اقتباس:
كاتب النص الأصلي : yass
وين هدول خيو؟
|
انا بالأول ما ذكرت فين لان بهمني الفكرة انه في كتير نقوشات وفي كتير تفاصيل على واجهات الأبنية ما حدا بيخطر له ينتبه عليها ... بس حاسسك مهتم وقت سمعت كلمة ماسونية
لهيك بدي خبرك وين
اللي قلت عنه ماسونية هو نفسه .... ويا لسخافة القدر
مخفر العزيزية بحلب ... واللي متعارف عليه ب " المندوبية " لأن ايام العثمانيين كان المندوب السامي الفرنسي ساكن فيه ... ومين بناه ما حدا بيعرف لكن اضافة لهاد الرمز في بالداخل كتير تفاصيل دقيقة متل الهرم اللي بنصف في عين .... بس ما قدرت حط شي لأن بتعرف الفوتة مانها متل الطلعة
يمكن يفوتوني بالهين لجوا بس ما بعتقد بدي اطلع بالهين اذا فتت وحتى اذا طلعت بدي اطلع بلا الكاميرا
مشان تاني صورة تبع القناعين موجودين على باب دار التربية الأرمني ماني متأكد من اسمه بس هيك شي وهوي نفسه اللي دائما الاستاذ القدير
همام حوت بيعمل مسرحياته فيه ... بس ما بظن حدا فكر يرفع راسه ويشوف شو عبحاول اللي نقش هي النقشة او اللي حط هي الزخارف شو عبحاول يوصل لي او شو عبحاول يقول ....
اقتباس:
كاتب النص الأصلي : whiterose
اي اي وين هدول وكمان صورة البيت يلي عليه الداليه
وكمان صورة الجبل والبحر والغروب وين هدول وين مصورون؟؟
|
جبل بحر غروب ما فهمت على اي صورة قاصدة
بس الدالية على الشارع العام بجانب المخفر العزيزية في هنيك متل مدرسة ما بعرف شو اسمها
هاد هوي البناء تبعها ...