انا بحب جدا انى افكر فى كل حاجة عملتها او حصلت لى
بلاقى متعه فى كده
واكتشفت انى عمرى ما عملت حاجة ابدا او حصلت لى حاجة ابدا و خصوصا المصائب الا لما بيبقى فعلا لربنا حكمه فيها
هديكم مثال
مره بابا الصبح وهو بيوصلنى على المدرسه و كنا دايما انا و هو بنركب تاكسى
اليوم ده الطريق بقى زحمه اوى اوى اوى و روحت انا وهو مشى و مشيت فى طريق اول مره اشوفه و بعدها بسنه اتاخرت على الدرس بتاعى و هو كان فى نفس المكان بتاع المدرسه تقريبا و ملقتش حاجة اركبها و لو كنت مشيت من الطريق اللى متعوده عليه مكنتش هلحق اروح و سبحان الله افتكرت الطريق اللى مشيت فيه مره واحده مع بابا وو صلت فى الميعاد
و مره تانيه و دى بقى اكتر من الاولانيه و اقرب منها
السنه اللى فاتت جبت 94.6% و كنت علمى علوم و كلنا عارفين ان المجموع ده فى مصر من سنتين ميدخلش طب
قولت احول رياضه و كان ... و اكتشفت لما دخلت رياضه انى بحبها اوى و انى مكنتش هطيق الاحياء و لا هزيد فى المجموع و لا هلحق طب
و السنه دى رغم ان امتحانات علمى رياضه جت صعبه الا انى اكتشفت ان مجميع علمى رياضه قلت اوى اوى و ان مجموعى يدخلنى و لحمد لله هندسه و احتمال كمان اعلى هندسه فى مصر
و اكتشفت ان طلع حكم قضائى بانهم يقللوا عدد اللى داخلين طب و بالتالى هتزيد مجاميع اللازمه لدخول كليه طب
فمكنتش هلحقها
و من خلال كل اللى حصلى استنتجت اننا اتخلقنا فى الارض لنعبد ربنا اولا و ثانيا لتعمير الارض و ثالثا للتامل و الاخذ بالاسباب
و اننا كل ما تاملنا فى اللى بحصل لنا هيذيد ايمانا بالله اوى اوى اوى
سبحان الله
I try to go on like I never knew you
I'm awake but my world is half asleep
I pray for this heart to be unbroken
But without you all I'm going to be is,
incomplete
|