|
كيف تعيش بسوريا
الطريقة المثلى لتأمين دخل مناسب وبطرق مشروعة...في سورية!...شاركنا بتجربتك مواضيع للحوار إن لم تكن قد ورثت عن أهلك تركة تغنيك...وإن لم تكن مسؤولاً...وإن لم تكن مسجل خطر في ملفات القصر العدلي... إن لم تكن أحد النماذج الثلاثة السابقة...وإن كنت مواطناً سورياً، يحيى في سورية، ويريد تأمين دخل مناسب، مستقر، ومريح نفسياً وجسدياً، لا يتطلب ساعات عمل طويلة تصل الليل بالنهار، وترهق الجسد وتعدم النفس، وتضعف الروابط الأسرية...دخل مناسب يريحك من هموم أجار المنزل أو مصاريف الكهرباء والماء أو مصاريف مدارس الأولاد ومعيشتهم...دخل مناسب في كل ما سبق...وبطرق مشروعة.... إن استطعت تأمين دخل مناسب يتصف بكل المواصفات السابقة في سورية، فشاركنا بتجربتك... منقول حرفيا من سوريا نيوز بس حبيت حطو هون لشوف شو رأي الشبيبه وشو عندن افكار ليقدر الواحد يعيش بكرامة بسوريا بعيدا عن النهب والرشاوي |
اقتباس:
|
منقول من المنبر
|
يضرب هالمواطن عهيك عيشة
أو يلي وصلو لهون :cry: |
حبيب مو شرط تنطّ لآخر درجة في السلم دفعة وحدة ؛؛؛
و على ئولة المتل (( القناعة كنز لا يفنى )) يعني حبـّـة حبـّـة ؛؛ و على أد بساطك مدّ رجليك ؛؛؛ هلأ في شغلات كتير ممكن الواحد يعيش منها بشرف و بالحلال ؛؛ يعني بس بدها صبر الشغلة ؛؛ هلأ بتئلي شأد الواحد يدّو يستنّــى يعني ؟؟ خيّــو شو خسران ؟؟ كلهن عشر سنين و بتصير ما في متلك ؛؛ :melody: ® |
اقتراحي هو مارأيكم بالفائدة البنكية !!
يعني شخص متل حالتي الحمد لله الوالد جزاه الله خير أمن لي بيت لكن ليس لدي سيولة مالية فلكي لاأحتاج لأحد أغترب لمدة معينة وأجمع رأس مال مقداره مليوني ليرة سورية مليون ليرة بشوف فيها مشروع صغير على قد الحال ومليون ليرة أضعها بالبنك وأخذ عليها فائدة 7.5% وأصرف من الفائدة أو أنني أستثمر جزء من المبلغ بشراء محفظة استثمارية بشركات كبرى بالبلد متل شركة سيرياتل او شراء اسهم !! مارأيكم بفكرتي!!! أفيدونا أفادكم الله :larg: |
اقتباس:
اقتباس:
اقتباس:
اقتباس:
ليش ما الدوله بتأمن راس مال بسيط للعالم اللي ماإلها وظيفة او بتعطيهن راس مال صغير يبلشو فيه |
اقتباس:
اي بيمشي حالك وبيصير معك هالمبلغ بعد شي عشرين سنة وبس ترجع ع سوريا خببرني كيف بيستقبلوك |
اقتباس:
على قولتك مارح يضل شي بجيبتي:pos: |
بصراحة .. بدون رأٍ مال الموضوع صعب.. !!
لكن عندي تجربة .. مابعرف اذا مهمة ... !! من حوالي بضع سنوات .. كنت أعمل (نهارا) فترة كم ساعة يعني .. .. على طريق جسر الرئيس أبيع كتب مستعملة ( بسطة كتب ) .. ولمزيد من الكسب المادي ( بدأت ببيع مجلات وكتب سياسية ممنوعة ) ومجلات اباحية ) وكنت اشتغل كم ساعة بالليل ( عند ملك حلاوة الجبن ) او بالميدان جزماتية ( بمحلات الشاورما ) .. يعني هيك كان ماشي الحال معي ... مصروف مأمن .. ودخل تمام .. طالما انو مافي وقت لحتى نصرف !!! لكن الموضوع صار اصعب لما .. بدنا نتزوج !!!! |
اقتباس:
تماما هيك صار معي وقت كنت ادرس النهار بالدراسة ومن بعد الظهر لبعتد نص الليل شغل بالمطاعم بس وقت خلصت دراسة وصار اشتغل دوامين واجاني الجيش :sick: وصار الواحد عمر 20 سنة ولازم يفكر بمستقبلو اكيد مابيمشي الحال |
اقتباس:
انا من رأي تكبوا الشهادة وتشتغلوا متلوا :D |
اقتباس:
بشان لحق حالي وارجع عالبلد بركي بحصل شغل عندو بس على فكرة قبل ما سافر كنت حصل 15000 :larg: وشو رايك ماكانو يكفو :sick: بجوز انا بصرف كتير ما بعرف يمكن بس عنجد كتير يسلمو ع المعلومة :D صرت فكر ارجع ع البلد هلئ |
لاتنسو يا شباب إنو غندور وغيرو مابستوعبو مليون شب وشو نسيتو الصبايا ولاهنن كمان بدون بدون يشتغلو موزعات حبيباتي الموضوع بدو حل جزري:x
|
| الساعة بإيدك هلق يا سيدي 10:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون