أخوية

أخوية (http://www.akhawia.net/forum.php)
-   أدب ساخر (http://www.akhawia.net/forumdisplay.php?f=44)
-   -   يوميات الاستاز سامع المطنش (http://www.akhawia.net/showthread.php?t=44269)

امرأة من ورق 10/09/2006 04:41

اقتباس:

كاتب النص الأصلي : Nadoun (مشاركة 449230)
عن جد قصة كتير مشوقة و فيا حلقات بتعقد ..:yahoo:
يمكن قريتا متأخرة بس قريت كل الحلقات مع بعض و حسيت حالي
عم بحضر شي مسلسل .. يعطيكن العافية و الله ..
و بانتظار الرحلة السعيدة .. و اهم شي فيفي الظريفي :p

شكرا كتير عالتشجيع ندون ونورتي:D

امرأة من ورق 10/09/2006 04:42

اقتباس:

كاتب النص الأصلي : سرسورة (مشاركة 449256)
تمام....شي ظريف كتييير....بس ما حدا من الأساتذة أو الانسات رح يروح مع سموعة ع الرحلة؟؟ولا بس رح يروح هو و الطلاب و فيفي الظريفي:lol:

الاستاز وفيفي والباقي خس :sosweet:

Nadoun 14/09/2006 14:41

اقتباس:

كاتب النص الأصلي : امرأة من ورق (مشاركة 449473)
شكرا كتير عالتشجيع ندون ونورتي:D

تسلمي .. و الله انتو يللي منورين القصة :D

سرسورة 14/09/2006 23:09

وينك يا امرأة الورق؟؟؟؟شو صار بالرحلة.....لغوها؟؟؟؟؟

امرأة من ورق 17/09/2006 07:18

اقتباس:

كاتب النص الأصلي : سرسورة (مشاركة 455433)
وينك يا امرأة الورق؟؟؟؟شو صار بالرحلة.....لغوها؟؟؟؟؟


اسفة عالتأخير بس كان مزاجي كتير تعبان..... ومازال :(
بكل الاحوال هي الرحلة اليوم :D

امرأة من ورق 17/09/2006 07:43

اليوم الموعود...... الرحلة
 
اليوم الجمعة وهو اليوم الموعود المنتظر...... يوم الرحلة الثقافية الترفيهية 8)

تجمع الطلاب كلهم بدون استثناء امام باب المدرسة منذ الساعة السابعة إلا ربع والآن الساعة الثامنة إلا ربع ولكن أين الاستاز سامع؟؟؟ وأين باص الرحلة؟؟:?
في تمام الساعة الثامنة أطل من بعيد باص من عهد العصملية يتمختر بقيادة الاستاز سامع
ووقف امام باب المدرسة حيث تجمع الطلاب فنزل منه الاستاز سامع وحيا الطلاب بكلمة: صباح الخير ياولاد........ يللا رح افتحلكن باب الباص منشان تطلعو ونباشر الرحلة

فتح الاستاز باب الباص فصعد الطلاب وجلسو ولكن بقي خمس طلاب بدون مقاعد فقالو للاستاز: يااستاز مافي محلات تكفيلنا شو نساوي؟؟

فصرخ بهم الاستاز قائلا: ولة منك الو دبرو حالكن هلأ صرتو اكابر ومابتنحشرو تنين بمقعد واحد ولا بتسافرو عالواقف....... ليكو هالشغلة الكبيرة:pos: :jakoush:

فصعد الطلاب وحينها انتبه الاستاز سامع ان فيقي الظريفة محشورة بين طالبين من الذكور وهي تتغندر بينهم وتتدلل لعيونهم وحينها قال: ولك مابتستحو محشورين الصبيان والبنات بمقعد واحد .....تعي حبيبتي فيفي:hart: ....امممممممم قصدي يابنتي فاطمة :oops: تعي قعدي جنبي من قدام لاني مابحب يصير برحلتي وبين طلابي اختلاط ذكوري انثوي :sosweet:

فغيرت فيفي مكانها وجلست من الامام وضحكت ضحكتها المعهودة اللي تقصفت ركب الاستاز لسماعها

وبعد ان جلس الطلاب صعد الاستاز سامع الى الباص وتمشى بين المقاعد ليجمع من الطلاب الاشياء المطلوبة منهم لتعلمهم المسؤولية....... فاذا احد الطلاب (وهو يتيم الاب ومسكين :cry: ) لم يحضر المطلوب منه فنهره الاستاز وصرخ به ورماه خارج الباص قائلا: ولك انا ماعندي طلاب يروحو على رحلتي بدون مايكون بيعرفو شو يعني مسؤولية...... يللا ولا تفكر مرة تانية تروح معي بأي رحلة او نشاط اذا ماكنت قد المسؤولية...... يللا برا ولك حيوان

والآن وبعد ان اطمئن الاستاز ان كل الامور كما يجب...... صعد إلى مقعد السائق ليقود الباص ويبدأ الرحلة (هاد الباص باص ابن عمو واستعارو منو ليوم.......يعني ليش الخورفة ودفع المصاري لاجار باص مع شوفيرو:king: معلوم هيك احسن )

ها قد انطلقت الرحلة اخيرا...... ولكن ماهذا الذي يراه الاستاز :shock: ...... هناك سيارة مرسيدس تسير جنبا لجنب مع الباص من جهة فيفي الظريفي التي لاتتوقف عن النظر إلى سائقها الحسن المنظر والهندام والتغميز له......نعم لقد كان يجن الاستاز حين شاهد ذلك فقال لفيفي: ولك شو هاد ومين هالخ** هاد ........وليش ماشي معنا

فأجابت فيفي: معلش استاز ولا يهمك هاد جارنا وحب يطلع معنا بالرحلة بس انا قلتلو انو الاستاز مابيحب الغرباء بعدين قرر يجي لحالو بسيارتو

وحين شاهدت فيفي ان الدم بدأ يغلي بعروق الاستاز سامع وانه على وشك ان يبدأ بمشكلة مع الشاب الوسيم قالت للاستاز: يااستاز ولا يهمك الشب كتير ادمي وابوه بيكون العقيد **** ****

وحينها بلع الاستاز ريقو وقال : اي اذا ادمي ليش لأ


يتبع ..........

