يشتغلوا فيها مشان يكملوا الطريئ لجوا الكواركات ، و اللي بتفترض إنـّـو كلّ جزيء هو عبارة عن وتر مهتزّ و اهتزازه المميـّـز هوّ اللي بيعطيه طبيعته و كمان كونه وتر مغلق أو حرّ الطرفين بيعطيه ميـّـزات تانية و هيك شي ، بس نظريـّـة معئدة كتير كتير و شغلتها بتجنـّـن و أينشتاين بذاته ضلّ آخر 30 سنة من عمره عم يحاول يوصلها و ما مشي الحال و لهلأ العلماء ما وصلوا للحلّ و للي بدّو يبحث فيها و وين وصلوا يلحئ العالم الإنكليزي ستيفن هاوكينغ ، هاد أكتر واحد نشط حاليـّـاً فيها ..
و منرجع للنقطة اللي ئلت حضرتك إنو هيه النئطة الأساسيـّـة و إنـّـو النئطة بس نئطة بالتعريف و هاد اللي اتـّـضح لإلنا من بعد ما صارو عيوننا متل عيون الشخص اللي حاطو (كرهان حالي) بصورته الشخصيـّـة .
بس كمان هون في تنويه ..
هوّ مزبوط النقطة ممكن نعرّفها إنـّـو هي تلاقي مستقيمين ، بس منرجع للدويخة ، شو المستقيم ؟ هو مجموعة من النقاط !! و على كلّ حال التنويه مو هون ... التنويه إنـّـو مو أي جسمين بيتقاطعوا بنقطة متل ما ذكر واحد من الشباب عن القلمين ، و للتوضيح شوف مثلاً مستويين متل السئف و الحيط هدول مستويين متقاطعين و شو نتيجة التقاطع ؟ هيه مستقيم ! كملن خود مثلاً تقاطع التفاحة مع السكـّـين ، بيطلع دائرة و هيك .. يعني النئطة هي فقط تقاطع مستقيمين ، منرجع لإنـّـو المستقيم لازم يكون عرضه صفر ليكون التعريف صحيح !
كمان تذكـّـرت شغلة مشان الإلكترون ..
في نظريـّـة اللي هيـّـه أحد أساسات ميكانيك الكمّ ... و اسمها مبدأ الشكّ أو عدم التعيـّـين لهايزنبرغ ، و بتئول ، لا يمكن أبداً تعيين موضع و كميـّـة حركة دقيقة صغيرة جدّاً تدور في حيـّـز صغير جدّاً كالإلكترون في آن و واحد و بدقـّـة .
و النظريـّـة التانية بمكيانيك الكمّ ، بتئول للإلكترون طبيعة ثنائيـّـة فهو يسلك سلوك جسيم أحياناً و سلوك جسيم أحياناً .
و كمان منتذكـّـر إنـّـو أشـّـعة بيتـّـا مؤلـّـفة من الإلكترونات ... كمان الأشــّـعة المهبطيـّـة ، و كمان في علماء أو معظم العلماء هلأ بيعتبروا الإلكترون ما بدور حول النواة في مسار متل ما بتدور الأرض حول الشمس ، هئ ، الإلكترون عبارة عن غمامة بتحيط بالنواة و هاد الشي بناءً على نظريـّـة هايزنبرغ ...!
خيـّـو في كلام كتير اسّــا بينحكا ..
بس و الله ما عاد فيني .. صرلي ئاعد على هاد الموضوع تلات ساعات ... و أنا إنسان على باب الله فئير و منتوف و من مال الله يا محسنين .. و وئتي ديئ و عندي دراسة و و مضغوط كتير بالموادّ و كلنا هيك بالفصل التاني ... و بدنا نخطب و نتجوّز و بدنا نترفـّـع هالسنة و ما معي ادفع فاتورة التليفون و العيشة صعبة و الصيف اجا ع بكير السنة ..
كان بدّي إحكي عن المسألة اللي حطـّـيتا عن الحلاق ...
بس يالله اتركها لوئت تاني ..
لأن حاسس هلأ بدّو ينهدر دمـّـي على طول الردّ ...
و أنا بتذكــّـر إنـّـو حكيت بزماني عن هيك مسائل بقسم المسابقات ... بس يبدو إنـّـو الموضوع طار وئت سكـّـر المنتدى إثر الهجمة الإمبرياليـّـة ...
يالله ملحوئة ..
يا شباب مشاااااااان الله لا تواخذوني ... بس بهالموضوع و الحكي عنـّـو انتشيت ...
دمتم للتميـّـز ..
:melody:
®

krimbow 11/05/2007 05:11

معلمي راو


يا معلمي راو


خدني بحلمك شوي زغيرة


اقتباس:

العالم الإنكليزي ستيفن هاوكينغ ، هاد أكتر واحد نشط حاليـّـاً فيها ..
والله بيتهيألي انو الزلمة عطاك عمرو من فترة قريبة .. يعني بزكر انو هيك سمعت، عموما انشالله يطلع حكيي غلط

طبعا تعريفك للنقطة رياضي رائع جدا سواء الطبولوجي الهندسي او التحليلي
و انشالله مزال عملت هالجهد كلو بشرح النقطة بركي برجع و بحط رأي سادتنا و افلاطون و اقليدس و فيثاغورس بهالنقطة يللي اخدت من وقتك كل هالوقت



و لوقتها بتشكرك ع التعريف الجميل و الصحيح و الدقيق جدا جدا و شكرا ع شرحك للمجموعات و العناصر


بس يا ريت لو تركت الالكترون و نظريات "الكم" و "كل شيء" و "لاينزينغ" لموضوع تاني و بتمنى من المشرفين ع هالقسم يفصلوهم و ينقلوا الموضوع كلو لقسم العلوم و التكنولوجيا


الساعة بإيدك هلق يا سيدي 13:24 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.08963 seconds with 10 queries