[oliver68]

شكرا كتير شيفا عالقصيدة، القصيدة لما دورت وبحبشت بالنت طلع اسمها "معركة العروبة"، وأنا من وجهة نظري بقول إنها 99% لنزار، بس يا ريت الشباب يتأكدولنا من هالموضوع، أما مشان موضوع "نفي" نزار، أنا ما بظن إنهن نفوه بشكل رسمي، فيك تقول طفشوه، عوفوه سماه، بس مو نفي، أو بالأحرى نفي مو رسمي.
أما مشان ملاحظتك أخي ليون هارت، نزار قباني استقال من السلك الدبلوماسي عام 1966، وبعدها بظن عاش ببيروت مشان دار نشر تبعو، ولما توفت بلقيس مرتو وحبيبتو بال1982 زهق من الوطن العربي ومن جهلو وتخلفو، وبلش يتنقل بأوروبا بين باريس وجنيف لحتى استقر بلندن، هوي فعلا اشتغل فترة بالسفارة السورية بلندن، بس مو بعد ال1966 فما تفكر إنو سوريا عطتو حقو بآخر حياتو، بالعكس تماما، ضللوا مسلطين سيف الرقابة عليه، وحتى لما رجع ما خففوا عنو، فاظطر يرجع للندن ويكمل حياتو هنيك لحتى رجع غصب عن الكل، وعن يللي بيرضا وما بيرضا، وبدون سيف الرقابة، صحيح رجع جسد ميت، بس روحو وأشعارو مافي رقيب أو ظالم بالدنيا شو ما كان جبار أو دكتاتوري بيقدر يمنع روح وشعر نزار قباني من إنو يضللوا معنا.