اقتباس:
ثلاث خطوات كانت تفصل الرئيس السوري عن إيهود أولمرت!!!.
أين الصمود و التصدي و الممانعة و المقاومة؟ أين الوفاء لدماء الشهداء؟ أين جولاننا؟؟ أين أسرانا؟؟ أين شعبنا من هذا الموقف؟؟
|
ما اعتقد الموقف يحتاج الى كل هذه الدراما ؟! و اللعب على الوتر الحساس من اسرى و جولاننا و دمائنا..
اللي صـار انو الأسـد ما سلّم على اولمرت و المفاوضات مع اسرائيل تمّ الاعلان عنها سـابقا من فتره شي شهر يعني هو ما عم يخبّي شي عن المفاوضات مع اسرائيل , يعني باختصار
اكتر نحنا بهمنا العنب قبل ما يكون بدنا نقاتل الناطور
في اولويات بتنطرح و بناء عليها بتنطرح المسؤوليات و بتم تحديدها
اقتباس:
كيف وصلنا إلى زمان يعتبر فيه الوقوف بجانب أولمرت و إجراء المفاوضات معه هو الشرف و الوطنية بعينها وحب الوطن وحرية الفكر و التعبير والنقد البناء في سبيل عزة الوطن هو الخيانة و التآمر الذي يعاقب المنادون بهم في المعتقلات وأجهزة المخابرات...
لم يصل أحد من المعتقلين السياسين في سوريا ومهما كان عميلاً وخائناً وموهناً للشعور القومي إلى هذه المسافة من أولمرت رئيس الحكومة التي قتلت شعبنا في الجولان و لبنان وفلسطين...
لم يفاوضه أحد منهم ... و لم يستمع أحد منهم إلى خطاب من أولمرت بشكل مباشر... ولم يتناول أحد منهم الطعام معه على طاولة واحدة... كل هذا حصل في باريس !!!
|
!
مااتخيّل طريقه هالربط بين السـياسه الخارجيـّه و السـياسه الداخليه امر منطقي ولا بشكل !!
كلنا بنعرف انو مش بس الأسد هو اللي عم يسيّر السـياسه الداخليه و يتـحكّم بزمام الامور و كلنا بنحمل بعض اللوم تجاه هالمـوضوع لكن السـياسه الخارجيه و لحد الان تُـرضي الـشعب الـسوري كما اعتقد .
الـشعب اكيد ما بدّه حرب و مش جاهز مدنيا لذلك , اتخيل. خليـني خبرك انو ما من مصلحه الشـعب انو تقوم كل الدول و خاصـه دوله متل فرنسا بمقاطعته
ثمّ لوم الحكومه على غلاء الاسـعار و لومها في حال حضرت مؤتمر متل المزكور .. لقلّك انو من فتره رحت بدي ابعت رسـاله عسـوريا بأحدى المؤسسـات الخـاصّه مش العامه مع العلم يعني , و لمّا قلتلها سـوريا قالتلي ما عنا علاقات مع هي الدوله ..
السـياسه فن مش حرب و بس
اقتباس:
ألم يحن الوقت لمصالحة و مصارحة وطنية شاملة؟؟
ألم يحن الوقت لتسمية الأسياء بمسمياتها؟؟
ألم يحن الوقت للإفراج عن المعتقليين " الخونة العملاء المضعفين لنفسية الأمة"؟؟
ألم يحن الوقت لرفع قانون الطوارئ؟؟
|
هي نقـاط اخرى واضحه لكن طرحها ضمن هالمـوضوع و بطريقه هالمقارنه اللي قدمتها حضرتك بخـليني ما اقدر القي الضوء عليها او حتّى اقدر فكّر فيها منفرده عن مقارنتك ..
