[قرصان الأدرياتيك]

ليش لهلق....خليه للقضاء اللبناني يستنالو شي مية سنة تانية بعدين يحرك القضية

شو قصة القضاء اللبناني اليوم
شو قصة هالقرار وشو هو تبعاتو متل ما بيقولوا
والله ما بعرف من بعد حرب العراق المنطقة كلها فاتت بدوامة الها اول ما الها اخر
شو اللي ذكرهم بالامام الصدر هلأ وبهالوقت
ومع مين بدهن يعلقوا مع فخامة العقيد القذافي
اما سمعة

يا شباب طولو بالكن شوي... القضيّة ما كانت واقفة لتحيا... كانت شغّالة من زمان كتير، بس كانت متوقفة عند القضاء الإيطالي... لأن ليبيا بتقول أنو هن غادروا الأراضي الليبيّة على متن طيارة رايحة عإيطاليا... وإيطاليا أنكرت هالشي فالقصّة كانت علقانة بين لبنان وبين دولتين عم يكذبوا بعض...
والقرار اللي صدر عن القضاء اللبناني هو نتيجة لقرار صدر عن القضاء الإيطالي السنة الماضية على ما أظنّ بعد استئناف طبعاً وكان ملخّص القرار أنّو الصّدر ومرافقيه ما دخلوا الأراضي الإيطالية لا بطيارة ولا بغيرو وليبيا كذّابة بهالموضوع!!!
وبصراحة أنا كمان بقول أنّو ليبيا هي اللي وافقت على اغتيال الصدر ومرافقيه ودبرت العمليّة والله يكسر إيدين اللي عملا دنيا وآخرة.
موسى الصّدر كان شخصيّة رائعة جداً ومثال على التسامح والسّلام وبتمنّى من كل قلبي أنّو تتكرّم هالشخصيّة وتنال حقّا من الإكرام ويتعلّموا اللبنانيّون من مثال الصّدر الأكثر من رائع.

مع التحيّة للجميع.