Reemi 17/09/2006 10:02

حلوة ....:D
بس الحلقة الجاي لازم تكون تانيب ضمير الاستاذ مشان الطالب...حرام خطي ..:cry: ..

اقتباس:

فاذا احد الطلاب (وهو يتيم الاب ومسكين ) لم يحضر المطلوب منه فنهره الاستاز وصرخ به ورماه خارج الباص قائلا: ولك انا ماعندي طلاب يروحو على رحلتي بدون مايكون بيعرفو شو يعني مسؤولية

krakish 17/09/2006 10:03

يسلمو خيتا على اليموميات

حلوين

يسلمو دياتك

سرسورة 18/09/2006 01:38

اي و انا كمان وجعلي قلبي هاد الطالب اليتيم........
ناطرين الكمالة:D :D

samsom 18/09/2006 02:05

على فكرة...
 
إذا هدول الشغلات .. انتي كاتبتيهم .... معناتى انتي بتصلحي لكتابة ... سيناريو كوميدي تلفزيوني ... متل بقعة ضوء وما شابه ......
إذا عجبتك الفكرة ابعتيلي إيميل .... مشان أعطيك عناوين ناس ممكن تستفادي منون .. ويستفادو منك ... شغلة حلوة .. وفي منا قرشين حلوين ........

هادا بس إذا حسيتي أنو عندك مخيلة بكتابة السيناريو ..........

إذا حسيتي أنو ما عندك .... لا تبعتي شي ....

امرأة من ورق 18/09/2006 08:02

اقتباس:

كاتب النص الأصلي : Reemi (مشاركة 458222)
حلوة ....:D
بس الحلقة الجاي لازم تكون تانيب ضمير الاستاذ مشان الطالب...حرام خطي ..:cry: ..

كتير حرام هالطالب :cry:
بس المشكلة انو في كتير ناس ماعندها ضمير ابدا ومارح تحس بالندم على اي شي بتعملو :cry:

امرأة من ورق 18/09/2006 08:03

اقتباس:

كاتب النص الأصلي : krakish (مشاركة 458223)
يسلمو خيتا على اليموميات

حلوين

يسلمو دياتك

شكرا كتير الك عالمرور والتشجيع :D

امرأة من ورق 18/09/2006 08:05

اقتباس:

كاتب النص الأصلي : سرسورة (مشاركة 458988)
اي و انا كمان وجعلي قلبي هاد الطالب اليتيم........
ناطرين الكمالة:D :D

سلامة قلبك سرسورة

شكرا :D

امرأة من ورق 18/09/2006 08:08

اقتباس:

كاتب النص الأصلي : samsom (مشاركة 459003)
إذا هدول الشغلات .. انتي كاتبتيهم .... معناتى انتي بتصلحي لكتابة ... سيناريو كوميدي تلفزيوني ... متل بقعة ضوء وما شابه ......
إذا عجبتك الفكرة ابعتيلي إيميل .... مشان أعطيك عناوين ناس ممكن تستفادي منون .. ويستفادو منك ... شغلة حلوة .. وفي منا قرشين حلوين ........

هادا بس إذا حسيتي أنو عندك مخيلة بكتابة السيناريو ..........

إذا حسيتي أنو ما عندك .... لا تبعتي شي ....

هوي انا اللي كاتبتون :gem:
بس مابظن انو عندي مخيلة كافية لكتابة سيناريو..... يعني كتابتي هون مابتتجاوز كونها تسلية وبس....... وبتجي عالمزاج

بكل الاحوال شكرا كتير عالاهتمام:D

وتوقيعك بيعجبني كتير ;-)

Reemi 18/09/2006 09:26

اقتباس:

كاتب النص الأصلي : امرأة من ورق (مشاركة 459139)
كتير حرام هالطالب :cry:
بس المشكلة انو في كتير ناس ماعندها ضمير ابدا ومارح تحس بالندم على اي شي بتعملو :cry:

طيب وليش ما نخلي سموعه حنون :cry:

bigbaby 18/09/2006 12:16

شي حلو جدا امرأة من ورق ... برافو عليك :ok:

ابومزيد 18/09/2006 12:22

:oops:
اقتباس:

كاتب النص الأصلي : Reemi (مشاركة 459172)
طيب وليش ما نخلي سموعه حنون :cry:

انا برأيي تعمللها فيفي شي فصل بسموعة تخليه بنط ما يحط وتخليه مسخرة للطلاب
يقوم يصحى على حالو ويتذكر كيف ظلم الطالب اليتيم

Reemi 18/09/2006 12:27

اقتباس:

كاتب النص الأصلي : ابومزيد (مشاركة 459264)
:oops:
انا برأيي تعمللها فيفي شي فصل بسموعة تخليه بنط ما يحط وتخليه مسخرة للطلاب
يقوم يصحى على حالو ويتذكر كيف ظلم الطالب اليتيم

:confo: :confo: :7asheesh: بنفكر فيها


الساعة بإيدك هلق يا سيدي 01:03 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04437 seconds with 10 queries