|
ليش بيهاجر الشباب
هلق بيقولو انو الدول الاوروبية احسن من هون طيب ليييييييييييييييييييييييش ؟
عندن مي عنا مي صحي بتنقطع كل يوم بس يعني في . عندن غازعنا غاز صحي الو شهرين تلاتة مقطوع بس في. عندن فيول عنا عنا فيول اكتر من الهم عالقلب بس يعني استنى الدور عالكازية بتاخد و الشغلة بالدور مو بالزور . عندن طرقات عنا اكتر منهن طرقات و من كتر ما عنا طرقات ملينا منها صرنا نحفر فيها عالرايحة و الجايي . عندن الشغل تمن ساعات بس اي نحنا من كتر ما منحب الشغل ساويناه طنعشر ساعة يا اخي نحنا منحب الشغل مو بايدنا و اربع ساعات شغل زيادة مو مشكلة . بتاخد راتبك هونيك باول الشهر و ساعتك بتقبضها قد هون عشر مرات .هون كمان بس نحنا عصاميين يا اخي من يوم يومنا عصاميين و ما منحب المصاري شو بنساوي الله السلام لاسمو هيك خلقنا ما منحب المصاري . يعني منحب نتعتر و نشحد و نتدين . عدين الدين حلو لكتير شغلات 1. بتعرف الصديق الصدوق اللي بيدينك 2.بتحس انك مندفع للشغل اكتر لتسد دينك و بيحببك بالشغل الدين بيخليك تحب الشغل و من كتر ما بتحب الشغل بتصير تشتغل شغلتين و بعدين شو فيها اذا اوروبا متطورة زيادة عنا شوي ما نحنا عم نركد عم نركد ركدلنلاحق الحضارة ركب الحضارة نحنا راكبينو بالطول و بالعرض مو مخليين منو سنتمتر الا و راكبينو و يعني هيي كلها منغمض عين منفتح عين بينقلعو التنتين و منصير متحضرين و منشوف بعيون واسعة الحضارة عنا . لهيك انا بقول لكل شب بدو يسافر اصبر لا تسافر الا ما احفادك يعيشو عيشة كريمة و اذا مو احفادك احفاد احفادك ما كلها نفس العيلة انت ليش مكبرها كل هالقد و الصبر مفتاح الفرج . شكرا الكن لانكن اتحملتونا و قريتو الموضوع هل البعض ممكن يقول انو مطروق هوي ممكن يكون مطروق بس هاد انا كاتبو من زعلي لاني مسافر بعد كم يوم شكرا |
هل اول شي بيقولو انو الدول الاوروبية احسن من عنا ما عرفت عدلها اصلا الي شي شهر مو عرفان دور و حوص بهالموقع صرت عامل تلت يوزرات لمشي الحال
|
اقتباس:
الشباب رح يتجوزو و يصرلن أحفاد رح يتجوزو رح يتجوزو شن كلله وشن كلله والله يعينو على هلليله و من هلليه صرلو عيله |
بيهاجرو لانهم لا يعرفون مصالحهم وين تكون
و بالاخر يتغربوا و يرجعو يتمنظرو علينا و هما هناك ولا يسوو بصلة |
يعني الحقيقة حكاية الهجرة ربما تبدأ بسبب رؤية الشاب ان المطلوب منه في الحياة وفي مطلع عمره أكثر مما يتحمله ولا يستطيع بحال من الأحوال أن يحصل عليه
يعني مثلاً شب تقدم لخطبة بنت فالمطلوب منه ان يكون عنده بيت مناسب وسيارة وعمل وراتب جيد قادر من خلاله توفير حياة ستايلش لزوجته ويرفهها تماماً كما كانت في بيت أهلها وأفضل يعني الشب يلي بالعشرين من عمرو كيف بدو يأمن كل هاد وإذا أمنوا بالفعل سيقال بكل بساطة أنو أهلو أمنو وجوزوه وهاد الشب بيطلع مو شايف شي بالدنيا مالو مدعوك بيقعد سنتين زمان مع مرته وبيطلقها لأنو ما بيعرف قيمة النعمة ولا قيمة المصاري أما الشب المتعتر متل حكايتنا يلي يادوب مأمن مصروفو منين بدو يجب حق بيت وسيارة ويامن شغل وجهاز وضراب سخن بيهاجر وما بيرجع إلا ومعو سنيورة طليانية وعتبك عليه إذا بيرجع |
:sick:
اقتباس:
|
[quote=عمرو الحسيني;927405]
يعني مثلاً شب تقدم لخطبة بنت فالمطلوب منه ان يكون عنده بيت مناسب وسيارة وعمل وراتب جيد قادر من خلاله توفير حياة ستايلش لزوجته ويرفهها تماماً كما كانت في بيت أهلها وأفضل طيب يعني كل اهل البنات اغنياء اختو لهادا الشب ما بدها تكون متلو بعدين سفر مشان الجواز اللي بدها تحبني لمصاريي عمرها |
يا سيدي ما بدك تسأل العالم ليش بتطلع لبرا
بدك تسال ليش الشباب لسعتها باقية بالبلد وما عبتطلع لبرا |
اقتباس:
|
مشكلتنا كشعب متخلف بيفكر أنو النعيم وطاقة الجنة رح تنفتحلوا بهاللزقة الفيزا يلي رح تنحط عجوازه ليروح يهرب من الجيش ويتنغنغ بالغرب
مفكر الروحة عالغرب سياحة متل ما بيشوف بالأفلام مو رايح يشتغل متل الحمير الطرادة من الصبح لعشية متل الخمل الهمل الموظفين يلي عنا الواحد منهون بيشتغل نص ساعة بالنهار وكمالة الدوام بيقرقع متة هالبلد بدها من يعطيها ويخدمها ما لها بحاجة مين بس بدو يهرب منها ويستقلع منها ومن شعبه يلي حضنو كل هالسنين |
