اقتباس:
كاتب النص الأصلي : المتشائل
لايا ستي اللي بدهم الاقتتال مو معموللهم غسيل مخ ...
ما تحكيلي انهم اجو من المريخ ... ولا غزاة من السما ... او حتى ابتلاء الهي ... اللي بدهم الاقتتال هو الشعب ... لانو هاي نتاج تربية واخلاق الشعب الفارطة والفاطسة واللي طالعة ريحتها ...
ارجعي بذاكرتك شوي ... كل طلعة ونزلة ... كل كلمة وحركشة .. على طول السلاح بيطلع ... ثقافة المجتمع اصلا قائمة على السلاح .. على القتل ... على الدم ... على انو ما في حرمة لا بنآدم ولا لدم ولا لغيرو ...
ما تحكيلي انهم قلة ... هاي ثقافة غزة ... وثقافة اهل غزة ... وللاسف وللعار الكبير ... اني من غزة كمان ...
اما حق الرضعة ... سوري قصة الرجعة ... متل ما حكت جيفارا 7 ... مش غلط انكم تحلمو ... بس الغلط انو الاحلام تعمي عيونكم عن الواقع ...  بس يوم ما ترجعو تعالو احرقوني ببنزين ...
|
اول اشي انا مواطنة مش لاجئة يعني ما حرجع على ولا محل تاني اشي انا ضد حرق الجثث عشان الدخان بيعمل مشاكل للاوزون !
اللي عملو الاقتتال الداخلي مش جايين من المريخ جايين من هالارض ومعموللهم غسيل مخ من وهم زغار مربين عالحزبية وعلى كره الاخر ..
من قبل أحداث غزة والطرفين بيكرهو بعض وبيكرهو بعض بطريقة مش طبيعية وما عندهم اي مشكلة لتزييف الحقائق ليبانو انهم الضحية !!
اما بالنسبة لثقافة المجتمع اللي قايمة عالسلاح بدك تعزر العالم اللي هون يعني صعب شوي يربو اطفالهم ع ثقافة انو الدنيا حلوة وانو العنف اشي مرفوض وانو ما لازم تكون ذئب لأنو الذئاب معدودة عالاصابع هون !!
احنا مجتمع عربي و طبيعي انو نكون من الناس اللي بتفكر انو الك حق خدو بايدك وطز بالقانون (مش معناتو انا مع هيك سياسة) واللي زاد الطين بلة الظروف اللي احنا مرينا وبنمر فيها ووالفوضى والفساد اللي نخر عضام الأمة نخر !!
لساتني مصممة انو في كتير عالم هون ضد الاقتتال ومتضررين منو كتير مش شوي.. وبالرغم من محاولات الاستقطاب المستميتة اللي الحزبين بيحاولوها بالبلد في كتير ناس بتفضّل ما تأيد حدا منهم..