اقتباس:
كاتب النص الأصلي : وشم الجمال
يا قلبي انا اعطيت مجرد مثال انا مو قصدي اليهود حصرا ولكني بناقش فكرة انو لما يكون انتقل الشخص من موقعو المدني لموقع حربي هاد بعطي مؤشر انو ما عاد مسالم ...وهلق بالله حضرة جناب اليهود اجو عفلسطين وعم يقتلوا فيها اهلها بدك يعني نعتبرهم مسالمين ونقاسمهم لقمتنا ؟؟؟؟والله ما بتزبط ...حتى الانسانية بتعطي الحق للفلسطينيين يدافعوا عن حالهم ...وهمو ما راحوا قتلوا يهود بسويسرا مثلا لكن بيقتلوا اليهود يللي احتلوا بلدهم وقاعدين فيها...
انا مو ضد اليهود لكني ضد الاحتلال وهمو محتلين فانا ضد اليهود المحتل  ورأيك عراسي |
هاد الحكي يجوز ينفع أيام النكبة, يجوز ينفع المستوطنين هلأ (المستوطن كشخص بالغ و يعرف شو عم يعمل.. طفلو ابن الخمس سنين لو انو ابن ابليس بذاتو.. مالو ذنب) لكن ما بينفع كل اليهود اللي بفلسطين...
وحدة من أكبر الأمور المثيرة للاشمثزاز بثقافة ازدواجية المعايير العروبية العفنة هي التالية: أيام عبد الناصر (الله يرحمو بس لا يعيدو) انطرد أكثر من ربع مليون يهودي من مصر شر طردة... ركّبوهون السفن و قلّعوهون على اسرائيل.. و غالبيتهم المطلقة ما كان بدهون يرحلو على اسرائيل و لا كان هاد خيارهم, و لليوم في يهود مصاروة بيحلمو بالعودة... طيب اذا كتير متحاملين على المهاجرين اليهود على فلسطين ليش قلّعتو اليهود اللي كانو عايشين بيناتنا بأمان و سلام.. و ساهمتو بزيادة حركة الهجرة؟؟؟
العربان نزلو و لساتهون نازلين حشك و مسبة بالدول اللي تخلّصت من اليهود عن طريق ارسالهم لاسرائيل.. و هنن عملو نفس الشي بالزبط.. و مافي أبشع من اللي يساوي شي بنفس الوقت اللي عم يهاجم غيرو ازا ساواه
نفس اللي صار بمصر صار بالعراق, أو باليمن, أو بالمغرب.. بعد قيام اسرائيل العرب ساعدو بشكل فعّال في زيادة عدد سكانها عن طريق طرد اليهود إليها
بعدين هاد حكي نظري.. نظري بحت و دوغماتي من النوع الثقيل... يعني الجيل الثاني و الثالث هلأ شو بيعملو؟ شو بيساوو فيهون؟؟ عم اسأل رد واقعي.. مو شعارات.. يعني العربان دائما ينبحون بضرورة عودة اليهود من حيث أتو.... طيب ماشي.. بترجعو اليهود المصريين على مصر و ترجعولهون شركاتهون اللي أممتوها؟؟ و بيوتهون (اللي كانت منها قصور تسلبطوها ضباط الجيش المصري) .. بترجعو يهود العراق؟ يهود اليمن؟ يهود المغرب؟ على حد علمي الدولة الوحيدة اللي ظلت فاتحة الباب لعودة اليهود اللي هاجرو منها هيي سوريا ( و للمعلومات: من سوريا قليلين جدا اليهود اللي هاجرو على اسرائيل, الغالبية اتجهت إلى الولايات المتحدة و الأرجنتين و البرازيل)