برأيي اهم شي تحكي شي بيشبهك . . شي بيعنيكي ..
وإن كنتي عم تعاني صعوبة تحكي شي عميق ... برأيي بداية التواصل مع الطرف التاني تشرحيلو هالشي
أنو يمكن بتحتاجي وقت .. يمكن بحاجة ثقة اكتر ..( بس مهم كتير تفسريلو ليش انت ما عم تحكي )
هلق في حال قدرتي تتخطي الخجل .. وحاجز الثقة والخوف إلخ إلخ إلخ ..
برأيي ونصيحة صغيرة ما تحكي أشيا نمطية " جو وطقس واكل وتياب وإلخ إلخ " احكي شي بيعنيكي وبيمسك الك
يعني دون عموميات .. احكي شي يطلع فيه الطرف التاني .. من المحادثة بيعرفك اكتر من قبل .. بيفهمك اكتر
هلق ما تخافي انو ما يحب اللي عم تحكيه " عادة الحديث الصادق اللي من القلب بيلاقي صداه " وفي حال حكيتي بصدق وما حبها .. فأنو أفضل انو الناس ما يحبونا .. على انو يحبونا لأنو محسبين أنو نحنا اشخاص تانيين .. او لأنو ما بيعرفونا ..
بدك علاقة عميقة مع هادا الشخص اللي عم يسمع ؟
احكيلو مخاوفك .. نقاط ضعفك .. نقاط قوتك .. احلامك .. مشاعرك .. وارائك كمان
خلي الحديث معك يكون فيو مشاركة باتجاهين
اسمعي واعطي الأخر شي من فكرك وروحك .. ليسمعو
كمان نصيحة صغيرة ( إذا سمحتيلي  ) ما تحكي معو شو هو حابب يسمع .. يعني احكي شو انتي بدك بدون ما تفكري انو ايوااااااا هو هيك رأيو فتوافقي معو على شي انتي يمكن ما بتعتقديه حقيقة
اهم شي .. كوني على ثقة  انو عندك شي جواتك مهم وحلو ولازم تشاركي فيه شخص تاني
موفقة بتليفونك الجايي 
وعبري وانطلقي .. " خاصة إذا كان عندك ثقة بمستمعك "
|