موضوع حامي كتير
يا جماعة بدي اطرح عليكن مشكلة خطيرة صارت معي وبتمنى الصدق والصراحية ومراعاة العلمانية بردودكن..
باختصار وببساطة في بنت صديقة الي ومتل اختي وبعزها كتير يعني (صداقة مو حب لا يروح فكركن لبعيد يا حبيباتي)
المهم:اجتني احد هالايام المزفتة يا غافل الك الله وفتحنا الاحاديث المالها طعمة وهيك وكذا وما بعرف شو....
وانا حاسس في بلسانها حكي...وبالنهاية نطقت الجوهرة ويا ريتها ما نطقت:فلااااان قلتلها شووو وبكل ثقة بالنفس فاحزروا شو طلبت مني؟؟؟؟
قال انا خجلانة كتير منك بس بدي اطلب منك طلب...نعم تفضلي شو بدك....اناااااااا ...انااااااا...والله خجلانة؟؟؟ لك شبكككك؟؟؟ احكي يا مخلوقة؟؟؟قالت: بتتجوزني ؟؟؟؟(عرفي وفهمكن كافي)منشان افهم واتعلم لأنو بحس حالي عطول غشيمة ما بفهم بهالموضوع بين رفقاتي؟؟؟؟ أنا هون يا جماعة الخير فتت بالحيط وفنجرت عيوني وما عد اعرف اليمين من اليسار ..........طيب انا احترت بأمري وما جاوبتها وبالليل عم فكر فقلت لنفسي طيب هالبنت مانها قاعدة وما تعملا...فاذا كنت انا مو أحسن ما يكون حدا تاني ترتمي بين ايديه ويستغلها ويكون ابن حراااااام؟؟؟
وبنفس الوقت اذا اقبلت ما بكون انا عم شارك بجريمة بحق هالمخلوقة هي يمكن ما بتوعالها؟؟؟ وتعا خبر اهلها او القرايبين يمكن يرتكبوا جريمة فيها ولا رح تمتنع عن اللي ببالها.........
فيا ترى شو رأيكن بهالموقف الزفت اللي انحطيت فيه ويا حزركن شو جاوبتها تاني يوم؟؟؟
بعد ما بشوف ردودكن الموقرة ..؟رح قلكن بصراحة شو كان ردي.....
لا تجادل الأحمق ......................... فقد يخطئ الناس في التفريق بينكما .
|