|
نصر الله شكراً...
إلى رجل في زمن الرجال فيه قليل... إلى نصر الله شكراً لأنك أعدت الدفء إلى قلوبنا...
نصر الله... يا أيها الأسطورة.. في تاريخنا كعرب، عرفنا الكثير من الرجال الذين خلدو ذكراهم كأساطير من خلال بطولاتهم وتفانيهم في سبيل الآخرين، جلجامش، هرقل، تمّوز وفي التاريخ الإنساني كذلك أغسطس، قسطنطين، فالنتين... اليوم ونصر الله رب من أرباب المقاومة وسيد المناضلين فإنه لا يقل عنهم مرتبة ليس لأنه رجل جمع كلمة الشعب العربيّ ونفض عن المقاومة تطؤفها وتدينها ووهبها لونها وطعمها وحدد هدفها ورسم سبيلها... قد يدمر العدو بعضاً مما بنيناه، قد يدمره كله، لكننا سنبني كل شيّء من جديد لأننا نمتلك الإيمان والإمكانيات، لتخرس ألسنة الداعرين عنه لأنه رجل في زمن الرجال فيه قليل... نصر الله... قد تستشهد لكنك لن تموت، لأنك ستعيش في قلوبنا إن لم نلتحق بالسبيل الذي رسمته للأجيال، قد تستشهد لكنك لن تموت، لأنك ستعيش في أبنائنا مثالاً أعلى نربيهم على أن يحذوا حذوك، لن تموت لأنك خالد بقلوبنا فالأعمال التي أنجزتها حتى اليوم تعيد لنا تألق وهج حضارتنا وثقافتنا... نحن أبناء الله نعم، أبناء محمد وعليّ والحسن والحسين نعم، نحن أبناء حضارة عظيمة تضرب جذورها في التاريخ عميقاً... نعم يا سيد المقاومة... أيها المثال يحتذى لكل العرب من الخليج إلى المحيط نصر الله، نحن معك، قلوبنا وعواطفنا، نرنو إلى اللحاق بك والسير على منوالك والعمل بأعمالك... تحية لمناضل، أحني هامتي لك وأقول.. شكراً لأنك أعدت لي اعتزازي بنفسي، إيماني بتاريخي، واعتقادي بحضارتي شكراً شكراً شكراً توفيق قربة |
العفو .. وللووو واجبنا ..
|
ما بعرف شو بدي قول بكرة ببان المرج
ولا بد لليل ان ينجلي |
مابعرف اذا لازم نشكرو او نئللو الله يسامحك ,,,,,,,,,,:(
|
تحية شكر وتجليل وتعظيم للرجل العظيم و السيد حسن ولرجالات حزب الله
|
الله ينصرك يا سيد نصر الله
|
الله الله يا الله احفظ حسن نصر الله
|
شكرا لالك على الموضوع ... الله يحمي نصر الله
|
بدون تعليق علشان ما حدااااااااااااااااا يزعل :D
|
اقتباس:
|
كل الشكر الو والله يقوييه بكفي انو الوحيد الي اهتم بالاسرى الي الكل ناسيهم من 20 سنة :(
|
إي والله شكرا، شكرا على ال300 قتيل-عالأقل- بلبنان، طبعا معظمهن اطفال، شكرا على النص مليون اللي تشردوا، شكرا على الأضرار السطحية اللي صاب فيها اسرائيل، شكرا على تدمير لبنان من أول و جديد، شكرا لأنو رجع لبنان 100000 سنة لورا، مشان هيك لازم نقول شكرا نصر الله؟؟؟؟؟؟؟؟؟
