|
رايح اتجوز وحدة ثانية - مأساة أم قوانين اباحية
ببساطة بعد خلاف ربما بسيط مع زوجته التي ذهبت الى بيت اهلها و حردت كما يقولون طلب الزواج من بنت تعرف عليها منذ اسبوع - نكاية - بزوجته لا أكثر و لا أقل مع أنها ام أطفاله و الخلاف غيمة صيف عابرة و هو بحالة مادية غير جيدة ..لكن الانتقام و تكسير الراس يبدو هين باستخدام اكسير الضرة ... هذه قصة حقيقية شهدتها - لو كان القوانين المبنية على الشرع تتسم بموضوعية و لو لم يكن يسمح للزوج بالزواج بامرأتين بنفس الموقف لكانت حلت الأمور و هي ستحل بينه و بين زوجته و لكن لاحظوا هذه الثغرة دمرت عائلة و حياة فتاة غبية رضيت ان تكون زوجة ثانية لسبب هي مسؤولة عنه .. سوف يتركها لاحقاً لانه لا إمكانية لاستمرار هذا الزواج .. و لا ننسى حياة أطفال و ابنته المراهقة من زوجته قد تتدمر كلياً بسبب طيش سببه القانون ... |
والى متى ستبقى القوانين هكذا ؟
|
فعلا، تعدد الزوجات بعصر الانفجارات السكانية بات مشكلة خطيرة
و لحل هالمشكلة عندي اقتراحين لعن الله الثلاثة إما انو كل زوج بيطلعلو زوجة وحدة او ... تعدد الازواج |
اقتباس:
إلى متى لا أحد يعلم أنا أحبذ القوانين في تركيا و تونس - تراعي و تحافظ على الأسرة و على كرامة المراة |
مأساة أم قوانين اباحي
او شي هاي ما اسمها قوانين اباحية .. هاي قوانين سماوية ، حتى لو انت ما شايف انها سماوية ففي واحد تاني بمكان تاني شايف انها سماوية .. وشايف كمان (هداك التاني) انك ما شايف شي .. و انك ما شايف الإختلاف بينك و بينو .. وشايف انك بطعنك لقوانينو السماوي عم تتعدى صلاحياتك بكتير، هوي برأيو هاي شغلة ما بتخصك .. هوي مع ابناء جلدتو بوقت ما رح يعيدو التفكير ليس بالقوانين "فهي كما اسلفتك سماوية و نص" _بحد هذاك الزلمي_، بس رح يعيدو التفكير في تفسيرها _ليس اكثر.._ بس برجع بقلك هذا شيئ هوي مع نفسو مع ابناء جلدتو وملتو رح يشوفو الموضوع ويناقشوه و يعيدو صياغتو اذا لزم على طريقتون ، و محاولات الإملاء من الخارج بهيك مواضيع تؤتي أوكل سلبية جدا .. فإن كنت شايف بهذا شيئ مش ولا بد ، لا تستخدم هذا الإسلوب فإنت بهذا تعطل تحقيق ما تشير من تغيير ولا تخدمه بشيئ .. ** مثال: بمجرد طلع رئيس الوزراء الإسرائيلي "اولمرت" بفترة الحرب على البنان واشاد بموقع رئيس الوزراء البناني السنيورة، قامت الدنيا ولم تقعد ، من الفضائيات العربية للمحطات للمعارضة اللبنانية ، كلهم انقلبو على السنيورة مع انه لم يغير موقفه بشيئ لكن مجرد اشادة "المرت" بموقفه يعتبر بالساحة العربية على انه هذا الموقف من الكبائر، من المواقف السيئة جدا و المباعة للخارج .. فقط لإن اولمرت اشاد بموقفه .. الحساسية العربية من الغرب امست بأوجها ، والعرب و المسلمين منهم (المتدينين) على وجه الخصوص ينفوون كل ما للغرب وما في الغرب وينقدونه بقيمه جملا و تفصيلا ، واسلوب الإملآت الغربي هو بالظبط ما يولد ردة الفعل المعاكسة المباشرة السلبية لديهم .. يعني لو كان بدهم يعملو شيئ بمجرد يقول الغرب ليهم علمو كذا رح يبطلو كرمال "بعدو بروصهم معشش انو الغرب كلو مجتمع عم يتآمر عليهم ، الغرب كلو جاي يخلصهم الدرة الكنون والجوهر المصون .. دع هذا للمعتدلين منا .. و نحن كفيلين بالتغيير السلمي يما بهل المصلحة العامة (ومصلحتنا هنا طبعا اولا ..) .. |
اقتباس:
ما ذنب طالبة جامعية هي ابنته هي بأمس الحاجة للاستقرار العاطفي لتجد نفسها بالشارع أو ببيت جدها ... هذه النزوة المفاجئة ما كانت لتدمر حياة عائلة لو أن القوانين تمنع تعدد الزوجات .. ربما كان يعرف أن الطريق مقطوعة عليه - فيلغي الفكرة بدل أن يذهب لامراة هو نفسه تزوجها - نكاية بزوجته الاولى - و الزواج الثاني محكوم عليه بالفشل .. إلى متى سننتظركم أيها المعتدلون ؟؟؟ |
أولا شكرا على الموضوع
ثانيا لن نكون أعلم من رب العالمين الذي حلل تعدد الزوجات ثالثا لو ما كانت الزوجة مطلعة عين جوزها ما كان تزوج عليها رابعا أنا لا أدافع عن كل الرجال فهناك من هو مزواج فعلا خامسا انا مع قانون يمنع الزواج الثاني حتى يثبت الشخص قدرته المادية على الزواج من ثانية قبل عقد القران الثاني كي لا نقع في مشاكل عدم القدرة و هو شرط من شروط الزواج الثاني شرعا سادسا أرجو من الله العظيم أن يهدي كل المسلمين لما في الخير و شكرا |
مابعرف ليش بحسك كتير من الأحيان مو عاجبك شي بهالدنيا غيرنفسك وبس
يعني يلي بيعجبك وبيعجب تفكيرك العقيم ويلي مابيمد غير على مستوى صحن فول .......... يعني إنته برأيك إني قانون منصوص على حقوق شرعية هو واحد من إتنين إما قانون مأساوي أو قانون إباحي طيب قانون فتح كبريهات ومراقص وبيوت دعارة ........مو مأساوي أو إباحي برايك ولا قانون السماح بإقامة فتيات الهوى القادمين من روسيا و اوربا لنشر الدعارة و أمراض جنسية كارثية ...هادا قانون حضاري .......مو قانون أباحي..... نسبة مرض الآيدز كل مالها عم بتزيد من هيك قوانين بتهوي يا حبيبي اليوم إنته مالك عرفان إني في كتير نسوان ما بيجوا إلا هيك لإني في كتير نسوان عندهن إستطاعة يخربوا بيتهن وبيت ازواجهن من شان فستان سهرة الزوج ماعندوا قدرى إنوا يشتريه و هي بتعرف هادا الشي.......متل ما قال نابليون ......دائماً و أبداً إبحث عن المرأة ليش ما عم بتناقش مواضيع هي أهم من هيك بكتير الدين الإسلامي نص عليها و هي أساس الأخلاق و يلي بتأدي لأفضل المجتمعات و التاريخ بيثبت هالشي و إذا بدك بكتبلك كتير إشيا نص عليها الشرع بتعطي أفضل النتائج لمجتمع راقي بس للأسف صاير فينا دائماً بننتقد يلي طخا على الأرض من شان يشيل قطعة خبز من الأرض من شان يحفظ نعمة الله علينا و بنقول عليه هادا عم بيورجي طيزوا للعالم .يييي شو قليل حيا وقليل أدب حبيبي روح إنتقد قوانين كارثية نص عليها قانون عقيم منصوص على مصالح شخصية مو مصالح إجتماعية عامة تحياتي الحاج متولي |
بالبداية الي كم تعليق عالرود قبل ما ارجع للموضوع الاساسي ..
اقتباس:
اقتباس:
لو عرف انو الطريق مقطوع عليه " بالحلال " كان جرّب شي تاني - نكايا - ;-) ... اي ،، نرجع للموضوع الاساسي .. اقتباس:
كمثال على ذلك ، تعدد الزوجات ... يجوز شرعاً ولكن تحت ظروف + بشروط ( وحطّلي تحتها كم خط لكلمة يجوز وكلمة تحت ظروف - ما بعرف اذا الموضوع بيندرج تحت ديني لحتى عددلك كل الظروف والشروط ، بس ما لقيت حدا اتطرّق لهالشي باسهاب ..فـ قررنا انو لاء بلاها ... ومع ذلك لو حابب تعرف خبّرني وما عندي مانع قلّك ياهون بالتفصيل الاكتر من ممل ) ..المهم ، مو كل مين معاه مصاري صار يلاّ خلينا نروح نتزوّج مرة تانية .. ولاّ مل وداق خلقو وبدّو " يسترجع " شبابو بيقوم يلاّ خلينا نطرقا زواجة تانية ... لانو هالشي شرعاً حرام اصلاً .. بس العالم صايرين عم يتزاكو و يعملولك فيها " حربقة " .. متل شلون فيك تتحايل عالقوانين بالدولة بانك تطالع ثغرة بشي قانون وتحوّل القضية لصالحك ، نفس الشي عملوه بالقوانين الشرعية ... طبعاً هالشي ما بيصير ، بس هات مين يسمع .. |
أن لا أعلم لماذا يوضع اللوم دائما على الشرع الحنيف بهذا الموضوع .... إذا أعطيت صلاحيات ثم أسيء استخدام هذه الصلاحيات فعلى من يقع اللوم ... باعتقادي يقع على الشخص الذي أساء ....
عندما شرع التعدد في الإسلام شرع لمصلحة ولحل مشكلة لا أن يهدم بيوت ... واعلم أخي أن كل من يسيء استخدام حق شرعه الله له فهو محاسب عليه .... ثم لو لم نكن محتكمين لقانون الاهي أما كان من الممكن لهذا الشخص نفسه ولغرض تكسير الراس كما قلت أن يحضر أي فتاة وبدون زواج وأن يذهب معها فقط لغرض تكسير الراس ... ثق أخي أن هذا الشخص سيقف بين يدي الله دون حجاب وسيسأل عن كل ما فعله ..ربما يسامحه بحق من حقوقه ولكن لن يسامحه بحق من حقوق العباد .... |
| الساعة بإيدك هلق يا سيدي 00:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون