|
طيب المساعدة والنصح من العرب المقيمين في روسيا
مسا الخير شباب وصبايا
انا بدي من العرب المقيمين بروسيا يساعدوني بالاجابة على هالكم سؤال : انا بدي اطلع عيش بروسيا علماً انو معي جنسية روسية فالناس يلي هون ما عم تنصحني وقالولي انو الحياة صعبة وغالية و .. و ... و ... الخ وانا لما بطلع على روسيا بطلع زيارة يعني ولا مرة انتبهت على هيك امور هلأ الاسئلة هية : 1- هل يا ترى عنجد العيشة صعبة وصعب الواحد يلاقي شغل وازا لاقى فالراتب ما بيكفي :sick: 2- نفس السؤال السابق ولكن ازا كنت طالب :gem: 3- الوضع الامني هنيك كيف ؟ :jakoush: 4- وضع الاجانب هنيك كييف ؟؟ وخاصة العرب !!! :frown: يعني ازا في مجال تحكولي كلشي وتساعدوني :cry: وشكراً سلف ! :lol: |
اضافة :
انا بدي عيش يا اما بـموسكو او بـتومين ! |
:cry: ليش ما حدا بدو يساعدني ؟؟
|
لا تخاف تلت أرباع الأعضاء ملتهيين بمواضيع الضحك والتسلاية وماحدا جاية على بالو يساعد حدا .. كل واحد عم يلحق شهواتو .. لا تلومهم شعب فاشل وحيات ربي ..
بخصوص الطلعة على روسيا فوالله ماعندي فكرة .. بس يللي بعرفو أنو كان في إلي رفيقة سورية معا جنسية روسية لأنو إمها روسية وعاشت بروسيا 8 سنين وكانت بتحبني وهلأ متخانقين ومابنحكي مع بعض أبداً .. المهم قالتلي أنو للأسف في عنصرية وخصوصاً من الروس المتعصبين وبعض المرات من اليهود هنيك إذا كان شكلك عربي أو بيعرفوك إنك مسلم .. هنيك في عالم ماعندها حياة يعني عايشين عالفودكا والعربدة .. يعني أضرب من غيرها ما بتلاقي.. والله نصيحتي إلك طلاع على غرب أوروبا ولا تطلع على شرق أوروبا الفقير يللي عايف ربو .. أنا قريباً رح تجيني فيزا زيارة عالنرويج والفيزا لمدة 90 يوم ويارب لاقي شغل وجامعة تقبلني هنيك .. الحمد لله إنكليزيتي منيحة وبحكي بلكنة بريطانية كمان .. والله ييسر أموري لأنو السنة الجاية اذا بقين هون يا بجن يا بنتحر هادا يللي بقدر ساعدك فيه .. ولو أني بتمنى حدا غيري يساعدك اذا في عندوا معرفة اكتر |
ما فيني فيدك بشي بس بدللك على رفيقي بالاخوية اسموgassan666 ساكن ببيوتربرغ ممكن يساعدك هو كل يوم بيفوت لهون
|
اقتباس:
بس بصراحة انا حابب مساعدة من النس يلي مقيمين هنيك وعايشين هنيك كتير لأنو انا كمان بطلع كل سنة او كل نص سنة بس طبعاً الزيارة مو متل الحياة الواقعية بس شكراً الك على كل الاحوال |
اقتباس:
وبشوف اليوم ازا ببعتلو برايف |
مرحبا اخي الكريم هلق انا بدي اسالك اول شي
بالنسبة للجنسية انت معك جواز داخلي (يعني بمكان الهوية الشخصية تبعنا بسوريا) ام بس جواز سفر خارجي ؟ وقديش عمرك؟وشو حاطط ببالك تجي تشتغل هون ؟وشو معك شهادة؟وانت بتحكي روسي ام لا؟ولسا في اسئلة بس لازم تجاوب على هدول اول |
انا برايي يا غالي قعود هون وحاج فزلكة شو بدك الحلا من سوريا يازلمة والله ما في منا بالعالم كلو خخخخخخخخخخخخخخخخخخخخخخخخخخخخخخخخخخخخخخخ
|
اقتباس:
2- عمري 20 سنة .. وكم شهر وبصير 21 3- ماني حاطط ببالي شو بدي اشتغل .. أهم شي عندي اني ادرس .. وحابب ادرس بالـ VGIK 4- حالياَ ما معي شهادة .. بس انا هلأ طالب اعلام سنة تالتة 5- بترغل ترغلة بالروسي .. وكمان بلا لكنة الا ببعض الكلمات ! ناطر باقي الأسئلة وشكراً لمساعدتك سلف ! |
اقتباس:
بزمتي انك أفحمتي ... خخخخخ بس نست قلك انو انا مو متلك : راتبي 17 الف وجامعتي ببلاش وعندي سيارة و... و... و ..... و...... الخ فلهيك قعود وسكوت وانا بعرفك منيح بكرا اول ما تصحلك شي طلعة بتروح |
اذا جاي تدرس رح يدرسوك كطالب اجنبي اما اذا صار معك جواز داخلي بتقدر تدرس كطالب روسي بس اكيد رح يعذبوك شوي بالاجراءات بس بتنحل ولازم تدير بالك اذا صار معك جواز داخلي من شغلة الجيش لان هون على اضرب من عنا بكتير بليلة ما فيها ضو بدون سابق انذار بيشحطوك عالجيش فلازم اول شي تضمن البسبور وبسرعة تسجل بجامعة حتى ما يصير معك مشاكل وانت طبعا بتعرف انو منشان تحصل على جواز داخلي بيلزمك اقامة بمكان محدد بالمدينة الي بدك تعمل فيها البسبور بالنسبة للشغل بس تكون معك الجنسية ومعك شهادة فلا تخاف رح تلاقي شغل بس الغلاء موجود طبعا وبجوز اكتر مشكلة تواجهك هيي السكن بعد ما بتخلص جامعة لان اسعار البيوت غالية وخصوصا بموسكو و لينينغراد ومتل ما عم قلك بس صار معك شهادة بتلاقي شغل و معك جنسية روسية بتدبر حالك بتطلع على شي دولة اوروبية بتشتغل هنيك وبتظبط وضعك ان شاء الله (وبالنسبة لباقي الاسئلة اختصرت كونك طالع تدرس)
|
اقتباس:
شكراً كتير الك على المساعدة طيب بتعرف شي عن مدينة تومين ؟؟ لأنو انا بيكون عندي السكن مأمن هنيك ! اما بالنسبة للغلاء فكيف الاسعار بالنسبة للرواتب ؟ يعني انا بروح لهنيك بس بروح زيارة فما بحسب يعني بدي تقلي بكل صراحة : نصيحة اني انتقل لروسيا ولا لأ ؟؟ |
بالنسبةلمدينة تومين ما بعرف عنها شي بس فرص العمل افضل بموسكو وبسان بطرس بورغ وبالنسبة للغلاء بالنسبة للراتب هاد بيتعلق بطبيعة عملك والشركة الي رح تشتغل فيها بشكل عام الرواتب عالية وعم ترتفع مع غلاء المعيشة بالنسبة للشغل انا يعني ما كتير عندي معلومات كوني ما حاولت اشتغل و اذا بتقدر تطلع على اوروبا فلا تجي على روسيا حتى للدراسة الافضل تدرس ببلد اوروبي وحاول اذا بدك تطلع على اوروبا اطلع بجوازك الروسي لان هاد بوفر عليك تعب كتير
|
شكراً كتير اخي الكريم على المساعدة والنصح
ولنشوف شو بيصير معنا من هون لنهاية هالسنة ! |
والله يا اخي زيرو كول لازم تشكرني الي لانو انا اللي جبتو لحيكيك من الماسنجر يا سيدي انشالله تتوفق هونيك ونصير نعيطلك ابو ناتاشا متل غسان
|
له لك جاك
والله شكرتك وعلى كل حال شكراً كتير كتير كتير الك وبتصيرو بتنادولي : أبو ايفان ! |
اهلا اخي الكريم وقلو لابو ليلى جان افندي حاجتك كبر معلاق
|
| الساعة بإيدك هلق يا سيدي 19:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون