اقتباس:
|
لا والله الي افرقت معي .. انو كتب هالمقال ليهاجم جماعة اسلامية وبس .. مع انو هالظاهرة متفشية بمصر كلها .. يعني مو بس جماعة اخوان المسلمين .. لو انتقد المجتمع المصري .. ما في عليها حكي ..
|
أها... يعني بدل ما تناقش فكر اللي عم يحكي تعمل محاكمة نيات و تطلع بنية الكاتب العاطلة و خلص تعتبر حالك انتصرت
اقتباس:
|
بس على حد علمي .. في احزاب علمانية موجودة بالمعارضة ..
|
عم نحكي عن وجود و ثقل برلماني... و بهالشي مافي غير الحزب الوطني و الاخوان المسلمين
اقتباس:
لا بنستقبلهم احلى استقبال ...
بجوز انت مفكر انو الدين محصور على الاسلامين وبس .. ليش شو مع المسلمين ...
|
فكر قمعي... ما عندي شي تاني احكيه
اقتباس:
|
يعني حسب رايك .. اذا ممكن تعطي نوال السعدواي الحق في حرية التعبير ..
|
حرية التعبير مانها ملك لحدا لحتى يعطي لنفسو الحق بانو يعطيها أو لأ... اذا بدك تقعد تنقّي لمين تعطي و لمين ما تعطي حسب ملائمة حكي هالشخص ما صفت حرية تعبير... صفى غير شي
اقتباس:
يعني بفهم من كلامك اذا في شخص سوري قاعد في سوريا .. وبكتب عن سوريا انها دولة ارهابية ولازم تدميرها ..
فبتقوم انت بتعطي وسام شرف .. تعبيرا عن حريتة !!
|
حرية الانسان مانا وسام شرف.. حرية الانسان حق مكتسب.. هاي أولا
و بعديك كلامك تخويني من الدرجة الأولى... نوال السعداوي انتقدت فكر و ممارسات الاسلاميين بمصر... هاي مانها جريمة و تحويل هالشي لجريمة هو ارهاب فكري... و التناقض انو الارهابيين الفكريين هنن أول الناس اللي بيلطمو و يولولو لما حدا بيحطلهون حد لارهابهون, و حجتهم حرية التعبير... كيف يعني؟ حرية التعبير بس لألك؟
اقتباس:
|
الاحزاب الشيوعية والعلمانية .. الها صراع تاريخي من الجماعات الاسلامية .. وهذا اشي معروف ..
|
صراع فكري يحوّله البعض الى صراع من نوع آخر بفضل التكفير و الديماغوجيا السياسو-دينية
اقتباس:
|
مع اني بشوف انو صراعهم مع الدين الاسلامي مو مع الجماعات الاسلامية .. لانو الدين مو محصور للجماعات الاسلامية فقط ..
|
أي هيك بتحل المشكلة تبعتك... بتقول انو هالناس اللي عم ينتقدوك عم يهاجمو الاسلام و بالتالي خنق تعبيرهم و اسكاتهم حق مشروع .... هاي ديمقراطية الاخوان و أغلب الجماعات السياسية الدينية
اقتباس:
في هالحالة بدك من المسلمين بتقبلوا فكرة نوال السعداوي ووفاء سلطان .. !!!
الي كل عباراتهم .. الدين الاسلامي دين الارهاب !!!
|
لأ مو صحيح... مو صحيح و مو صحيح... نوال السعداوي ما تدخلت بالجوانب العقائدية... نوال السعداوي هاجمت التطرف اللي صار بمصر و الممارسات اللي صارت...
و حتى لو متدخلة بالعقائد.. ما حدا يحقلو يسكّتها و يقمعها... ليش في مشايخ بأعلى المنابر نازلين رقع بالعلمانية و ربطها بكل مفاسد الأرض و الانحلال الاخلاقي .. هدول معليش يحكو بس اللي يقرب ع فكرو دمو حلال؟؟؟ شو هالمنطق؟
اقتباس:
|
ما تقولي في اوروبا بتقبلوا الهجوم على دينهم .. باسم الحرية ..
|
بعتقد ما جبت سيرة أوربا لتبلش تحكي عن أوربا... هاد حديث ثاني تماما
اقتباس:
|
في اشي اسمه احترام ديانات ...
|
ما هو هاد اللي دابحنا.. هاد اللي كاسر ظهرنا من هالمنتدى و هلّم جر... باسم احترام الأديان يشتغل الارهاب الفكري ع أبو جنب... مو لأنو اللي عم يحكي عم يحكي عالدين.. يكون يحكي أي شي بس يجي واحد ما عجبو الحكي رأسا يطالع من تحت الأرض صلة دينية بالموضوع و يشتغل التكفير و الغلط و الاهانة...
احترام شي... و ارهاب فكري شي آخر... و لا تنسى انو قبل قبل كل شي... الاحترام متبادل... يعني ازا انت متدين و نازل خلع بالعلمانية عالطالعة و عالنازلة و تغلط على كل شي علماني و تطعن بأخلاقو و مبادئو لأنو علماني ما بيطلعلك فرنك احترام... مافي فكر أسمى من فكر تاني و ازا فكرك مقدس احترم انو أفكار الأخرين كمان مقدسة
اقتباس:
|
حتى المسلم الي ما بحترم دين غيره .. بكون غلطان ..
|
أي غلطان.. حبيتها هاي... لا تعليق