|
آلة البزق الموسيقية ما أخدت حقها بالأغاني العربية!
بستغرب أنو العود والكمان والبيانو عم يستخدموها المطربين العرب بكثرة بأغانيهم بينما بنلاقيهم متجاهلين آلة البزق الآلة الرائعة يللي ما أخدت حقها بالأغاني العربية .. مع أنو في أغاني عربية سمعتها كتير وفيها لحن للبزق ولحن رائع ومتناسق كمان .. متل غنية رامي عياش (خليك) بألبومو الجديد .. طالعة معو حلوة بلحن البزق يللي فيها .. شغلة تانية .. المطربين الأتراك والأكراد متل تاركان ومصطفى صندل وإبراهيم تاتاليسيس وكتير مطربين أتراك أعطوا الآلة إهتمام كبير بأغانيهم مع إنها أغانيهم متشابهة مع أغاني المطربين العرب .. بس المطربين العرب لحد هلأ ما لاحظت بأغانيهم هالشي .. ويمكن كون أنا يللي ما عم تابع مطربين عرب إستعملوا البزق بحكم أني من يلي بسمعوا أجنبي وما بهتم بالأغاني العربية الجديد يللي مالها طعمة الصراحة!  |
ما في شي اخد حقو بالغنية العربي ..حتى الصوت (صوت المطرب ما أخد حقو)
على كل التجربة الرحبانية اعادت الحياة لهالالة الوترية الرائعة... |
يا عمي يلي بيعرف بيعرف و يلي ما بيعرف شو بيقول
قال البزق غير مستعمل و ما بعرف شو
على راسي اول شي راي الشباب الطيبة كلا و شكرا كتير romanista لانو خطر على باليك هالموضوع بس انا بعزف بزق من سنة 1991 و بتعرفي اذا واحد عشق الة موسيقية عادية كيف فاذا عشق البزق بيصير بغير دنيا عالخالص ما رح وجعلكون راسكون كتير بس مشان المطربين في زياد الرحباني و عاصي و جوزيف صقر و محمد عبد الكريم امير البزق و على فكرة اروع ما غنت فيروز كان ملحنا على الة البزق و اهم شي بكل القصة انو انا بحب البزق كتييييييييييييييييييييييي ييييييييييييييييييييييييي ييييييييييييييير و بتمنا كل الناس تحبو ميرسي :clap: |
اقتباس:
|
شكراً على الردود .. أنا إنشالله رح حاول روح بكرا على ساحة باب توما لعند إستديو المحطة مشان جيب كم سيدي أغاني فيها بزق لزياد الرحباني بس مشان شوف إذا بيعجبني أو لأ .. اقتباس:
|
اقتباس:
وبدك تشوفي اذا بيعجبك!!!!!!!!!!!!!!!!!!!! في اغاني لزياد بالاخوية!!!!!!!!!!!!!!!!!!!!! |
أول شي يا أخ أنا شب .. مالي بنت .. بس مشان تغير ال(بتعرفي) لبتعرف .. فرجينا إذا بتحسن تسمعنا كم شغلة لزياد الرحباني إذا بتقدر .. وبتكون مشكور كتير ! |
إذا بتحسن تسمعنا كم شغلة لزياد الرحباني إذا بتقدر .. وبتكون مشكور كتير !
يا اخي اول شي انا بعتذر اذا خربط مشانك انو يعني بنت و لا شب المهم بالنسبة لزياد الرحباني رح قلك شغلة زياد مانو و الله ملحن متل الباقي او مطرب متل الباقي او مسرحي مثلا متل الباقي يعني انا بشوف انو زياد هوي عبارة عن مبدع يعني فيني قلك كام شغلة بتقدر تسمعون لزياد و انشالله بتجي الايام و بقدر نزل شي من عزفي عالمنتدى لكن بقلك في غنية سلملي عليه لفيروز اسمعا و انتبه مظبوط عالبزق و في مسرحية بخصوص الكرامة و الشعب العنيد الموسيقا يلي فيا مليانة بزق و في غنية مش فارقة معاي على فكرة مش فارقة معاي متخمة بالبزق يعني فيا لعب مظبوط مظبوط و اذا انت موسيقي لازم تعرف شو معناتا على كل حال فرصة سعيدة بس بتعرف شويلي غشني حرف a بالاخير شكرا |
ياريت
اقتباس:
|
بالفعل البزق روعه ..
وبجنن لما بكون بلحن الغنية . بس البزق منو عربي .. مابيعطي اللحن العربي المعروف لهيك مابستعملو |
البزق مانو عربي هاد الكلام صحيح
اقتباس:
البزق هو عبارة عن عود متطور تطور بافغانستان و الدول في شرق ايران هلق هون في شغلة كتير مهمة :o انو اذا اجينا نعد كام الة عربية في بالتاريخ:cry: بيطلع معنا انو الالة الموسيقية الوحيدة العربية هي الربابة:sick: و يلي العرب لحد اليوم ما عرفوا يحطولا وتر تاني:larg: و بعتقد انو وقت يلي قصدتي الموسيقا العربية ما اجت على باليك الربابة منوب:yahoo: هيك بظن:D و رجاءا ما تحاولي تفكري بالعود ابدا لانو العود اساسو من المملكة الفارسية:shock: يعني ايران حاليا اي فعلى هالاساس البزق قريب للموسيقا العربية متلو متل العود بس النغمة يلي بتطلع عليه مميزة اكتر يعني الا خصوصيتا هي كل القصة:deal: |
اخي قليل المروة
اقتباس:
على فكرة يمكن ما نزلت عالسوق من زمان بس هلق في اختراع اسمو سيدي و كمان mp3 يعني بتلاقي عليه كل معزوفات محمد عبد الكريم على كل حال يا اخي انا وقتي ضيق كتييييييييييييير كتير بس اذا الله يسرلي و الله لنزلا و لعيونك يا طيب احلا شباب اخوية و شكرا كتير لفراشتنا الحلوة ميمو بحب اشكرا بشكل خاص و دايما:melody: مع انو الوقت مو مناسب و لا الموضوع بس شو بدي اعمل :oops: |
والله لبكتوني الصراحة .. رح حاول جيب سيدي واحد لمحمد عبد الكريم وواحد لزياد الرحباني بحاول قول للبياع أنو يكون فيه بزق .. مع أنو بالنهاية حاسس أنو رح نضل عالأغاني التركي الهادية مشان نسمع بزق! |
اقتباس:
كول مشبك و لا تتلبك هي اول شي بعدين شغلة تانية انت جيب التنين مو مشكلة بس الاهم من هيك انك تحاول تسمعون يعني تسمعون من كل روحك و انتبه منيح .......... روحك لانو اذا بدك تسمع بادنيك و بقلبك و كل هالشغلات يلي فيا تراب لا رجاع عالتركي متل ما قلت و النا الله بس بروحك بروحك يا اخي انا حبيتك على فكرة و بتمنى انو نلتقى |
تسلم يا غالي .. والله أنا الصراحة بحب الأغاني التراثية لأنو الرواق بيكون بهيك أغاني .. أو بالأحرى كل شي بوقتو حلو .. يعني أيام بيجي على بالي إسمع أغاني تركي كرمال هالآلة بس .. وأيام مصروع رسمي ملحوش بديسكوتيك قاعد عم إرقص متل المجنون! سلامات! :D |
الله يوفقك
اقتباس:
يعني مشكلة الصوت العالي ما بواتيني بيخليني اتوتر و الله بحب الرواق بس علىفكرة بحب الرواق يا اما بالعربي يا اما بلا كلام منوب يعني متل هدوء نسبي لاخي و صديقي زياد الرحباني:clap: |
والله عندي رفيق إسمو حسن . سمعني شريط كاسيت عود هادي بيجنن .. بس لحن للعود .. بصراحة بحترم هالناس يللي بتحب تسمع رواق طول الوقت .. وأنا بسمع كمان أغاني هادية بس مو دايمان!!
تحياتي! |
اقتباس:
ومشان موضوع على الإطلاق أنا شهادتي مجروحة بس إذا مالك سمعان غنيّة اشتقتلك بنصحك تسمعها لأنو قريبة من نمط حبّيتك أنا بس حبّيتك أنا فيها احترافيّة عالية. |
| الساعة بإيدك هلق يا سيدي 07:14 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون