اقتباس:
عزيزي ياس... تحيّة وبعد.
عندي كم سؤال إذا بتسمحلنا يا ولد العمّ:
|
تحت أمرك أنا ابن العم
اقتباس:
- لمّا بنزّل مشاركة عالمدوّنة والنصّ طويل كيف بدّي أكتفي ببضعة أسطر والبقيّة تكون مخفيّة تحت اسم "المزيد" أو "التفاصيل"... إلخ؟! في هيك تقنيّة عالبلوج سبوت؟!
|
بالاصدار القديم تبع البلوغ سبوت كانت موجودة بخيارات النشر, و لكن بالاصدار الحالي (بعد ما صارت تابعة لغوغل) رجعت دوّرت على هالخيار من فترة و ما لقيتو, و لفت انتباهي عدم وجود مدونات على البلوغ سبوت تستخدمها, فبعتقد لاغينها
اقتباس:
- شي تاني يللي هوّ العناوين الموجودة بمدوّنتك كيف بتحطّ الاسم مو الرّابط؟! مثلاً: كيف بتحطّ "الفصل الأوّل" من الأرجوحة ومجرّد تضغط عليه بتنتقل للموضوع؟!
|
بالبلوغ سبوت لما تفوت على "التخطيط" بيطلعلك مخطط لمدونتك, بقائمة اليمين تنقّي "اضافة أداة جديدة" و تاخد "قائمة روابط" و تحط عنوان للقائمة و تحت بيعطيك خيار انو تحط الرابط و اسم الصفحة اللي رح ياخدك عليها الرابط, و هكذا.
اقتباس:
- بالنسبة لليوميّات أو المواضيع يللي بتجي تحت اسم واحد متل "المذكرات" أو "الثلاثائيّات"... إلخ، كيف بدّك تحطها ضمن خانة وحدة وعنوان واحد بس بشرط يظهر عالصفحة الرئيسيّة آخر ما كتبته؟!
|
البلوغ سبوت يعطيك خيار التسميات أو التاغز, اللي هيي اللي تحطها بالخانة اللي تحت بوكس الكتابة, فيك تحط سمات جديدة أو تختار سمات موجودة, و بنفس طريقة اضافة الأداة اللي فوق تقدر تضيف قائمة السمات للقائمة اليمنى..
أما اذا قصدك انو مثلا بالصفحة الرئيسية يظهر أخر ما كتبت تحت كل تسمية.. فهاي بدها حدا فطحل أتش تي أم أل يعمللك ياها بالقالب, ما بتجي جاهزة
ما بعرف ازا هاد قصدك
لأي استفسار آخر أنا بالخدمة