[quote=عمرو الحسيني;931011]مشكلتنا كشعب متخلف بيفكر أنو النعيم وطاقة الجنة رح تنفتحلوا بهاللزقة الفيزا يلي رح تنحط عجوازه ليروح يهرب من الجيش ويتنغنغ بالغرب
اول شي نحنا مو شعب متخلف تاني شي حلوة الوطنية بس مو ع حساب الانسان يعني اذا بدنا نتعامل كحيوانات و نشتغل كحيوانات ببلدنا لا ما بدي هالبلد نحنا بدنا نحس بانسانيتنا مو اكتر |
الشباب ليش بتهاجر؟ أول شي بتكون الطلعة على أساس دراسة بس ليجيب شهادة ويرجع
أو مشان شغل لأن عايش هو ببلد البطالة وعأساس لما بيصير عندو أساس مادي منيح بدو يرجع بيجي الشب على الدول المتقدمة بيلاقي مستوى معيشة غير لما بيروح عالدوائر الرسمية ما في تعال ارجع بعد اسبوع بالجامعة المستوى العلمي عالي جداً ومافي دكاترة معقدين هاويين ترسيب الطلاب هي ما عدا التأمين الصحي وغيرو ما عدا أنو اذا اشتغل راتبو بيكفيه ليعيش حياة كريمة بدون ما يشحد من اول اسبوع من الشهر الشعب ما حدا بيتحرش بحدا وبيتدخل بشؤونو الخاصة والاهم من كل هالشي بيحس حالو انسان والناس بتتعامل معو على هالأساس فالسؤال مو ليش الشباب بتسافر السؤال ليش الشباب ما عم تريد ترجع إلا في حالات معينة وبتكون متعلقة بالبلد اللي سافر عليه أخونا اقتباس:
بس هيك الحياة كل مرحلة بتتطلب تغيرات معينة وبعض الخسائر لحتى نتقدم فيها ما بعرف شو سبب سفرك بس انشالله يكون لخيرك ولمستقبلك :D |
أكيد نحن شعب متحضر وغير متخلف بالمرة ويلي بيقول هيك بيكون مو فهمان وين الله حاطو
بتمشي بالشارع بتلاقي النظام والسيارات ماشية بدورها ما حدا عم يطحش على حدا بتروح على الأماكن السياحية لتبيض وش أدام الأجانب بيقوم بيسود وشك عالزبايل يلي مالية الشارع والجرادين يلي عم ترعى فيهون بتركب بالمكاري وباصات الدولة الحضارية يلي بتمشي بالطاقة الشمسية وما بتلوث البيئة أبداً وهي مثال للرقي الفكري يا عمي باليابان ما وصلوا لهالحضارة بتوقف عالإشارة الحمراء الصبح بكير بتلاقي عشرين زمور طلع بظهرك أنو امشي ما في شرطي عم يراقب أول ما يلتقي تنين على خناقة بتلاقي التهذيب والأخلاق الجمة في التعامل والألفاظ المنتقاة من قواميس اللغة بتنزل عالسوق بتلاقي الشباب والصبايا عين أم صالح تحرسهون بالفعل نحن شعب إلو أرقام قياسية بالحضارة والقيم والمبادئ والأخلاق تانياً إذا لبلدك ما لك مستعد تعمل خير وتخدمها فما حيطلع منك خير أبداً يعني إنت إنسان وبني آدم وغيرك بني بقر ولا بني جمل هادا واقعك ببلدك بدك تتعايش معه وتفهمه وتحاول تصلحه اما أنك تهرب وتمشي فهذا دليل على أنانية |
ان الهجرة الحالية لها عدة اسباب اولها الهروب من المسؤولية لو كل شب بحس انو بلدو غالي علية ويحاول يعمل شي للبلد كان البلد صار غير بس كل واحد بحس انو عندو فكر وامكانيات مميزة بروح فيها للخارج
وكمان يلي بحاول يهاجر ومستعد لاي عمل وبذات الوقت غير مستعد ان يعمل ببلده ذات العمل |
اقتباس:
|
اقتباس:
|
بكل دول العالم يوجد ناس ضعاف النفوس ويستغلون منصبهم للاستفادة منه ولكن يجب ان يكون الشعب واعي لهذة المسالة ويتابع امور وطنة ويهتم بما يجري بمحيطة وللاسف الاغلب دايرين ضهرو وكل واحد شو ماصحلو بيشفط ولا رقيب ولا حسيب ونيالو يلي بصير بهيك بلد مسؤول او شي اذا صار وحسو انو عبسرق اكتر شغلة بسرحوة والشعب للاسف مو حاسس بشي ولا في محاسبة ولا هم يحزنون بس الشعب لازم يتحمل جزء من المسؤولية الكل دايؤ ضهرو اذا اهتمت الناس بداية من الانتخابات البرلمانية وحاولة افراز ولو 10 بالمئية بداية احسن من بلا القصة بدها حس بالمسؤولية
|
سوريا جنننننننننة ..
انا شخصياً .. ولا بفكر سافر لـ برا .. البيت يلي بناه جدي و حافظ عليه أبي ماني مستعد أتركو لـ سافر عـ اوروبا .. مع انو بيطلعلي سافر عـ السويد هلا .. و بيطلع لـ عايلتي كلها تهاجر عـ كندا و هلا .. يا جماعة سوريا جنننننننة |
| الساعة بإيدك هلق يا سيدي 20:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون