اقتباس:
|
حقي اطعن وحقي اتهم بس مو حقي قلل احترام وبتخيل اني الحمدلله ماعملت ها الشي
|
بفهم من هالحكي انو من حق أي واحد يجي يقلك دينك خرافات و خزعبلات و يغلط على معتقدك كون اذا من حقك تطعني هو كمان من حقو يطعن... ما هيك؟
اقتباس:
|
من شي سنة او اكتر ببرنامج وثائقي على الجزيرة طلع واحد كندي ماسوني وقال انه هدد بالقتل اكثر من مرة اذا تخلى عن الماسونية او رجع لشي هنن بعدوه عنهامابدي ادخل بتفاصيل القصة لأني مو ذاكره منها كتير
|
و كون واحد ماسوني كندي حكى هالشي ناخدو كأمر واقع؟ يعني لو يجي 100 ماسوني يقولو غلط هالحكي ما رح تصدقي.. (ما عم دافع عن الماسونية.. انما عم أنتقد المنطق هاد)..
معناتو لو تطلع النائبة الهولندية هاي اللي أصلها صومالي و تبلّش كلام طالع نازل عن الاسلام لازم ناخد بحكيها كمان؟ لأنو كلام الماسوني الكندي السابق يحتمل الصواب مثل كلام هالنائبة.
اقتباس:
|
كيف هي ورجيني التناقض بردودي لعترف بغلطي او حاول اشرح اكتر
|
حقيقة العلمانية... مقالة لأبو دجانة.. مصادرك كلها معادية للعلمانية و تتبنّى الفكر الديني الاحادي.. أي صيغة تانية بتقولي هدول بيحكو عن حالهون هيك مشان يخفو حقيقتهون ... الخ
على راحتك
اقتباس:
كلو من بعضه صح لكن انا قلت انو بيتشابهو باشياء يعني في اشياء اكيد مابيتشابهو فيها
|
كلو من بعضو... و صح كمان...
لا تعليق على عمق التحليل
اقتباس:
هلأ ماعرفتك
او يمكن كنت مابعرفك
ماني نبي ولا شيخة ولا راهبة لقدس فكري واجبره على الناس
مابتعرف بجوز مقدسة افكاري بس بيني وبين نفسي
مابعترف لحدا انه فكره حقو فرنكين لكن ممكن بيني وبين نفسي حس هيك
صفات الاخلاق و انحلال الاخلاق هي واجب الشخص اما بيفرض الناس عليها
او بيجبر الناس تتهمه بها الشي
سبق وناقشت بمواضيع اكبر من هيك عن الاسلام هون باخوية وبراتها وبعد الشي يلي صار قررت ماعاد خوض بنقاشات عن الاسلام تحديدا لأني بعترف اني مستحيل اقتنع ولا اقنع
|
لأ بتصوّر لحسن حظك ما بتعرفيني..
حضرتك بموضوع بمكان آخر قلتي انو "ياريت أخوية محافظة عالهوية المسيحية.. كان عالقليلة فيها شوية أخلاق" صحيح و للا لأ؟ طيب هيك أنا كلاديني عم تنفي عني صفة أخلاقية (عدا كلامك عن أخوية اللي رغم انو يمسني كاداري بس ما كتير بيهمني بصراحة)
بمكان آخر قلتي انو كل واحد يتعاطف مع المثلية هو شبه حيوان بدون شرف و لا أخلاق (و لما سألتك اذا متأكدة من كلامك رديتيلي انو ما قصدك علي كشخص و انو يجوز تسرعتي بس كلمة تطلع منك ما بتسحبيها...
هلأ هون بدي اسألك. صار و للا ما صار؟ و ما بدي أرجع أفصفص كم مرة حكيتي كلام جارح مس كتير ناس..
و على حد علمي ما عم نناقش الاسلام هون... كنا عم نحاول نحكي عن العلمانية بس انتي بدك تناقشي اعتبارا من أساسات واهية... انو اللي بفهمو من حكيك انو أوكي تعو نناقش بس في مسلّمات و هي انو العلمانية مشتقة من اليهودية و كلام واهي تاني... و ما عم تثبتي هالشي... فكيف بدك أناقش ع أساس مانو موجود؟
أوكي ما اختلفنا... بس لما تهيني العالم و تقرري مين خرجو نقاش و مين بيعرف و مين ما بيعرف بتصفي مشكلة عامة... لأنو كبداية ما اعتقد حدا عندو هالحق لحتى يقرر و ثانيا ما بعتقد انك دخلتي هالموضوع بمنطق نقاشي لحتى تقولي هيك عالناس... لأنو لو المقالة ضد الاسلام كان هبو كل العالم و غلطو ع صاحب الموضوع... و عالأغلب ما كان قلتي انو ما بيعرفو يناقشو