[Ms. J.A]

كاتب النص الأصلي : شب الكوبة

أنا من ناحيتي بشوف انو الله ما أمر بشي الا وفيه مصلحة البني ادم

وعندي ثقة انو يوما ما بعد ما ينتشر الايدز بشكل كبير وما بقى الواحد يعرف أبوه رح يكتشفو الناس و خصوصا بالغرب أهمية حشمة المرأة.. لأنو بتصور انو رح يكتشفوا انو هي المشكلة قسم منها يتعلق بالحرية الزايدة يللي اخدتها النساء من لبس وغيروا ويللي بيخلي "البعض" دائما منثار هرمونيا أو "متنشط جنسيا " ويسعى لاشباع رغبتو بالحرام ربما ..



المرأة عورة بالنهاية سواء قبلت او لاء فحاجة تقولو جسدها سامي وشو بيعرفني ..

شو بدنا نساوي المرأة شر لا بد منه

سبب الايدز مش عدم حشمة المرأة..صراحة ولا مرة قرأت او سمعت انو النساء غير المحتشمات بينقلو الايدز..
بعدين الايدز مش منتشر بس بالغرب منتشر بالعالم العربي بس موضوع اصعب من انو ينحكى عنو بمجتمعات زي مجتمعاتنا ..
اجبار المرأة على ارتداء الحجاب بطريقة مباشرة او غير مباشرة سبب من اسباب الانحدار اللي بيصير عنا بالمجتمع.. لأنو الضغط يولد الانفجار ولأنو الممنوع مرغوب..
قمة في التسفيه للموضوع انك تحكي انو حرية المرأة الزيادة هي سبب الانحلال لأنو حرية المرأة اشي والسفور اللي بتوصف في اشي تاني ..
حرية المرأة معناها انو الست حرة تختار مصيرها وانها سيدة نفسها ولما النساء بدو يتحررو بدو يشتغلو ويتعلمو ويشغلو مناصب مهمة..
الأولى فيك لتقلل من نسبة الايدز توعي الناس ذكورا واناثا لأنو الذكر عليه مسؤولية .. الانسان الملتزم ما بيرضى بعلاقة عابرة مع وحدة بيعرفهاش .. بالاضافة لتوعية الناس بالاسباب الاخرى اللي بتنقل المرض واللي النساء ما الهم علاقة فيها

المرأة مش عورة .. عار نسمع جملة زي هيك بالقرن ال21 المرأة زيها زيك الها حقوق وعليها واجبات وزيها زي الرجل بكل اشي .. بدك المرأة تحتشم بلباسها كمان لازم تطالب الرجال يضبطو شهواتهم ويبطلو عبيد لغرائزهم ..
الحل مش بالحجاب..الحجاب علاج اقل من سطحي للمشكلات الكبيرة اللي بتطرحها
احترامي