شو ماحدا عمبشوف الأخبار؟؟؟؟؟؟مشان شو اسرائيل عملت كل هالحرب علبنان؟؟؟ مشان 2 أسرى بس؟؟؟ ليش نخطفوا أصلا؟؟؟؟ مشان هالكام واحد بالسجون الاسرائيلية؟؟؟؟ هنن كام واحد؟؟؟ واحد، تنين، عشرة، عشرين، ألف، ألفين، لك شو ماكانوا، إنشالله لو كانوا عشرين مليون، مستاهلة نضحي بطفل أو طفلة منشانن؟؟؟؟؟؟؟؟؟؟؟؟؟ ما كان حاسبا نصر الله، ما كان متوقع إنو اسرائيل ترد هالرد، ولا كان متوقع إنو ما تعمل شي و تقعد مكتفة إيديها؟؟؟؟ ما نو عرفان اسرائيل مستناي حجة بسيطة لتضرب لبنان؟؟؟؟ بعدين مين عينو مسؤول بلبنان؟؟؟؟ مين سمحلوا يتحكم بالحرب و السلم بلبنان؟؟؟ مين عطا الحق إنو يقتل كل هالأطفال و الأبرياء؟؟؟؟؟؟؟ رح تقلولي هوي ما قتلهن، بس كان السبب بقتلن، مين سمحلوا يتحكم بأرواح العالم؟؟؟؟؟؟ شو مصاهر الله و انا ماني عرفان؟؟؟؟؟ شو عينوه رئيس لبناني جديد؟؟؟؟؟؟؟ بس كل شي صار بأكدلي 100% إنو نصر الله و حزبو مجرد عملاء و الهدف مننن حماية حدود اسرائيل من الشمال، و خلق الذرائع مشان اسرائيل تدمر لبنان بعد ما استقر شوي و بلش يتعمر. و لسا بتقولوا شكرا نصر الله؟؟؟؟!!!!!!!!!!!!!!!!!!!!!!!!!!!!!!!!!! |
اي بدنا نضل نقول شكرا نصر الله
لانو مو نصر الله اللي عم يدمر اسرائيل اللي عم تدمر اسرائيل اللي عم تضرب اسرائيل يلي حرقت قلبي وقلب كل انسان شاف المجازر بفلسطين ورددت حرقت قلوبنا بلبنان انا ماني مع نصر الله بللي ساواه بس مافيني حط اللوم عليه اصحوا ياعرب الحق على اللي عم يضرب فينا |
شغلة تانية شكرا نصر الله لانك فرجيتنا الحقيقة
|
اقتباس:
طول بالك شوي شو يعني هالحرب كان لابد منها سواء هلق او بعدين لانو اذا ما كبرت ما بتصغر وبعدين اي لبنان اللي عم تحكي عنو استقر ؟؟اي استقرار هيدا؟؟ انت مو شايفون كانو رح ينتفو بعض عالطاولة المستديرة ولك بلد متشرب الطائفية ومشبع منها الله يعينون بس اصلا يمكن هالحرب الحقيقة الوحيدة هلق اللي رح تخليون يحسو ببعض شوي والبنية التحتية بتتعمر والشهداء خلص ماتو وانتهى الامر والعايشين منهم بيعينون الله |
يعني ما بعرف شو عمبصير للعالم؟؟؟ يا أخي كلنا قلبنا محروق عاللي عمبصير، بس شو بإيدنا نساوي؟؟؟؟ نخلق حروب جديدة ما حدا بيستفيد منها غير اسرائيل؟؟؟؟؟ لك مين استفاد من كل هالعملية غير اسرائيل؟؟؟؟؟؟ مين تضرر غير لبنان، مين راح أطفال و أبرياء من شعبو غير لبنان؟؟؟؟شو صار باسرائيل؟؟؟ يادوب انتكشت نكش، قبل ما ننادي بحرية فلسطين و العراق، خلينا ننادي بحرية الشعوب العربية بالأول، مو شايف الحكام شو عمبيساوو بالشعوب؟؟؟؟لما تصير الشعوب العربية أحرار و قتا بحقلنا ننادي بحرية الأراضي المغتصبة، إذا حريتنا ما عمبنحصلها، لحتى نحصل حرية غيرنا؟؟؟؟؟؟؟؟؟
بعدين شلون ما بدنا نلوموا مع إنو هوي اللي عطا اسرائيل عذر لتضرب لبنان؟؟؟؟؟؟دخل لبنان بحرب مو لصالحها أبدا، و بوقت غير مدروس أبدا، و الله انضرت لبنان أكتر من اسرائيل يمليون مرة. بس كمان هادا ما بيعني إنو اسرائيل ما بتنلام، لأ بتنلام و ستين بتنلام، لأن هيي اللي صنعت حزب الله و هيي اللي صنعت نصر الله، و عنجد شكرا نصر الله لأن ورجيتنا الحقيقة، حقيقة حزب الله اللي هدفو حماية اسرائيل و خلق الذرائع للتدمير. |
