|
اكثر من اي زمان هيدا زمانك
يعني رغم ان الاهداء راح يكون غريب بس اول شي بدي اهديها لحالي وبعدين لصديقتي ديمة رغم كل العقبات بس اكثر من اي زمان هيدا زمانك
خالد الهبر ...اكثر من اي زمان اكثر من اي زمان هيدا زمانك اقرب من اي مكان هونة مكانك حاجة تفتش عن كيان هيدا كيانك حاجة تتطلع وراك اطلع قدامك اكثر من اي زمان هيدا زمانك وقاعد ناطر مدري شو ومدري منين الناس الي كانوا حدك صارو فتش وين وانت قاعد عم تتفرج ناطر يمكن بكرا بتفرج انت وحدك قاعد عارف منو ...اكثر من اي زمان هيدا زمانك ياحزب الناس الموعودين وين وعدك الناس الي صارو منسين كانوا عندك شبابك صاروا بمطارح وانت في مطرح لوحدك عهدك قطعت لمين وين عهدك وانت وحدك قاعد منك عارف انووو اكثر من اي زمان هيدا زمان هيدا زمانك ياامل الي مقهورين امشي دربك كل الفقرا كل الشعرا عيونهن صوبك كل الي ماعندهن طوايف والي عالمستقبل خايف شوف اطلع قاعد منك شايف انوو... اكثر من اي زمان هيدا زمانك اقرب من اي مكان هونة مكانك حاجة تفتش عن كيان هيدا كيانك حاجة تتطلع وراك اطلع قدامك اكثر من اي زمان هيدا زمانك |
مينو هيدا ؟
|
اقتباس:
هاد اسم خالد الهبر فنان يساري كتير معروف بس الشباب اليسارين للاسف ان اذاعاتنا بطلت طلع اغانية واغانية الشباب الباقين لان الحانهن بتفسد الذوق العام السائد بمجتمعنا يعني هيفا ودانا بيجملوا الشاشة ...شو بدنا مرسيل واميمة وخالد؟؟ |
انا حقيقة كمان ما بعرفو...بس ممكن تحط صورة الو
او بالايام المقبلة انت تهتم تحط اعمال الو..لعل وعسى تخلينا نعرفو وتعرف اللي ما بيعرفو عليه وكلمات حلوة..مية وردة |
انا بصراحة ما بعرفوا بس لح جبلوا كم سيدي من الخيمة يلي بالقيمرية ...ومنسمعلو ...:oops:
اذا نفس ذوق مارسيل واميمة والشباب البقايا اكيد بسمعلو ....:D |
الغريبة ان في اكثر من 4 مواضيع بقسم الاغاني عن خالد الهبر
وخلال الاسبوع الماضي كان في موضوعين عنو :pos: بكل الاحوال هدول شوية فيديو من حفلة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبالنسبة للاغاني كمان هاد رابط من الاخوية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وطبعا كل الشكر للرفيق ابو سمرة الي عنجد اتعذب كتير لنزل هالاغاني يعني بنصحكن بهالكم غنية لالو ... ابو عجقة شارع الحمرا رفيقي صبحي الجيز اكثر من اي زمان هيدا زمانك احبها اتمني لكم استماع ممتع اممي :D |
قصدي المقصود بالاغنية مين ؟
|
اقتباس:
الغنية كانت موجهه للحزب الشيوغي تي فيق من سباتهن لان بالفعل اكثر من اي زمان هيدا زمانن |
| الساعة بإيدك هلق يا سيدي 16:54 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون