مبارح واليوم حضرت 3 أفلام حلوين وعجبوني كتير...
ما رح حط اقتباسات منن بس رح حط وصف صغير لكل فلم وبنصحكن تحضرون
الفلم الاول هوي فرنسي اسمو
Amélie
أو Le fabuleux destin d'Amélie Poulain
(دراما - رومانس- كوميديا) من بطولة Audrey Tautou
بطلة الفلم "اميلي" عاشت طفولة مختلفة عن غير أطفال، وكانت محرومة من الحنان لأنو أهلا كانو مشغولين بغير اشياء ومعقدين شوي.. ولما كبرت البطلة لاقت بحفرة بالجدار صندوق فيه أغراض وألعاب الطفولة للشخص الي كان ساكن قبلا بالبيت، فقررت تدور على صاحب الصندوق وتعطيه ياه منشان تسعدو.. ولما وصلت لصاحب الصندوق عجبتها الشغلة وصارت تحاول تسعد كل الاشخاص القراب عليها، انو تغير شي بحياتن بما انو هني كمان وحدانيين... اميلي بتخاف أو بتخجل لو الناس عرفت انو هيي الي عملت هالاشياء معهن فبتراقب من بعيد كيف بتتغير حياتن... واتصرفت نفس الشي مع الشخص الي حبتو "نينو"، اتعاملت معو بالالغاز لحتى عرف مين هيي البنت الي بتتحركش فيه... يمكن بهالطريقة عم بتعوض عن الملل الي عاشتو بطفولتا..
الفلم بيركز على أمور صغيرة وجانبية بتصرفات الاشخاص (خاصةً لما بيحكي سارد القصة أثناء عرض الفلم) وهالشي بطريقة فكاهية جداً...
الفلم هادئ وبيعكس صورة المجتمع الفرنسي وأطباع الفرنسيين..
haa haaaa haatshuuu!!!!!!!..... Sorry, I'm allergic to bullshit!
Urhoy سابقاً