اقتباس:
هلا شو مشانك انت ......قاعد ورا جهازك وعم تحكي ...انت لوعندك شخص قريبك واسرتو اسرائيل كناسمعنا صوتك وبعدين هوو مو بحاجة لحدا يسمحلو ولا ما يسمحلوو الحرب رح تصير ورح تصير ....واضافة لكلامك ...هات واحد عربي حقق جزء بسيط من ياللي حققو السيد حسن نصر الله ..........اكيد الجوااب مافي .لان ااكل تعود يقعد ببيتو ويعتمد على غيرو اساسا العرب من يوم يومهم هيم بدهم مين يطعميهن ويحقلهن امانيهن ...الواحد منا مو شاطر غير باللعي والحكي الفاضي بس هادا اللي منعرفوو نحناا ...ودخلك شو رح تفرء معك دام الكل تعود طعم الذل والاهانة ...لذلك الف مليووون شكر للسيد حسن نصر الله .........وبس انت تكون موجود بقلب الحدث والاخبار اللي عم تحضرها صحيحة هداااك الوقت تعال احكي .........اوووك...كلكلن هوون عاملينلي حالكن فاهمين الوضع وفلاسفة زمانكن ..بس كللو حكي بدون نتيجة ...يعني جعجعة بدون طحن ......................;-) |
[quote=أبو طريق]يعني ما بعرف شو عمبصير للعالم؟؟؟ يا أخي كلنا قلبنا محروق عاللي عمبصير، بس شو بإيدنا نساوي؟؟؟؟ نخلق حروب جديدة ما حدا بيستفيد منها غير اسرائيل؟؟؟؟؟ لك مين استفاد من كل هالعملية غير اسرائيل؟؟؟؟؟؟ مين تضرر غير لبنان، مين راح أطفال و أبرياء من شعبو غير لبنان؟؟؟؟شو صار باسرائيل؟؟؟ يادوب انتكشت نكش، قبل ما ننادي بحرية فلسطين و العراق، خلينا ننادي بحرية الشعوب العربية بالأول، مو شايف الحكام شو عمبيساوو بالشعوب؟؟؟؟لما تصير الشعوب العربية أحرار و قتا بحقلنا ننادي بحرية الأراضي المغتصبة، إذا حريتنا ما عمبنحصلها، لحتى نحصل حرية غيرنا؟؟؟؟؟؟؟؟؟
بعدين شلون ما بدنا نلوموا مع إنو هوي اللي عطا اسرائيل عذر لتضرب لبنان؟؟؟؟؟؟دخل لبنان بحرب مو لصالحها أبدا، و بوقت غير مدروس أبدا، و الله انضرت لبنان أكتر من اسرائيل يمليون مرة. بس كمان هادا ما بيعني إنو اسرائيل ما بتنلام، لأ بتنلام و ستين بتنلام، لأن هيي اللي صنعت حزب الله و هيي اللي صنعت نصر الله، و عنجد شكرا نصر الله لأن ورجيتنا الحقيقة، حقيقة حزب الله اللي هدفو حماية اسرائيل و خلق الذرائع للتدمير.[/quote] شفت بشووو شاطرين غير بالفلسفة والعلاك المصدي .........بعد كل شي هادا اللي بيطلع منكن ....دخلك الشهداء اللبنانيين بحزب الله هدول مين بيسئل عنهن .....ااااااه ....هدول اللي اسرتهن اسرائيل كماان مين بيسأل عنهن ....بس تجرب حرقة قلب الام على ابنها لما بيروح اسير مو معروفة وين ارضية ..هداك الوقت تعااال احكي .....................انا بتمنى منك انك تناقشني وما تعتبر الموضوع اساءة ...نقاش بنقاش .............اوك يا تقنعني يااا بقنعك .............;-) |
| الساعة بإيدك هلق يا سيدي 04:02 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون