[المتشائل]

كاتب النص الأصلي : Ms. J.A

اول اشي انا مواطنة مش لاجئة يعني ما حرجع على ولا محل تاني اشي انا ضد حرق الجثث عشان الدخان بيعمل مشاكل للاوزون !
اللي عملو الاقتتال الداخلي مش جايين من المريخ جايين من هالارض ومعموللهم غسيل مخ من وهم زغار مربين عالحزبية وعلى كره الاخر ..
من قبل أحداث غزة والطرفين بيكرهو بعض وبيكرهو بعض بطريقة مش طبيعية وما عندهم اي مشكلة لتزييف الحقائق ليبانو انهم الضحية !!
اما بالنسبة لثقافة المجتمع اللي قايمة عالسلاح بدك تعزر العالم اللي هون يعني صعب شوي يربو اطفالهم ع ثقافة انو الدنيا حلوة وانو العنف اشي مرفوض وانو ما لازم تكون ذئب لأنو الذئاب معدودة عالاصابع هون !!
احنا مجتمع عربي و طبيعي انو نكون من الناس اللي بتفكر انو الك حق خدو بايدك وطز بالقانون (مش معناتو انا مع هيك سياسة) واللي زاد الطين بلة الظروف اللي احنا مرينا وبنمر فيها ووالفوضى والفساد اللي نخر عضام الأمة نخر !!
لساتني مصممة انو في كتير عالم هون ضد الاقتتال ومتضررين منو كتير مش شوي.. وبالرغم من محاولات الاستقطاب المستميتة اللي الحزبين بيحاولوها بالبلد في كتير ناس بتفضّل ما تأيد حدا منهم..

عم حييكي
هههههههههههه
هلا ما تقلقي ع الاوزون كتير ... يعني خراب روما لا يتوقف على حرق جثتي ... لا تخافو من هالناحية ...
انا معك في كثير مما قلتي ... لكن ... هذا لا يبرر وجود ثقافة العنف ... على كل حال ما بدنا نطلع عن سياق موضوع العودة ... العودة إلى اين ؟ ومين رح يعود ؟؟؟ اذا كان في عودة ...
وما بدنا نطلع نحكي بفتح وحماس ... لان هالسيرة بتعملي نوع من التقزز العام ... من كوني فلسطيني ...

بالنهاية رح ارجع احكي ... اسرائيل دولة وضحت مخاوفها الديموغرافية اكتر من مرة ...
يعني ما تحلمو بالعودة غلا ازا قامت دولة ديمقراطية متعددة الثقافات - حل دولة واحدة ...

او انتظرو ميتافيزيقيا الساعة وليدخلو المسجد كما دخلوه اول مرة ...

ما في غير هالشغلتين ، باتمنى الاولى انا