[المتشائل]

كاتب النص الأصلي : Ms. J.A

انو شو هالنغاشة هاي !!
مش قادرة اقدر استطيع انا !!
ما في اي واحد منا هون ممكن يقبل انو يتفرط بهيك حق بأي شكل من الأشكال
بمعنى انو لا يمكن نقبل اللي تنازل عن كتير اشياء بطريقة فاضحة لاسرائيل يتنازل عن حق العودة او عن اي اشي تاني !
احنا فعليا ما بنملك اشي لأنا بلد محتل !
بس يكونلك حق وينسحب منك مش معناتو بطل حقك ومش معناتو انو انت مجبور تتنازل عنو لأنو هاي انهزامية!!
اما يكونلك حق وينسحب منك وتوقع على تنازل عنو بطل اسمو حق وبطل معك مجال تتنازل عنو...
الوضع مسخرة ومش ناقصو اللي يتخوت عليه اصلا!! والاقتتال الداخلي مش معناتو انو ما في حرمة للدم الفلسطيني!!
اللي بدوا الاقتتال الداخلي عالم معموللها غسيل دماغ كل اللي همها تخدم مصلحة الحزب اللي هي فيه !
وبالمناسبة الاغلبية العظمى منا مش عاجبها اللي بيصير ورافضتو فبلا منو الحكي السوداوي كلو لأن الموضوع مش ناقصو !!!

لايا ستي اللي بدهم الاقتتال مو معموللهم غسيل مخ ...
ما تحكيلي انهم اجو من المريخ ... ولا غزاة من السما ... او حتى ابتلاء الهي ... اللي بدهم الاقتتال هو الشعب ... لانو هاي نتاج تربية واخلاق الشعب الفارطة والفاطسة واللي طالعة ريحتها ...
ارجعي بذاكرتك شوي ... كل طلعة ونزلة ... كل كلمة وحركشة .. على طول السلاح بيطلع ... ثقافة المجتمع اصلا قائمة على السلاح .. على القتل ... على الدم ... على انو ما في حرمة لا بنآدم ولا لدم ولا لغيرو ...
ما تحكيلي انهم قلة ... هاي ثقافة غزة ... وثقافة اهل غزة ... وللاسف وللعار الكبير ... اني من غزة كمان ...

اما حق الرضعة ... سوري قصة الرجعة ... متل ما حكت جيفارا 7 ... مش غلط انكم تحلمو ... بس الغلط انو الاحلام تعمي عيونكم عن الواقع ... بس يوم ما ترجعو تعالو احرقوني ببنزين ...