|
الاسلام هو الحل .... ام هو المشكلة
شباب تحياتي:D ... يعني بلا طول سيرة يللي بدو يطلع بحالة العالمين العربي والاسلامي رح يشوفا حالة مزرية جدا من كل النواحي ... وطبيعي كل مواطن عربي او اسلامي بيتمنى يشوف بلادو من أحسن الدول ...
وبما انو الموضة الجديدة حاليا هي الجماعات التي تتبنى الفكر الاسلامي المتشدد هي الحاضرة بقوة في الساحة العربية و ترفع شعار الاسلام هو الحل بمواجهة الحكومات العربية والاسلامية يللي أكترا علماني .. وما الانتخابات الرئاسية في تركيا عنا ببعيدة حيث الصراع بين العلمانيين و الاسلاميين ينطرح السؤال التالي أين المشكلة .. هل هي ؟؟؟؟ في الاسلام أم في المسلمين ..؟؟؟؟؟؟؟ |
وبالمناسبة مين منا ما بيتذكر مقابلة الملك الاردني عبد الله مع الفاينتشال تايمز بال2005
لما قال "المشكلة ليست الاردن او الولايات المتحدة او السعودية ... ثمة مشكلة في صميم الاسلام". |
اقتباس:
أم في حكام المسلمين وفقهائهم |
لا في مشكله لا في الاسلام ولا في المسلمين بس شو في ناس بتكرهنا بتحاول دايما تثيرنا
بس من تحت لتحت واحنا دمنا حامي مش مثلهم جبناء وطوالي ما بنعمل حساب اشي وبرتفع صوتنا وتعلى أيدنا وقتها بفكرونا احنا اللي بدينا واحنا اللي عاملين الضجه. وفي مره سمعت بعرفش وين اشي مهم: اذا كان القاضي ضدي،لمن أشكو أمري؟ يعني امريكا اقوى دوله في العالم ضدنا،يعني ما في حدا نشكيلو امرنا لحتى يساعدنا وكل الدول خايفه من امريكا وبرضو بتصير ضدنا!!! لذالك ما في قدامنا الا نقاتل عشان نقبع هذا القاضي(امريكا).. |
يا بني آدم اتوقع انو مواضيعك زادت عن حدها
دير بالك على حالك و على سيرة المشكلة و الحل احنا ماعنا مشكلة غير انو مو مبعدين عن ديننا و دنيانا يعني علاقتنا مع الواحد الأحد الذي لم يلد و لم يولد ضعيفة و فوق هالشغلة ما عم نشغل عقلنا للتطوير الصناعي و التقني و......... و بالأحرى عم نشغل عقلنا بس أذناب اليهود و النصارى اللي عنا عم يمنعوا هالعقول من تطبيق اللي عم يفكرو فيو على عكس اليهود و النصارى اللي علاقتهم مع ربهم مقطوعة من زمان طبعا بس عم يشغلو عقلهم و في ناس عم تدعمهم و الحل أتوقع واضح لأي واحد بيفهم : عودة (للإسلام الحق) و دعوة (لأهل المعاصي و الملل الباطلة و النحل الزائفة و الجماعات المبتدعة للرجوع عن أباطيلهم) الحل باختصار : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لقد ضللنا طريقنا لذلك أصبحنا الأسوء .................... كما قال أخي نحتاج لعودة ولدعوة اسلامنا كامل مكمل نحن مسلمين أجساد بلا أرواح .......... عندما نستيعد أرواحنا الايمانية وقلوبنا النقية سنصبح الأفضل |
يعني برأيك في حدا من المسلمين رح يقلك انو المشكلة بالاسلام؟؟؟
فشي طبيعي رح تلاقي دعوة للعودة الى "الاسلام الحق" متل ما الشباب تفضلو وحكو سؤال صراحة مو كتير ذكي مع احترامي الكامل الك |
بتحب أقلك أنو الحل .. ننسا الدين و ننسا كل شي الو علاقة بالدين .. حتى نصير بشر
إذا بتحب لأقلك .. إذا ما بتحب شي برجعلك |
اقتباس:
لا و متأكد ......:? :shock: شو وكيلو ل الله انت ؟؟؟ |
معلم مافي حل للتخلف المستشري ببلادنا غير بفصل الدين عن الدولة ..... الدين للـ الله و الوطن للجميع ...... |
اقتباس:
مسلمين؟؟ |
صديقي العزيز .. والشباب الطيبة اللي نورت هالصفحة ..
قبل ما نبلش بجدلية العودة للدين .. وايا دين .. ايا شيخ .. لازم ننتبه لفكرة الشعار اللي طرح قبل سنوات وهو ( الاسلام هو الحل ) وبدأنا نلحظ حركات داخل مجتمعاتنا العربية ترفع هذا الشعار وتنادي به .. لكن هل يا ترى اولئك الناس اللي تبنوا هادا الشعار وجدوا الحل بالاسلام !! الاسلام هو الحل ... جاءت كدعاية لقصة الاسلاميين اللي انتشروا في السنوات الاخيرة .. من تنظيمات .. لأحزاب ... وكلها للأسف تدور في فلك الارتباطات المشبوهة !!! قبل ذلك .. كانت الشيوعية هي الخلاص .. والقومية هي الملاذ .. والليبرالية هي العلاج .. دوما كنا نتبنى شعارات .. وتبقى شعارات .. بما انو الاسلام هو الحل ... ( شو وضعها ) فتح الاسلام ...؟؟ سؤال لولبي .. أعرب ! |
العقل هو الحل
|
و أنا معك استاذ Willi
العقل هو الحل ... ان كان مسلم .. سني .. شيعي .. قبطي .. ماروني .. ارثوذكسي ... لا ديني .. درزي .. بوذي .. مجوسي .. المهم .... من اجل الحل ... هو العقل ... ستي الختيارة .. كانت تقول زمان ( الله يثبت علينا العقل .. والدين ) !!! وهو مثل قديم .. تعرفه كل منطقتنا العربية ... ومعلوم انو الامثال هي خلاصة تجارب للشعوب ... !!! |
اقتباس:
|
اقتباس:
قال عقل قال بلا ما نشغل عقلنا خلينا نتبع الدين بدون ما نشغل عقلنا لشو ما الو لزوم العقل يمكن اذا ضلينا هيك بعد كام سنة منتأقلم مع الوضع والعقل بروح من روس العرب هيك هيك ما عم يستعملوه لشو؟ ما الو داعي. وزن عالفاضي |
العقل عضو ضامر لدى جميع العرب لعدم الاستخدام .. و إن استخدامه في التفكير يعتبر شركاً أو كفراً .. لذلك يرضا عليك و عليه بلا هالحكي الفاضي .. بدكون تخلو العالم كفرة :x |
علينا اللعنة
|
| الساعة بإيدك هلق يا سيدي 11:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون